Kigali
startimes

Umugabo yapfuye ubwo we n’umugore we bari bari kugerageza kwikingira Coronavirus

Amakuru   Yanditswe na: Martin Munezero 25 March 2020 Yasuwe: 2678

Muri Leta Zunze Ubumwe za Amerika muri Leta ya Arizona, umugabo yapfuye naho umugore we araremba nyuma y’uko bombi biteye umuti wa chloroquine phosphate, bikekwa ko bariho bikingira Covid-19.



Perezida Donald Trump aheruka kuvuga ko hari ubwoko bwa chloroquine bushobora kuba igisubizo kuri Coronavirus, gusa ubwoko bwa chloroquine uwo umugore n’umugabo bari mu kigero cy’imyaka 60 bafashe, burimo ibinyabutabire kandi wifashishwa mu koza ibyuzi by’amafi.

BBC dukesha iyi nkuru ivuga ko nyuma gato y’uko aba bombi biteye uwo muti bahise barwara, nk’uko byatangajwe n’ibitaro bya Banner Health muri Arizona bahise bajyanwa kuvurirwamo.

Umugore yabwiye NBC News ko yabonye kuri televiziyo Bwana Trump aganira ku byiza by’uyu muti mu kuvura Covid-19.

Ikigo cya leta gishinzwe kwemeza ubuziranenge bw’imiti n’ibiribwa muri Amerika cyatangaje ko uyu muti utaremezwa ko uvura cyangwa ukingira iyi virus yo mu bwoko bwa coronavirus. Uyu mugore yabwiye NBC ati:”Twabonye ikiganiro cye n’abanyamakuru. Cyanyuzeho kenshi, Trump yakomeje kuvuga ko uyu ari umuti. Twari dufite ubwoba bwo kurwara.”

Muri Leta Zunze Ubumwe za Amerika abantu barenga 46,000 bamaze kwandura iyi ndwara y’icyorezo ya Coronavirus, naho abagera kuri 592 bamaze guhitanwa nayo.

Uyu mugabo n’umugore we, mbere bakoresheje chloroquine mu kuvura amafi yabo yo mu bwoko bwa Koi, bakaba hari uwo bari bagifite mu rugo, gusa uyu bari bafite ukaba utandukanye n’usanzwe ukoreshwa mu kuvura malariya.

Bavanze uyu muti n’ibisukika kugira ngo bawitere, ariko mu minota 20 gusa bari batangiye kurwara, aho uyu mugore avuga ko yahise atagira kuruka naho umugabo we akananirwa guhumeka, bagejejwe kwa muganga umugabo byarangiye yashizemo umwuka, naho umugore arembye cyane.

Ibitaro bya Banner Health byasohoye itangazo ribuza abantu bose gukoresha chloroquine mu gushaka kwivura cyangwa kwikingira Covid-19. Itangazo ryabo rigira riti:“Kuko nta muti uhari kuri Covid-19, twumva ko abantu bashaka inzira zabo mu kwikingira cyangwa kwivura, ariko ubu buryo ntabwo bukwiriye”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Burundi: Umugore wa Perezida Ndayishimiye yahembye umugore wabyaye abana 3...

Umugore wa Perezida w’u Burundi witwa Angélique NDAYISHIMIYE yagaragaye ku...
12 July 2020 Yasuwe: 1842 0

Donald Trump wasuzuguraga cyane agapukamunwa yavuye ku izima...

Perezida Donald Trump wa Leta Zunze Ubumwe z’Amerika yambaye agapfukamunwa...
12 July 2020 Yasuwe: 919 0

Ubushakashatsi bwagaragaje ko Coronavirus yandurira mu mwuka

Ubu bushakashatsi bwagaragaje ko Coronavirus yandurira mu mwuka mu gihe...
11 July 2020 Yasuwe: 1779 0

Hasohotse inyandiko nshya zivuga birambuye ibihe bya nyuma bya George...

Inyandiko z’urukiko zivuga uburyo George Floyd yatakambye akanavuga amagambo...
9 July 2020 Yasuwe: 1156 0

Abantu 5 batawe muri yombi bazira gutegura umugambi wo gushaka umukobwa...

Muri Kenya haravugwa inkuru y’abantu batanu batawe muri yombi bazira...
9 July 2020 Yasuwe: 1253 0

Minisitiri w’intebe wa Côte d’Ivoire yatabarutse avuye mu nama

Minisitiri w’intebe wa Côte d’Ivoire,Amadou Gon Coulibaly yaraye apfuye nyuma...
9 July 2020 Yasuwe: 783 2