Maj Bokande jules Karindinefu wari ushinzwe itumanaho rya gisilikare muri FLN yiciwe mu gitero yagabweho n’ingabo za RDC mu gihe na Liyetona Jean Claude yafashwe mpiri.

Sponsored Ad

Nkuko amakuru dukesha ikinyamakuru Rwanda Tribune abitangaza,Uyu Maj.Karindinefu yiciwe mu gitero inyeshyamba za FLN zagabweho na FARDC mu rukerera rwo kuwa gatandatu ahagana saa kumi za mu gitondo.

Iki kinyamakuru kivuga ko umurongo munini w’inyeshyamba za FLN zavaga ahitwa Kirembwe mu birindiro bya Gen.Hamada zerekeza I Minembwe, mu rwego rwo guhunga amabombe y’indege za FARDC n’ibisasu bya rutura zimaze iminsi zimishwaho.

Uyu Majoro Bokande jules Karindinefu wari ushinzwe itumanaho rya gisilikare muri FLN yaguye mu ntambara yamaze amasaha abiri hagati y’inyeshyamba za FLN na FARDC bituma na Radio nini irafatwa izi nyeshyamba zakoreshaga ifatwa.

Muri iyi mirwano kandi Liyetona Jean Claude wari ushinzwe operasiyo mu birindiro bya Gen.Hamada yatawe muri yombi na FARDC.

Ibi bibaye mu gihe izi nyeshyamba ziri gusaba imishyikirano ngo zibe zakongera kwihuza na FDLR zabagamo nyuma ya 2016 ubwo CNRD UBWIYUNGE yavukaga,nk’ishyaka naho FLN ikaba umutwe w’ingabo ahagana mu mwaka wa 2018.Babisabwe na Paul Rusesabagina havutse impuzamashyaka ya MRCD,inyeshyamba za FLN zigirwa umutungo bwite wa MRCD.