addresiya
startimes

RNC yahagaritse uwari umuvugizi wayo imushinja ibura rya Ben Rutabana

Amakuru   Yanditswe na: Dusingizimana Remy 30 December 2019 Yasuwe: 4537

Ishyaka RNC ritavuga rumwe n’ubuyobozi bw’u Rwanda ryahagaritse burundu mu butegetsi bwaryo uwahoze ari umuvugizi waryo rivuga ko afite uruhare rukomeye mu izimira rya Ben Rutabana.



Jean Paul Turayishimye wahagaritswe mu butegetsi ntacyo aratangaza kuri uyu mwanzuro w’inama y’iri shyaka uvuga ko ashobora gukomeza kuba umuyoboke.

Ku ibura rya Ben Rutabana wari komiseri muri iri shyaka mu ntangiriro z’uku kwezi, Bwana Turayishimye yabwiye BBC dukesha iyi nkuru ko nawe yumvise ibura rya Rutabana rikamutungura, kandi ko bariho bakurikirana iki kibazo nk’ishyaka.

Tabitha Gwiza, mushiki wa Ben Rutabana, nawe uheruka kwirukanwa mu butegetsi bwa RNC, muri uku kwezi yabwiye BBC ko "hari abantu bacye bo hejuru muri RNC bafite uruhare mu ibura rya Rutabana".

Madamu Gwiza yavuze ko ibibazo biri muri RNC, ishyaka ryavukiye kandi rikorera mu mahanga, bishingiye ku ibura rya musaza we.

Umuvugizi wa RNC Etienne Mutabazi we yavuze ko atari ko bimeze ko ibibazo biri muri RNC ari ibisanzwe biba ahahuriye abantu benshi, yemeza ko biri gukemurwa neza kandi bari gushakisha Ben Rutabana.

Mu ibaruwa ihagarika Bwana Ndayishimye y’ejo ku cyumweru kuwa 29/12 yasinyweho na Jerome Nayigiziki umuhuzabikorwa wa RNC, ivuga ko yakoze ibikorwa byo "gusisibiranya uruhare rukomeye wowe ubwawe wagize mu izimira rya Komiseri Ben Rutabana..."

Muri iyi baruwa batangaza ko hari ibimenyetso simusiga ko bwana Ndayishimye "ari mu bantu bacye bari bazi neza banateguye urugendo rwe (Ben Rutabana) mu karere kandi bakanarukurikirana umunsi k’uwundi".

Bwana Ndayishimiye ntacyo aratangaza ku byatangajwe muri iyi baruwa imuhagarika mu bategeka RNC.

Benjamin Rutabana uzwi cyane nka Ben Rutabana umuryango we uvuga ko wamubuze kuva tariki 08 z’ukwezi kwa cyenda hashize iminsi micye ageze i Kampala muri Uganda avuye aho aba iburayi, ubu ntarongera kuboneka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munezero

    Niba Rutabana akiriho,ndiwe nareka burundu kujya muli politike.Nafata umwanzuro wo gushaka umuntu akanyigisha bible kugirango menye neza icyo imana idusaba,hanyuma nkagikora kugirango nzabe muli paradizo.Rwose niyumve ko ibi ntaho byamugeza.Politike nubwo ikiza benshi,ituma bamwe bagira ibibazo bikomeye: Gufungwa,kwicwa,etc...Niyo mpamvu yesu yasabye abakristu nyakuri kutivanga mu byisi.

    5 months ago
  • chat_bubble mugiraneza

    This is a waste of time.Aba niyo babona ubutegetsi bashaka,ntacyo bahindura ku bibazo u Rwanda rufite:Ubukene,ubushomeli,ruswa,akarengane,ubujura,indwara,urupfu,etc...Bizavaho gusa umunsi imana izashyiraho ubutegetsi bwayo ku munsi w’imperuka.Niyo mpamvu aho guta igihe barwanya u Rwanda,bakora ibyo Yesu yasabye abakristu nyakuri bose.Nukuvuga "gushaka mbere na mbere ubwami bw’imana",aho gushaka ibyisi gusa.Abumvira iyo nama,nibo bonyine bazabaho iteka muli paradizo nkuko bible ivuga.

    5 months ago

Inzindi nkuru

Kenya: Hadutse imyigaragambyo yamagana irondaruhu n’urugomo rw’abapolisi

Imyigaragambyo yo kwamagana urugomo n’ubwicanyi bikorwa n’abapolisi ku...
2 June 2020 Yasuwe: 2437 0

Perezida Trump yiyemeje kohereza abasirikare guhashya abigaragambya,ibipimo...

Perezida Donald Trump wa Leta Zunzwe Ubumwe z’Amerika yakangishije kohereza...
2 June 2020 Yasuwe: 3756 0

Perezida Trump yagiye mu bwihisho bwa White House ubwo imyigaragambyo yari...

Perezida Donald Trump wa Amerika yajyanywe mu bwihisho bw’umutamenwa bwa...
1 June 2020 Yasuwe: 8189 0

US:Umushoferi wari utwaye igikamyo yanyuze hagati y’abigaragambya kubera...

Igikamyo cyahoreye kinyura mu muhanda wari wuzuyemo abigaragambya mu mujyi...
1 June 2020 Yasuwe: 4600 0

Somalia:Igisasu cyari giteze mu butaka cyishe abantu 10 bari bagiye...

Polisi n’ababibonye bavuga ko abantu bagera ku 10 bishwe n’igisasu cyari...
31 May 2020 Yasuwe: 644 0

US:Abatuye imwe mu mijyi babujijwe kujya hanze nijoro kubera imyigaragambyo...

Hashyizweho igihe ntarengwa cyo kuba abantu bidegembya hanze mu mijyi yo...
31 May 2020 Yasuwe: 1459 0