skol
startimes

Biravugwa: Gen.Shemeki Shaban wari Komiseri ushinzwe ingabo muri CNRD/FLN yishwe

Amakuru   Yanditswe na: Dusingizimana Remy 23 December 2019 Yasuwe: 5706

Gen.Shemeki Shaban wari uzwi nka Kagabo Patrick wari Komiseri ushinzwe ingabo muri CNRD/FLN yishwe mu rukerera rwo ku Cyumweru, ahagana saa kumi za mu gitondo n’ingabo zidasanzwe za FARDC.


Nkuko amakuru dukesha Rwanda Tribune abitangaza,uyu mujenerari wo muri FLN yaguye mu mutego w’umutwe udasanzwe wa FARDC uzwi nka HIBOU SPECIAL FORCE aho habaye kurasana igihe cy’amasaha atatu, Gen.Shemeki Shaban nabo yari ayoboye 14 bahasiga ubuzima.

Iyi mirwano yabereye muri Teritwari ya Mwenga,Zone ya Bazile,Gurupoma ya Banamoca,hari hashize iminsi itanu Inyeshyamba za FLN zamenesherejwe mu Rutare rwa Kalehe,igice kimwe gihungira muri aka gace muri gurupoma ya Bazile,kamilikili na kashombo.

Mu cyumweru gisize kandi ingabo za FARDC zamenesheje inyeshyamba za FLN zari zahungiye mu ishyamba ryahitwa I Ninja abagera kuri 50 bafatanwe n’intwaro zabo.

Ntabwo igisirikare cya Congo kiremeza amakuru y’urupfu rwa Shemeki.

Shemeki abaye yishwe, yaba akurikira bagenzi be bari bari mu buyobozi bwa FLN barimo Col Muhawenimana Théogène uzwi nka ‘Festus’ wishwe mu ntangiriro z’Ukuboza na Gen Jean Pierre Gaseni wishwe ku wa 30 Ugushyingo 2019.

Gen.Shemeki Shaban ni muntu ki?

Jenerali Shemeki Shabani Dramas amazina y’ukuri yitwa Kagabo Patrick avuka mu cyahoze ari Perefegitura ya Kibuye Komini Gishyita ubu ni mu karere ka Karongi,Intara y’Uburengerazuba.

Mu ntambara yo muri 1994 ,yahunze ageze mu wa gatatu muri Kaminuza.Yinjiye muri ALIR mu nkambi ya Kibumba ahagana mu 1996,muri 1998 yoherejwe gukorera mu duce twa Ructhuro aho yanabaye umuyobozi ushinzwe Operasiyo ku rwego rwa batayo,azakuba na Komanda wa Batayo yitwaga URUKEMBA.

Igihe CNRD/FLN yashingwaga muri 2016 yari afite ipeti rya Colonel agezemo yahise azamurwa mu ntera ahabwa ipeti rya Jenerali de Brigade ashingwa kuba Komiseri w’ingabo za CNRD.

Apfuye asize abagore babili umwe batandukanye basenya inkambi 1997,ataha mu Rwanda bafitanye umwana umwe, undi wakabili bashyingiranwe muri 2003 bakaba bafitanye abana bane.

Urupfu rwa Gen bgd Shemeki rwiyongereye ku rwa Jenerali Gaseni,Col Festus n’abandi ba ofisiye benshi hakiyongeraho n’itabwa muri yombi ry’uwari Umuvugizi wa FLN Capt.Nsengimana Herman.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble agaciro peace

    Ariko muri ayo mashyamba yo mu baturanyi buri muntu ni jenerali??!!!! Jenerali nyabaki ucukura amateke y’abaturage mu gihugu kitari icyawe koko? Harya aba ngo bavuga ko barwanira iki uretse kurindagira?

    December 2019
  • chat_bubble agaciro peace

    Ariko muri ayo mashyamba yo mu baturanyi buri muntu ni jenerali??!!!! Jenerali nyabaki ucukura amateke y’abaturage mu gihugu kitari icyawe koko? Harya aba ngo bavuga ko barwanira iki uretse kurindagira?

    December 2019

Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5967 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5837 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4418 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3548 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7529 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3592 0