Leta ya Nigeria yabwiwe na ba Rushimusi ko igomba kwishyura ibihumbi 622,000 by’amadolari kugira ngo barekure abanyeshuri 287 bashimuse.

Sponsored Ad

Ubaze mu mafaranga y’u Rwanda,yakabakaba miliyoni 800. Bavuze ko Leta niyinangira bazica abo bana.

Jubril Aminu,umuvugizi w’imiryango y’abafashwe bugwate, yavuze ko ku wa kabiri aribwo yakiriye telefoni y’ibi byihebe byashimuse.

Yavuze ko ba barushimusi batanze ntarengwa y’iminsi 20 uhereye igihe batwariye bariya banyeshuri, kuwa 07 Werurwe 2034.

Perezida wa Nijeriya, Bola Tinubu, yategetse inzego z’umutekano kudatanga incungu yo kurekura aba baanyeshuri n’abakozi bagera kuri 300 bashimuswe kuri iri shuri ryo mu majyaruguru ashyira uburengerazuba bwa leta ya Kaduna mu cyumweru gishize.

Kuri uyu wa gatatu, Minisitiri w’itangazamakuru muri iki gihugu, Mohammed Idris, yatangarije abanyamakuru ko Bwana Tinubu yategetse inzego z’umutekano kureba uko abantu bose bashimuswe barekurwa nta bwishyu butanzwe.

Bwana Idris yavuze ko perezida yabwiye ingabo gushakisha abanyeshuri hatishyuwe igiceri na kimwe.

Ijana muri aba bana bigaga mu mashuri abanza, abasigaye bari mu yisumbuye.

Mu cyumweru gishize habaye gushimuta abantu benshi.Mu ijoro ryo ku wa kabiri,abantu barenga 60 bo muri leta ya Kaduna barashimuswe.

Mu myaka itatu ishize, abanyeshuri babarirwa mu magana barashimuswe.