Mexico: Umwana w’imyaka 11 yarashe umwarimu we arapfa nawe ahita yirasa

Amakuru   Yanditswe na: Dusingizimana Remy 12 January 2020 Yasuwe: 2351

Umwana w’imyaka 11 wiga mu ishuri ryo muri Mexico, yarashe umwarimu arapfa, akomeretsa n’abandi bagera kuri batandatu, nawe arangije arirasa arapfa nk’uko byatangajwe n’abayobozi



Aya mahano yabereye ku ishuri ry’igenga rya Colegio Cervantes mu ntara ya Coahuila muri Mexico.Icyatumye uyu mwana akora ibi ntikiramenyekana.

Nubwo ubwicanyi bugenda bwiyongera mu gihugu cya Mexique, ibyo kurasana ku mashuri ntibyari bikunze kugaragara.

Uyu mwana w’umuhungu wigaga muwa 6 utavuzwe amazina,ngo yari umunyeshuri umeze neza ndetse ngo yari afite imyitwarire myiza nk’uko umukuru w’umujyi, Jorge Zermeño yabibwiye televiziyo Milenio TV.



Bwana Zermeño avuga ko uyu mwana yari afite imbunda 2, ariko ko batazi uburyo yazibonyemo.

Aya mahano yabaye kuwa gatanu mu gitondo saa mbili mu ntara ya Coahuila, mu mujyi wa Torreón uri ku birometero 800 uvuye mu murwa mukuru wa Mexique, Mexico.

Umukuru w’uyu mujyi yavuze ko igipolisi kirimo gushaka ababyeyi b’uyu mwana mu gihe abandi batari bake bakaba bahise bakikiza iri shuri.



Mu bakomeretse harimo abanyeshuri bagenzi be batanu hamwe n’undi mwarimu ubigisha siporo.

Guverineri w’intara ya Coahuila Miguel Angel Riquelme avuga ko uyu mwana yabanje gusaba kujya mu bwogero amasomo atangiye.

Hashize iminota 15 ataravayo, umwarimu yagiye kumureba, ari nabwo uyu mwana w’umuhungu yahise asohoka arasa.

Riquelme ati "Yari umwana witonda, ariko ageze ku ishuli yabwiye abandi bana ati ’uyu munsi ni wo munsi nyawo".

Bwana Riquelme yavuze ko uyu mwana yari yambaye agapira kanditseho izina rya video game yitwa Natural Selection, igizwe ahanini no kurasana.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cameroon: Abaturage bakomeje guhohotera abanyamahanga babashinja kubazanira...

Ubutegetsi bwo muri Kameruni burasaba abaturage b’icyo gihugu guhagarika...
23 March 2020 Yasuwe: 3093 2

Mozambike: Inyeshyamba ziyitirira idini rya Islam zafashe umujyi...

Inyeshyamba ziyitirira idini ya Islam zivuga ko zirwana intambara...
23 March 2020 Yasuwe: 4300 0

Ingabo za US zarashe ku birindiro 5 by’abarwanyi ba Kataib Hezbollah...

Indege z’intambara za Leta zunze ubumwe z’Amerika zateye ibirindiro...
13 March 2020 Yasuwe: 1689 1

Umuhungu wa Perezida Nkurunziza yaciye ibintu kubera imyitozo ikaze yakoze...

Umuhungu wa Perezida w’u Burundi Pierre Nkurunziza witwa Nkurunziza Kelly...
11 March 2020 Yasuwe: 11329 1

Turkia yarashe indege ya gatatu y’igisirikare cya Syria

Abasirikare ba Turukiya bahanuye indege ya 3 y’intambara y’ingabo za Siriya...
4 March 2020 Yasuwe: 2650 1

RDC: Col.Masamba Marc wari ukomeye muri FLN yafashwe mpiri na FARDC...

Umuvugizi wa FARDC,yatangaje ko Col.Masamba Marc wari umwe mu bayobozi ba...
2 March 2020 Yasuwe: 4169 1