addresiya
Kigali
startimes

Uganda:Umusirikare agiye kuzajya arebesha ijisho rimwe nyuma yo kumenwa irindi kubera kurwanya Coronavirus

Amakuru   Yanditswe na: Martin Munezero 13 April 2020 Yasuwe: 3967

Umusirikare w’ingabo za Uganda, UPDF, agiye kujya arebesha ijisho rimwe bitewe n’urugomo yakorewe n’abaturage bakamumena ijisho ubwo yarimo agenzura niba abaturage bagumye mu rugo nka zimwe mu ngamba zo kurwanya COVID-19 muri iki gihugu.



Uyu musirikare yahuye naka kaga kuri uyu wa 11 Mata 2020, mu Karere ka Amuru mu isoko ryitwa Bibia mu masaha y’umugoroba, Pte Alex Niwanyine ubarizwa muri Batayo ya 71 warindaga Komiseri w’aka karere yari mu isoko bari kugenzura uko ingamba zo kurwanya COVID-19 iterwa na Coronavirus ziri gushyirwa mu bikorwa maze abaza umuturage impamvu atari gutaha nuko uyu muturage witwa Stephen Olibia asumira uyu umusirikare amukubita ikofe mu jisho ageze kwa muganga yemeza ko ijisho ari ukurikuramo kubera ko ryangiritse cyane.

Umuvugizi w’Igisirikare cya Uganda, Brig. Gen. Richard Karemire yemeje aya makuru mu kiganiro yagiranye n’ikinyamakuru New Vision cyandikirwa muri Uganda.

Yagize ati “Nibyo, Pte Alex Niwanyine ubarizwa muri Batayo ya 71 yatakaje ijisho ubwo yakubitirwaga muri Bibia asaba abantu gukurikiza amabwiriza yo gukumira Covid-19.”

Gen. Karemire yavuze ko uyu muturage Stephen Olibia yamaze gutabwa muri yombi, akaba afungiwe kuri Sitasiyo ya Polisi muri Amuru ndetse akaba agomba gukanirwa urumukwiye kuko kurwanya inzego z’umutekano ari icyaha gihanwa n’amategeko ya Uganda.

Muri Uganda, abaturage bakomeje kurangwa n’urugomo muri iki gihe cyo guhangana na Covid-19. Bakunze gukora ibikorwa bigayitse birimo gutera amabuye abo mu nzego z’umutekano barimo ingabo, abapolisi ndetse na LDU (Local Defense Unit), icyakora n’izi nzego z’umutekano iyo zihuye n’umuturage zimukubita kiboko ku kibuno.

Gen. Karemire akomeza avuga ko abaturage bakomeje gukorera urugomo inzego z’umutekano kandi nyamara baba basabwa kuguma murugo cyane ko ibintu byose bifunze keretse ahacururizwa ibyo kurya ndetse n’imiti, aboneraho umwanya wo gusaba abaturage kwitwararika bagakurikiza amabwiriza bahabwa.

Ati: “Twakomeje kwakira amakuru y’abatera amabuye inzego z’umutekano ziri ku burinzi mu turere twa Kabale, Rukiga, Isingiro mu burengerazuba bwa Uganda, Moroto ndetse no mu duce nka Busia. Ntabwo tuzihanganira uru rugomo rukorerwa abo mu nzego z’umutekano bari mu kazi kabo, uzafatwa azahabwa ibihano bikomeye.”

Mu mihanda ya Uganda hakunze kugaragara ubushyamirane hagati y’abaturage n’inzego z’umutekano nkuko bikunze kugaragarira mu mashusho akwirakwira ku mbuga nkoranyambaga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 595 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5691 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2796 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 2987 0

US: Umwirabura washinzwe ivi ku ijosi n’umupolisi w’umuzungu bikamuviramo...

Abapolisi bane bo muri leta ya Minnesota muri Amerika birukanywe nyuma...
27 May 2020 Yasuwe: 3268 1

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 341 0