addresiya
Kigali
startimes

UNICEF yemeje ko DR Congo ihanganye n’indwara eshanu icyarimwe

Amakuru   Yanditswe na: Dusingizimana Remy 1 April 2020 Yasuwe: 3163

Ishami ry’umuryango w’abibumbye ryita ku bana (UNICEF) rivuga ko urwego rw’ubuzima muri Repubulika Iharanira Demokarasi ya Kongo rucyeneye ubufasha bwihutirwa, bitihise ejo hazaza h’abana hakajya mu kaga.



Iki gihugu kigari kandi kirangwamo umutekano mucye, kiri kugorwa no guhangana n’indwara eshanu icyarimwe zirimo malaria, iseru, cholera, coronavirus na Ebola iri kuhashira ubu.

Mu mwaka ushize, hatangajwe ko abantu bagera kuri miliyoni 16.5 barwaye malaria muri DR Congo.

Muri uwo mwaka kandi, iki gihugu cyanibasiwe n’icyorezo cy’iseru cya mbere kibi cyane ku isi,cyishe abana babarirwa mu bihumbi bafite munsi y’imyaka itanu y’amavuko

Cholera yo ikunze kugaragara muri iki gihugu, mu mwaka ushize abantu barenga 30,000 bakaba barayirwaye.

DR Congo kandi iri no kugerageza guhagarika ikiza cy’indwara ya Ebola mu burasirazuba.

Ako karere k’uburasirazuba bw’igihugu karangwamo imitwe y’inyeshyamba ibarirwa muri za mirongo, ndetse abaturage bagera kuri miliyoni imwe bataye ingo zabo.

None ubu hari na Covid-19 - indwara yo mu myanya y’ubuhumekero iterwa n’ubu bwoko bushya bwa coronavirus.

Nubwo umubare w’abamaze kuyandura urebye muri rusange ukiri hasi [abarwayi 98], kugeza kuri uyu wa gatatu, hari ubwoba bw’uko ibintu byadogera mu gihe yaba ihashinze imizi.

UNICEF yasabye leta y’iki gihugu gikize ku mabuye y’agaciro gutera inkunga kurushaho urwego rw’ubuzima ruri gucumbagira.

Bitabaye ibyo, ni ko UNICEF ivuga, ubuzima bw’abana benshi bo muri DR Congo buzatsembatsembwa n’indwara ubundi zishobora kwirindwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musenyeri yanenze bikomeye Perezida Trump wasuzuguye Kiliziya...

Musenyeri mukuru wa Kiliziya Gatolika i Washington yanenze bikomeye...
3 June 2020 Yasuwe: 967 0

Sudani y’Epfo: Minisitiri ushinzwe iby’umuryango wa Afurika y’Iburasirazuba...

Abategetsi muri iki gihugu bavuga ko Minisitiri John Luk Jok yapfuye mu...
2 June 2020 Yasuwe: 2670 0

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1518 0

Perezida Museveni yasubitse Ifungurwa ry’amashuri kubera Coronavirus

Perezida Yoweri Museveni wa Uganda yasubitseho ukundi kwezi gahunda yo...
2 June 2020 Yasuwe: 1482 0

DR Congo: Ebola yahitanye abantu bane mu gace kitwa Mbandaka

Hemejwe ko habonetse abantu bashya banduye indwara ya Ebola muri Repubulika...
2 June 2020 Yasuwe: 312 0

Afurika y’Epfo: Ibyishimo byarenze abakunzi b’agasembuye baraye ijoro...

Imirongo miremire yabonetse imbere y’inzu zicuruza inzoga muri Afurika...
1 June 2020 Yasuwe: 2266 0