addresiya
Kigali
startimes

Umugore urwaye icyorezo cya Coronavirus yabyaye abana 2 b’impanga maze abita amazina atangaje

Amakuru   Yanditswe na: Martin Munezero 3 April 2020 Yasuwe: 7074

Umugore wo mu gihugu cya Mexique wanduye coronavirus atwite yibarutse abana 2 b’impanga,abita amazina atangaje.



Annamaria José Raphael Gonzalez w’imyaka 34 yanduye COVID-19 ubwo yari mu bitaro bya General La Villa mu mujyi wa Mexico.Gonzalez yabyaye abana babiri bafite ubuzima bwiza. Umukobwa yamwise Corona José Miguel Gonzalez umuhungu amwita Virus José Miguel Gonzalez.

Uyu mugore yabwiye abanyamakuru ati “Nta mazina nari narateganyije. Dogiteri yagiriye inama yo kubita umwe Corona undi Virus kuko nanduye coronavirus numva ni igitekerezo cy’inyamibwa”.

Dogiteri Eduardo Castillas avuga ko yabwiye uyu mugore by’urwenya ngo aba bana ubite Corona na Virus umugore abisamira hejuru.

Uyu mugore yari yarateganyije ko azabyarira muri Leta zunze ubumwe za Amerika ariko inda imufata ataragerayo bituma abyarira muri Mexique.

Muri 2017 nabwo umugore wo muri Mexique yabyaye umwana amwita Malaria kuko yari arwaye Malaria, naho muri 2018 undi mugore yabyaye umukobwa amwita Gonorrhea kuko atwite yari arwaye indwara nyinshi zandurira mu mibonano mpuzabitsina.

Abantu banduye coronavirus ku isi ubu bamaze kurenga miliyoni imwe nk’uko bitangazwa na kaminuza y’ubushakashatsi ya Johns Hopkins.Iki cyorezo ubu kimaze kwica abantu barenga 53,000 naho abagerea ku 210,000 baragikize n’uko iyi kaminuza ibivuga.

Leta zunze ubumwe za Amerika nizo zifite abantu benshi banduye (245,193), kandi muri iki gihugu mu munsi umwe gusa ushize kishe abantu hafi 1,000.

Iyi coronavirus yahawe izina rya Covid-19, yabonetse hagati mu Bushinwa mu mezi atatu ashize.

Ku isi byafashe ukwezi n’igice kugira ngo hamenyekane abantu 100,000 bayanduye. Ariko miliyoni imwe yageze nyuma y’uko imibare itumbagiye bidasanzwe mu cyumweru gishize.

Ubu hafi kimwe cya kane cy’abanduye bose bari muri USA, mu gihe mu Burayi hose habarwa kimwe cya kabiri cy’abanduye.

Muri Afurika iyi ndwara imaze kwandura abantu 7,000. Malawi, kimwe mu bihugu bicye byari bisigaye cyaraye gitangaje abantu batatu ba mbere banduye iyi ndwara.

Aho Covid-19 itaraboneka muri Afurika ni muri Lesotho, Sudani y’Epfo, ibirwa bya Comores n’ibirwa bya Sao Tome na Principe.

Amakuru agezweho ni ayahe?

Ejo kuwa kane, muri Espagne hapfuye abantu 950 mu masaha 24 - biravugwa ko aribo bantu benshi bishwe n’iyi ndwara ku munsi umwe mu gihugu.

Muri Espagne imibare y’abanduye kuwa gatatu yavuye ku 102,136 ubu igeze ku 112,065. Abategetsi baho bavuka ko iyi ndwara ubu igeze ku gasongero bizeye ko igiye kumanuka mu minsi iri imbere.

Espagne ubu nicyo gihugu cya kabiri kizahaye mu bijyanye n’abo ihitana kuko imaze kwica abarenga 10,000, inyuma y’Ubutaliyani aho imaze kwica abagera ku 13,000.

Twageze aha dute?

Mu Bushinwa mu mpera z’ukwezi kwa 12, umuganga witwa Dr Li Wenliang w’imyaka 34 yatangiye gutanga impuruza mu bandi baganga ko hari virus nshya mu mujyi wa Wuhan mu ntara ya Hubei.

Polisi yamugezeho ashinjwa gutera ubwoba. Dr Li yapfuye tariki 06/02/2020 nyuma y’uko yanduye iyi ndwara ariho avura abayirwaye muri Wuhan.

Ubushinwa bwamenyesheje OMS/WHO ikibazo cy’abari kurwara ibihaha ku itariki 31/12/2019.

Tariki 03/01/2020, nibwo handitswe inkuru ya mbere kuri iyi virus nshya itazwi neza i Wuhan. Icyo gihe hari abantu 44 bamaze kuyibonamo, 11 muri bo bari barembye.

Benshi bagize ubwoba ko ibyabaye mu 2003 kuri virus ya SARS bigiye kongera kuko yishe abantu 774.

Byageze tariki 18/01 iyi imaze kwandura abantu 60, ariko abahanga bavuga ko mu by’ukuri abari bayanduye bari 1,700.

Hashize iminsi ibiri gusa, ubwo abantu benshi biteguraga kujya gutangira umwaka mushya mu Bushinwa, abayanduye bari bageze kuri 200 kandi babonetse no muri Beijing, Shanghai na Shenzhen

Tariki 23/01 Wuhan yahise itangaza guhagarika ubuzima busanzwe (lockdown).

Icyo gihe abantu 18 bari bamaze gupfa, abandi 570 bayifite ndetse yarageze mu Buyapani, Taiwan, Thailand, Korea y’Epfo na USA.

Hashize iminsi 10 umuntu wa mbere wo hanze y’ubushinwa yaramuhitanye muri Philippines.

Hashize iminsi itanu iyi virus yavuzwe muri Iran aho yakwiriye vuba ikica benshi.

Tariki 23/02 Ubutaliyani bwagize abantu benshi banduye, imijyi icumi yo mu majyaruguru (Lombardie) yahagaritse ubuzima busanzwe nyuma bikwira igihugu cyose.

Tariki 26/02 Amerika yaciye ku Bushinwa igira abantu benshi banduye iyi virus.

Tariki 12/03/2020, Kenya igihugu cya mbere muri Afurika y’Iburasirazuba habonetse umuntu wa mbere ufite Covid-19, umukobwa wari umaze iminsi avuye muri USA.

Tariki 13/03/2020 mu Rwanda naho habonetse umuntu wa mbere wanduye iyi ndwara. Umuhinde wari uherutse kuva iwabo.

Umuntu wa mbere ufite iyi ndwara yabonetse muri Tanzania tariki 16/03, ni umugore w’umutanzania wari uvuye mu Bubiligi.

Muri Uganda umuntu wa mbere yabonwemo iyi ndwara tariki 20/03 naho mu Burundi uwa mbere yabonywemo iyi ndwara kuwa kabiri w’iki cyumweru.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musenyeri yanenze bikomeye Perezida Trump wasuzuguye Kiliziya...

Musenyeri mukuru wa Kiliziya Gatolika i Washington yanenze bikomeye...
3 June 2020 Yasuwe: 517 0

Sudani y’Epfo: Minisitiri ushinzwe iby’umuryango wa Afurika y’Iburasirazuba...

Abategetsi muri iki gihugu bavuga ko Minisitiri John Luk Jok yapfuye mu...
2 June 2020 Yasuwe: 2617 0

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1487 0

Perezida Museveni yasubitse Ifungurwa ry’amashuri kubera Coronavirus

Perezida Yoweri Museveni wa Uganda yasubitseho ukundi kwezi gahunda yo...
2 June 2020 Yasuwe: 1460 0

DR Congo: Ebola yahitanye abantu bane mu gace kitwa Mbandaka

Hemejwe ko habonetse abantu bashya banduye indwara ya Ebola muri Repubulika...
2 June 2020 Yasuwe: 310 0

Afurika y’Epfo: Ibyishimo byarenze abakunzi b’agasembuye baraye ijoro...

Imirongo miremire yabonetse imbere y’inzu zicuruza inzoga muri Afurika...
1 June 2020 Yasuwe: 2248 0