Kigali
startimes

Umujyi wa Wuhan watangiriyemo COVID-19 abaturage basubiye mu buzima busanzwe

Amakuru   Yanditswe na: Dusingizimana Remy 8 April 2020 Yasuwe: 5544

Igihugu cy’Ubushinwa cyatangaje kuri uyu wa kabiri ko itegeko cyari cyarashyizeho ryo kubuza abantu bo mu mujyi wa Wuhan utuwe na miliyoni 11 gusohoka mu ngo zabo ryarangiye.



Uyu mujyi wa Wuhan niwo watangiriyemo icyorezo cyakwiriye isi yose na nubu kikaba gikomeje kurimbura imbaga y’abatuye isi by’umwihariko muri Amerika n’I burayi.

Ingingo yo kubuza abantu gusohoka mu Bushinwa yari imaze iminsi 76 yarangiranye na sasita z’ijoro zo kuri uyu wa kabiri, nyuma y’aho reta y’Ubushinwa itangarije ko nta muntu mushya wanduye, nabwo bamwe bagishidikanya kuri iri tangazo ry’Ubushinwa.

Mu Buyapani, Leta yashyize ibice bimwe by’igihugu mu bihe bidasanzwe kubera Corona, mu gihe mu Bwongereza Minisitiri w’intebe Boris Johnson akiri mu bitaro kubera Coronavirus.

Mu gitondo cyo kuri uyu wa gatatu tariki ya 08Mata 2020, imibare y’ubwandu bushya n’abahitanywe n’iki cyorezo yakomeje kuzamuka mu buryo budasanzwe ndetse ubu Leta Zunze Ubumwe za Amerika zaciye agahigo ku Isi ko gupfusha abantu benshi ku munsi umwe kurenza ibindi bihugu.

Inzego z’Ubuzima muri Leta Zunze Ubumwe za Amerika zivuga ko ibi byatumye abantu bose bamaze gupfa muri iki gihugu baba 12722, kandi imibare iri bukomeze kwiyongera.

Muri Leta Zunze Ubumwe za Amerika kandi umuririmbyi ukomeye, John Prine, yapfuye azize iki cyorezo.

Mu Bushinwa aho iki cyorezo cyatangiriye mu Mujyi wa Wuhan, ubu abaturage barangije ibyumweru 11 bari bamaze mu kato ndetse ibikorwa by’ubucuruzi byasubukuwe.

Imibare yo muri iki gitondo saa 08:00, igaragaza ko ku Isi hose abamaze kwandura Coronavirus ari 1432084, abitabye Imana bo ni 82099, mu gihe abamaze gukira bo ari 302209.

Kugeza ubu Leta Zunze Ubumwe za Amerika, Espagne, u Butaliyani, u Budage n’u Bufaransa ni byo bihugu bikomeje kuza imbere mu kugira abanduye benshi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Ce

    Ni byiza ko Ubushinwa bwatangiye gutsinda Covid19 muri Wuhan biratanga icyizere no Ku bindi bihugu.Ni baze bafashe ibindi bihugu banabisangize Ku bunararibonye bwabo bakoresheje.Umugabo nyamugabo yirwanaho akarwana no kubandi.

    2 months ago

Inzindi nkuru

Uganda: Umumotari yitwikiye ku biro bya polisi nyuma yo kumusaba...

Umumotari w’imyaka 29 wo muri Uganda yapfuye yitwikiye ku biro bya polisi,...
3 July 2020 Yasuwe: 551 0

Kim Jong-un yemeje ko igihugu cye cyakubise inshuro icyorezo cya...

Kim Jong-un, umutegetsi mukuru wa Koreya ya ruguru, yashimagije igihugu cye...
3 July 2020 Yasuwe: 510 0

Republique Tcheque: Abantu ibihumbi bakoze ibirori byo gusezera kuri...

Mu gihe ishyirahamwe rishinzwe ubuzima ku isi OMS muri iki cyumweru...
1 July 2020 Yasuwe: 1150 0

Burundi: Perezida Ndayishimiye yagabanyije igiciro cy’isabune ku kigero cya...

Kuri uyu wa 30 Kamena 2020 nibwo perezida Ndayishimiye yakiriye indahiro...
30 June 2020 Yasuwe: 2524 0

Abana babiri b’abahungu barasiwe mu gace ka Seattle muri Amerika

Umwana yishwe arashwe naho undi arakomereka bikomeye mu kurasana kwabereye...
30 June 2020 Yasuwe: 1339 0

Ubushinwa: Mu ngurube habonetse indi virusi y’ibicurane ’ishobora kuba...

Ubwoko bushya bwa virusi y’ibicurane ishobora guhinduka icyorezo bwatahuwe...
30 June 2020 Yasuwe: 840 0