Kigali

Ubwongereza bwafungiye abaturage babwo bari baturutse mu Bushinwa mu kigo cya gisirikare kugira ngo batanduza abandi Coronavirus

Amakuru   Yanditswe na: Dusingizimana Remy 29 January 2020 Yasuwe: 1637

Leta y’Ubwongereza yanze gushyira ubuzima bw’abaturage bayo mu kaga,niko gufata abaturage bayo bari baturutse mu Bushinwa aho icyorezo cya Coronavirus kiri guca ibintu ibafungira mu kigo cya gisirikare bagomba kumaramo ibyumweru 2 badahura n’abantu hanze.



Ibi byakozwe mu rwego rwo guha akato aba bantu kugira ngo hataba hari uwakuye icyorezo mu Bushinwa akagikongeza mu bandi kuko cyandura cyane.

Aba bongereza ngo bagomba gufungirwa mu kigo cya gisirikare kugeza ibyumweru 2 bishize kabone nubwo baba nta bimenyetso by’iki cyorezo bafite.

Bitezwe ko Abongereza 200 bagomba kuva mu mujyi wa Wuhan hatangiriye iki cyorezo ari nayo mpamvu Leta yiyemeje kubafunga bose mu gihe cy’ibyumweru 2 bo n’abandi bantu bose bazajya baturuka mu Bushinwa.

Abahinzwe ubuzima muri UK bavuze ko aba baturage bakwiriye kumara iminsi 14 bafungiwe ahantu ndetse basuzumwa mu rwego rwo kurinda ko haba hari uwanduye Coronavirus akayanduza abandi.

Umunyamabanga mu kigo cy’ubuzima cy’Ubwongereza, Matt Hancock,yagize ati “Baraguma mu kato bahabwa buri kimwe mu gihe cy’iminsi 14,baba bafite ibimenyetso cyangwa ntabyo bafite.

Turi gukora ibishoboka byose ngo abantu bacu bave muri Wuhan.Umutekano w’abantu nicyo cya mbere.Buri wese uzaturuka Wuhan azajyanwa mu kato k’iminsi 14 ahabwa imiti n’ubufasha butandukanye.”

British Airways yahisemo guhagarika ingenzo zayo zerekeza mu Bushinwa kubera iki cyorezo kimaze guhitana abantu 132 mu gihe abandi 6,000 barwaye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Ariko ibi ni bya bihe by’Imperuka biruhije bivugwa muli Bible.Nubwo abantu nyamwinshi batabyemera,imana yashyizeho "umunsi w’imperuka" nkuko Ibyakozwe 17 umurongo wa 31 havuga.Kuli uwo munsi,izakura mu isi abantu bose bakora ibyo itubuza,isigaze gusa abantu bayumvira.Byisomere muli Imigani 2,imirongo ya 21 na 22.Kuli uwo munsi uteye ubwoba cyane nkuko bible ivuga muli Yoweli 2,umurongo wa 11,Imana izakuraho ubutegetsi bw’abantu nkuko Daniel 2,umurongo wa 44 havuga.Izaha ubutegetsi bw’isi yose Yesu nkuko tubisoma mu Ibyahishuwe 11,umurongo wa 15.Hanyuma Yesu ahindure isi yose paradizo.Niba dushaka KUROKOKA kuli uwo Munsi,dushake imana cyane,twe kwibera mu byisi gusa.Ni Imana ubwayo ibidusaba muli Zefaniya 2,umurongo wa 3.Byaba byiza uhasomye

    3 weeks ago

Inzindi nkuru

Umuntu wa mbere wishwe na coronavirus i Burayi yaguye mu Bufaransa

Mukerarugendo w’Umushinwa yapfiriye mu Bufaransa nyuma yo kwandura ubwoko...
15 February 2020 Yasuwe: 1645 0

Coronavirus yishe 242 mu ntara ya Hubei kuri uyu wa Gatatu

Abantu 242 ni bo bishwe na virus nshya ya coronavirus mu ntara ya Hubei mu...
13 February 2020 Yasuwe: 1227 0

Somalia: Se w’umwana w’imyaka 12 wasambanyijwe n’abagabo bakuze bakamwica...

Se w’umukobwa w’imyaka 12 wo muri Somalia yavuze ko umuryango we ari wo...
12 February 2020 Yasuwe: 4257 0

Uganda: Ingagi 4 zo mu muryango umwe zapfuye zikubiswe n’inkuba

Muri pariki y’igihugu ya Mgahinga iherereye mu mashyamba y’ibirunga ku...
10 February 2020 Yasuwe: 872 0

USA: Umuryango w’abantu 7 wahiriye mu nzu y’imbaho bose barapfa

Umugore n’abana be batandatu, barimo umwe wari ufite umwaka umwe, bahiye...
10 February 2020 Yasuwe: 2710 0

Umushinwa yarakaje benshi kubera amashusho yafashwe ari gukubita umunya...

Hirya no hino ku mbuga nkoranyambaga hakwirakwijwe amashusho y’Umushinwa...
9 February 2020 Yasuwe: 15400 4