startimes
Kigali
startimes

Ubuhinde:Abanyeshuri bategetswe gukuramo imyenda ku ngufu

Amakuru   Yanditswe na: Dusingizimana Remy 18 February 2020 Yasuwe: 5890

Abanyeshuri bo ku kigo cya kaminuza y’abagore kiri mu ntara ya Gujarat mu burengerazuba bw’u Buhindi baravuga ko bategetswe gukuramo imyenda bakereka abarimu babo b’abagore imyenda yabo y’imbere kugira ngo berekane ko batari mu mihango.


Sponsored Ad


Abo bagore 68 basohowe mu mashuri bajyanwa mu bwiherero, bategekwa umwe umwe gukuramo imyenda yabo kugira ngo babitegereze neza.Ibi byabereye mu mujyi wa Bhuj ku wa kabiri w’icyumweru gishize.

Aba bagore basanzwe biga ku ishuri rya kaminuza ryeguriwe idini ry’aba Hindou bavuga ko umwe mu bayobozi yagiye kubarega ku muyobozi mukuru w’icyo kigo ku wa mbere, abashinja ko barenze ku mategeko agenga abagore iyo bari mu mihango.

Nk’uko ayo mategeko abivuga, kirazira ko umugore cyangwa umukobwa ari mu mihango yinjira mu rusengero cyangwa mu gikoni.

Aba bakobwa ntibemerewe kandi no gukora ku bandi banyeshure iyo bari mu mihango.

Iyo igihe cyo gufungura kigeze, bategekwa kwicara kure y’abandi, bagategekwa kwiyogereza amasahani yabo bonyine, mu ishuri naho bategekwa kwicara ku ntebe y’inyuma.

Umwe muri abo banyeshuri yabwiye BBC ko abashinzwe aho kurara bazana igitabo aba bakobwa biyandikamo iyo bagiye mu mihango kugira ngo abayobozi b’ikigo babashe kubatandukanya.

Kuwa mbere, ushinzwe aho kurara yagiye kuvugana n’umuyobozi w’ikigo avuga ko abanyeshuri bari mu mihango barimo kwinjira mu gikoni, begera urusengero kandi bivanga n’abandi.

Ku munsi wakurikiyeho, abo banyeshuri bagirije uwo muyobozi n’umukuru w’icyo kigo ko babahohoteye bakabategeka gukuramo imyenda.

Bavuze ko ibyababayeho "bibabaje cyane" kandi ko "byabahahamuye" ku rugero rwo "kubarwaza mu mutwe".

Se w’umwe muri abo banyeshuri avuga ko igihe yageraga kuri icyo kigo, umukobwa we n’abandi bamwegereye bahita batangira kurira. Ati: "Bahahamutse".

Ku wa kane, ikipe y’abanyeshuri yakoze imyigaragambyo mu kigo, basaba ko abayobozi baryo "babahohoteye" ko bafatirwa ibihano.

Darshana Dholakia, wungirije umukuru wa kaminuza iyobora icyo kigo yavuze ko ikosa riri kuri abo banyeshuri. Avuga ko barenze ku mategeko kandi ko bamwe muri bo basabye imbabazi.

Bamwe muri abo banyeshuri babwiye BBC ko bari guterwa ubwoba n’abashinzwe icyo kigo babategeka kwirengagiza ibyabaye ntibakomeze kuvuga ibyababayeho.

Ku wa gatanu, komisiyo y’abagore bo mu ntara ya Gujarat yategetse ko hakorwa iperereza kuri iki "gikorwa giteye isoni", inasaba n’abo banyeshure " kuvuga nta bwoba ibyo bakorewe".Polisi yatangiye iperereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indege ya kompanyi Air India yakoze impanuka bamwe mu bari bayirimo...

Indege itwara abagenzi ya Kompanyi Air India yari irimo abantu 191 yakoreye...
7 August 2020 Yasuwe: 1438 0

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1306 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3721 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 5095 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1668 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4478 0