startimes

Abakongomani baba mu Bufaransa batawe muri yombi ubwo barimo kwigaragambiriza imbere y’Ambasade y’u Rwanda

Amakuru   Yanditswe na: Dusingizimana Remy 19 January 2020 Yasuwe: 4251

Abakongomani bibumbiye mu ihuriro rya APARECO [Ihuriro ry’abaharanira impinduka muri Congo- Alliance des Patriotes pour la Refondation du Congo] baraye bigaragamvirije imbere ya Ambasade y’u Rwanda gusa bamwe bitwaye nabi bibaviramo gufungwa.



Bamwe muri aba bantu bakomoka muri RDC,batuye mu Bufaransa bagerageje kwigaragambiriza hafi ya Ambasade y’u Rwanda mu Mujyi wa Paris, inzego z’umutekano zita muri yombi bamwe mu bashatse kuyisagarira.

Iyi myigaragambyo yabereye i Paris kuri uyu wa Gatandatu, tariki ya 18 Mutarama 2020. Yakozwe n’Abanye-Congo 30, bahagurutse saa kumi bagera aho baherewe uruhushya rwo gukorera imyigaragambyo saa kumi n’imwe na 45.Aba bakongomani bavuga ko bamagana Leta y’u Rwanda.

Ambasaderi w’u Rwanda mu Bufaransa, François-Xavier Ngarambe, yabwiye IGIHE dukesha iyi nkuru ko imyigaragambyo yabaye ariko yakorewe kure y’inyubako ya Ambasade.

Urwo rugendo rwabo rwagombaga kuva mu gace ka Paris Nord [Gare du Nord] saa munani rwerekeza kuri Parc Monceau aho bagombaga guhagarara, bagakora ibikorwa byabo.

Ambasaderi Ngarambe yavuze ko ari “ahantu nko muri metero 700 aho batanashobora kurebesha ambasade amaso uretse no kuyegera”. Kuri ambasade no ku mihanda iganayo hari harinzwe.

Abigaragambya bavugaga ko bamagana ibyo bo bita ‘iyomekwa ry’intara zimwe za Repubulika Iharanira Demokarasi ya Congo ku Rwanda cyangwa ‘balkanisation.’ Bari bitwaje amabendera ya Zaïre yaje guhinduka RDC.

Amashusho yakwirakwijwe ku mbuga nkoranyambaga agaragaza abo Banye-Congo bari kwigaragambya. Yerekana aho bamwe bashatse kurenga aho bemerewe bagana kuri Ambasade, Polisi irabatangira. Abaharenze bose batawe muri yombi.

Amb. Ngarambe yavuze ko iyo myigaragambyo yamaze iminota igera kuri 15, ndetse nta na kimwe yahungabanyije.

Mu mpera z’umwaka ushize nibwo Arikiyepiskopi wa Kinshasa, Cardinal Fridolin Ambongo yabwiye BBC ko yasuye abaturage bo mu Burasirazuba bwa RDC ngo bamubwira ko u Rwanda, rushaka gufata igice cy’Uburasirazuba bwa Congo bukagishyira ku Rwanda [Balkanisation] aho yemeje ko ngo Abanyarwanda birukanwe muri Tanzania batujwe muri Congo bose.

Umunyamabanga wa Leta muri Minisiteri y’ububanyi n’amahanga,Amb.Olivier Nduhungirehe yavuze koi bi bihuha bya Balkanisation bimaze imyaka myinshi ahubwo ababigaruye bashaka guhungabanya umubano w’u Rwanda na RDC cyane ko wifashe neza cyane nyuma y’aho Felix Tshisekedi agiriye ku butegetsi.

Uyu Cardinal Ambongo yanasabye ko ubuyobozi bwa Congo bukwiye kumvisha ibihugu bituranye by’u Rwanda, u Burundi na Uganda , guhagarika kwinjiza abaturage babyo ku butaka bw’Uburasirazuba bwa RDC, ko hari umugambi wo kwigabanya igice.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ethiopia: Abantu 10 bamaze gupfira mu myigaragambyo yamagana ubwicanyi...

Abantu barenga 10 bamaze gupfa abarenga 80 barakomereka kuva ejo kuwa...
1 July 2020 Yasuwe: 856 0

Burundi: Umuhungu wa Nkurunziza yazamuriwe Ipeti ku munsi w’Ubwigenge

Kuri uyu wa Gatatu tariki ya 1/7/2020 nibwo igihugu cy’u Burundi n’u Rwanda...
1 July 2020 Yasuwe: 7530 0

U Burundi bwihakanye ingabo zateye u Rwanda zifite ibikoresho...

Kuwa Gatandatumu ma saa sita z’ijoro zo kuwa Gatandatu,tariki ya 27 Kamena...
28 June 2020 Yasuwe: 2169 0

Kenya: Polisi yarashe abantu 3 barapfa ubwo bari mu myigaragambyo

Ejo kuwa kane Polisi ya Kenya yishe abantu batatu irashe mu kivunge...
26 June 2020 Yasuwe: 352 0

Perezida Trump yagabanyirije ububasha Polisi ya USA yari ikomeje gushinjwa...

Kuri uyu wa Kabiri tariki ya 16 Kamena 2020,Perezida Donald Trump yashyize...
17 June 2020 Yasuwe: 2561 0

Umukuru wa polisi y’i Atlanta yeguye nyuma yaho undi mwirabura yishwe...

Umukuru wa polisi yo mu mujyi wa Atlanta muri leta ya Georgia muri Leta...
14 June 2020 Yasuwe: 2574 0