addresiya
startimes

Canada: Umugabo yambaye imyenda y’abapolisi arasa abantu 16 barapfa

Amakuru   Yanditswe na: Dusingizimana Remy 20 April 2020 Yasuwe: 1466

Umugabo wari wambaye nk’abapolisi yishe abantu bagera kuri 16 abarashe, muri bo harimo n’umupolisikazi, byabereye ahitwa Nova Scotia nk’uko igipolisi cya Canada kibitangaza.



Ni igitero cyamaze amasaha 12 cyarangiye uyu mugabo nawe ari guhigwa ndetse apfuye.

Abatuye mu gace k’icyaro kitwa Portapique bahise basabwa kwikingirana mu nzu zabo ubwo uyu mugabo yari atangiye ubu bugizi bwa nabi kuwa gatandatu.

Mbere, polisi yavuze ko uyu mugabo ukekwa yari atwaye imodoka isa n’iy’abapolisi.

Yagiye arasa abantu ahantu hatandukanye muri Nova Scotia, kugeza ubu abategetsi ntibaramenya neza umubare w’abo yishe bose nk’uko polisi yabitangaje ejo ku cyumweru.

Ivuga ko abo yishe n’inkomere bashobora kwiyongera.

Umupolisikazi Heidi Stevenson wari umaze imyaka 23 mu gipolisi ari mu bishwe n’uyu mugabo.

Uwungirije uyobora polisi ya Noca Scotia yatangaje kuri Facebook ko "Heidi yagiye gutabara nyuma ya telephone itabaza akagwa ku kazi ke arengera abantu akorera".

Uyu mupolisi yatangaje ko hari abana babiri bapfushije nyina na se abura umugore we. Ko hari ababyeyi yiciye umukobwa wabo, abandi benshi bakabura inshuti n’abavandimwe.

Minisitiri w’intebe wa Canada Justin Trudeau yatangaje ibyabaye nk’ibintu "biteye ubwoba cyane".

Polisi ya Nova Scotia yatangaje kuri twitter ko ukekwa ari umugabo witwa Gabriel Wortman w’imyaka 51.

Ko atari umupolisi muri aka gace ariko "ashobora kuba yari yambaye imyenda y’igipolisi" cyo muri aka gace.

Banditse bati: "Ikintu kimwe gusa nicyo cyatandukanyaga imodoka ye n’iza polisi zisanzwe, umubare uyiranga. Yari ifite umubare 28B11".

Nyuma ariko uyu mugabo yahinduye imodoka ajya mu yindi ya Chevrolet nk’uko polisi ibivuga.

Gusa polisi ntiyatangaje uburyo uyu mugabo yapfuyemo.

Kwica abantu benshi barashwe bibaho gacyeya muri Canada, aho amategeko yo gutunga imbunda muri rubanda akomeye kurusha mu baturanyi muri Amerika.

Mu 2019, abana babiri bemeye ko barashe bakica abantu batatu barimo umugabo n’umugore bo muri Australia bari baje mu biruhuko mu ntara ya British Columbia.

Mu 1989, kurasa abantu muri kaminuza muri Quebec byaguyemo ab’igitsina gore 14 nyuma y’uko uwabishe abanje gusohora abagabo bose mu ishuri akarasa abagore gusa.


Ukekwaho ubwicanyi

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nigeria: Undi munyeshuri w’umukobwa w’imyaka 18 yafashwe ku ngufu...

Polisi muri Nigeria iri gukora iperereza ku ifatwa ku ngufu n’iyicwa...
4 June 2020 Yasuwe: 1484 0

Donald Trump yasuzuguriwe mu myigaragambyo yo kwamagana urupfu rwa Floyd...

Igitekerezo cya Perezida Trump cyo kohereza ingabo z’igihugu "kwigarurira...
3 June 2020 Yasuwe: 6466 0

Kenya: Hadutse imyigaragambyo yamagana irondaruhu n’urugomo rw’abapolisi

Imyigaragambyo yo kwamagana urugomo n’ubwicanyi bikorwa n’abapolisi ku...
2 June 2020 Yasuwe: 2512 0

Perezida Trump yiyemeje kohereza abasirikare guhashya abigaragambya,ibipimo...

Perezida Donald Trump wa Leta Zunzwe Ubumwe z’Amerika yakangishije kohereza...
2 June 2020 Yasuwe: 3845 0

Perezida Trump yagiye mu bwihisho bwa White House ubwo imyigaragambyo yari...

Perezida Donald Trump wa Amerika yajyanywe mu bwihisho bw’umutamenwa bwa...
1 June 2020 Yasuwe: 8609 0

US:Umushoferi wari utwaye igikamyo yanyuze hagati y’abigaragambya kubera...

Igikamyo cyahoreye kinyura mu muhanda wari wuzuyemo abigaragambya mu mujyi...
1 June 2020 Yasuwe: 4699 0