Gen. Masunzu wigeze gushaka kwigomeka kuri Kabila, urugo rwe rwagabweho igitero

Amakuru   Yanditswe na: Nsanzimana Ernest 28 January 2018 Yasuwe: 2669

Urugo rwa Gen.Masunzu Pacfique wigeze kuvugwaho gutegura ingabo ngo yigarurire kivu y’ Amagepfo, ku wa 25 Mutarama 2018 rwagabweho igitero n’abantu bitwaje intwaro.

Gen Masunzu atuye Minembwe, mu ntara ya Kivu y’Amajyepfo. Amakuru atangazwa n’ikinyamakuru imurenge, avuga ko humvikanye urusaku rw’amasasu, abari barugabyeho igitero bataramenyekana bakaba barasubijwe inyuma n’abashinzwe kuharinda.

Gen Masunzu yahoze ari umuyobozi w’ingabo za Leta ya Congo muri Kivu y’ Amajyepfo. Mu 2014 ubwo Perezida Kabila wa RDC yahinduraga abayobozi b’ingabo mu bice bitandukanye, Gen Pacifique Masunzu na we wari umaze hafi imyaka 10 mu misozi ya Minembwe muri Kivu y’Amajyepfo yavanywe ku mwanya wo kuyobora FARDC muri ako gace, yoherezwa i Kamina muri Katanga, aho agiye kuyobora ikigo gikorerwamo imyitozo ya gisirikari.

Ubwo yari akiyobora Kivu y’Amajyepfo, Gen Masunzu yavuzweho gukorana n’inyeshyamba za FDLR. Muri Mutarama 2013, ibaruwa umuyobozi w’ingabo za Monusco, Lt Col Rajeev Sharm muri Kivu y’Amajyepfo yandikiye abayobozi batandukanye ba Monusco, yagaragazaga ko Gen Masunzu aha intwaro abarwanyi ba FDLR ari bwo nyuma y’umwaka umwe gusa, Perezida Kabila yahise ahamwimura.

Ubwo Perezida Kabila yimuriraga Gen. Masunzu I Kamina yanze kujyayo ahubwo bivugwa ko yatangiye kwinjiza abasore b’ abarundi mu gisirikare rwihishwa ngo yigomeke kuri Kabila yigarurire Kivu y’ amagepfo.

Mu minsi mike ishize ingabo za FARDC zahise zitangira kwigarurira buhoro buhoro agace k’imisozi ya Runyonyi n’imbibi zikikije ibihugu bituranye. Izi ngabo zahanganye n’iza Masunzu iza Masunzu zihungira mu misozi ya Mikeno.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ONU yashyize hanze imigambi ya Kayumba Nyamwasa n’u Burundi k’u...

Raporo y’inzobere z’umuryango w’abibumbye zikorera muri Repubulika iharanira...
3 January 2019 Yasuwe: 10734 1

Umugabo wabatirizwaga mu ruzi mu mujyi wa Accra yaburiwe irengero

Mu gihugu cya Ghana, umugabo w’ imyaka 20 wabatirizaga mu ruzi rwa Densi mu...
14 December 2018 Yasuwe: 1971 0

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 831 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 4188 1

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 706 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2960 1