addresiya
Kigali
startimes

USA: Umukobwa w’imyaka 15 yiyahuye kubera kurambirwa itegeko rya Leta ryo kuguma mu rugo

Amakuru   Yanditswe na: Dusingizimana Remy 12 April 2020 Yasuwe: 6521

Umukobwa witwa Jo’Vianni Smith w’imyaka 15,yasanzwe yiyahuye mu Cyumweru gishize nyuma yo kurambirwa gahunda yashyizweho n’igihugu cyabo cya Leta zunze ubumwe z’Amerika yo kuguma mu rugo.



Umubyeyi w’uyu mwama w’umukobwa witwa Danielle Hunt yavuze ko umwana we yiyahuye kubera ubwigunge bukabije yahuye nabwo nyuma y’aho Leta ifashe ingamba zikarishye zo gusaba abaturage kuguma mu rugo zageze no muri California aho bari batuye.

Uyu mwana wigaga mu mashuri yisumbuye ahitwa Bear Creek High School yari asanzwe azwiho gukora siporo ndetse ari n’umukinnyi kuri iki kigo yigagaho.

Uyu mwana wari ukiri muto yasanzwe mu mugozi mu cyumweru gishize n’uyu mubyeyi we wabwiye abanyamakuru ko yatewe agahinda n’urupfu rw’uyu mukobwa we.

Umutoza wo ku ishuri uyu mwana yigagaho yabwiye Recordnet ko uyu mukobwa yiyahuye kubera agahinda gakabije n’ubwigunge yari afite kubera ingamba za Leta ya Amerika zo kwirinda kwandura Coronavirus zasabye abantu bose kuguma mu rugo.

Mama we Hunt yabwiye ikinyamakuru Fox 40 ati “Ntabwo twagakwiriye gutekereza ko abana bacu bameze neza …kuko ndumva narakoze icyo aricyo cyose nk’umubyeyi kugira ngo njye nawe tubashe kuganira.”

Uyu mubyeyi yavuze ko uyu mwana we yagiye atamusezeye cyane ko ngo nta n’urwandiko ruvuga impamvu yiyahuye yasize yanditse.

Hunt yavuze ko uyu mukobwa we yari uw’igikundiro ndetse yamurikiraga isi ye aho yavuze ko yahinduraga ubuzima bwa benshi bahuraga.

Jo’Vianni Smith yari icyamamare ku ishuri yigagaho kuko yakinaga imikino myinshi irimo softball, basketball ndetse yari umucuranzi.

Umuryango we wagiye ku mbuga nkoranyambaga umwifuriza iruhuko ridashira hamwe n’abatoza be bamukundaga cyane aho bavuze ko Jo’Vianni yahoranaga ibyishimo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 287 0

Afurika y’Epfo:Perezida Ramaphosa yabwiye inkuru mbi abaturage ku cyorezo...

Perezida wa Afurika y’Epfo yavuze ko icyorezo cya coronavirus muri iki...
25 May 2020 Yasuwe: 3182 1

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1506 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2590 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1446 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1564 0