skol
startimes

Libani: Urugomo rwinshi rwafashije abigaragambya kwinjira muri minisiteri y’ububanyi n’amahanga

Amakuru   Yanditswe na: Dusingizimana Remy 8 August 2020 Yasuwe: 1816

Abigaragambya babarirwa muri za mirongo binjiye muri minisiteri y’ububanyi n’amahanga ya Liban, mu myigaragambyo migari barimo kubera iturika rikaze ryo ku wa kabiri ryishe abantu batari munsi ya 158.


Ababarirwa mu bihumbi bigabije imihanda mu myigaragambyo migari yateganyijwe, ariko habaye ibikorwa by’urugomo, polisi irasa imyuka iryana mu maso ku bigaragambya bayiteye amabuye.

Hari n’amakuru yuko amasasu arimo kumvikana rwagati muri Beirut mu gace kazwi nka Martyrs’ Square.

Abanya-Liban benshi bafite umujinya utewe nuko iryo turika ry’ikinyabutabire cya ’nitrate d’ammonium’ (nitrate ammonium), gipima toni 2,750, ritaburijwemo.

Uko guturika ko ku cyambu cyo mu murwa mukuru Beirut kwangije ibice by’uyu mujyi, kubyutsa uburakari bwari busanzweho bw’icyo benshi babona nk’ubutegetsi budashoboye kandi bwamunzwe na ruswa.

Leta ya Liban yasezeranyije ko ababigizemo uruhare izabashaka ikabibaryoza.

Ariko hari ukutizera ubutegetsi kwinshi muri Liban, aho mu kwezi kwa cumi mu mwaka ushize hatangiye imyigaragambyo yo kwamagana leta, yatewe n’izahara ry’ubukungu ndetse no guta agaciro kw’ifaranga.

Mu minsi micye ishize, abaminisitiri babiri bagerageje gusura ibice byangijwe bikomeye n’uko guturika bamaganiwe kure n’abaturage.

Fares Halabi, impirimbanyi ifite imyaka 28 y’amavuko, yabwiye ibiro ntaramakuru AFP ati:

"Nyuma y’iminsi itatu yo gusukura, gukuraho ibisigazwa no gukomba ibisebe byacu... igihe kirageze ngo uburakari bwacu tubusohore ndetse tubahane [abategetsi]".

Polisi yarashe imyuka iryana mu maso ku bigaragambya batera amabuye, bagerageje kurenga ikizibira umuhanda polisi yari yashyizeho kibuza kugera ku nyubako inteko ishingamategeko ikoreramo.

Uretse kugaragaza uburakari bwabo, uru rugendo rw’abigaragambya runagamije kwibuka abazize iryo turika, ryakomerekeje abagera ku 6000, nkuko imibare ihari kugeza ubu ibigaragaza. Abarenga 300,000 basigaye iheruheru, ntaho bafite ho kuba.

Perezida Michel Aoun wa Liban yanze ubusabe bw’iperereza mpuzamahanga kuri iryo turika ryo ku wa kabiri.

Yavuze ko abategetsi ba Liban ubwabo bazagenzura niba uko guturika kwaratewe no "kwivanga guturutse hanze", nk’urugero igisasu cya bombe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Evariste Ndayishimiye yavuze ko u Burundi nta bitero bugabwaho...

Perezida Evariste Ndayishimiye w’u Burundi yatangaje ko nta mitwe yitwaje...
25 September 2020 Yasuwe: 1005 0

Koreya ya ruguru yishe inatwika umutegetsi wo muri Koreya y’epfo

Umutegetsi wo muri Koreya y’epfo yishwe arashwe anatwikwa n’ingabo za Koreya...
24 September 2020 Yasuwe: 1632 0

Abapolisi babiri barasiwe mu myigaragambyo yamagana ubucamanza ku rupfu rwa...

Abapolisi babiri barashwe mu gihe abantu ibihumbi bari kwigaragambya mu...
24 September 2020 Yasuwe: 873 0

Burundi: Ishyaka rya CNL riratabariza abanyamuryango baryo rivuga ko bari...

Ishyaka rya CNL ritavuga rumwe n’ubutegetsi bw’u Burundi riravuga ko...
22 September 2020 Yasuwe: 645 0

Cameroon: Abasirikare bafunzwe kubera kwica abagore n’abana bigafatwa kuri...

Abasirikare bane bo muri Cameroun bakatiwe gufungwa imyaka 10 kubera...
22 September 2020 Yasuwe: 698 1

Umugore ukekwaho koherereza Trump ibaruwa irimo uburozi yafashwe

Umugore ukekwaho kohereza ibaruwa irimo uburozi kuri Perezida Donald Trump...
21 September 2020 Yasuwe: 1153 0