addresiya
startimes

Tchad: Abarwanyi barenga 40 ba Boko Haram basanzwe muri kasho bishwe n’uburozi

Amakuru   Yanditswe na: Dusingizimana Remy 19 April 2020 Yasuwe: 1775

Abarwanyi barenga 40 bo mu mutwe wa Boko Haram ugendera ku matwara akomeye y’idini rya Isilamu basanzwe bapfiriye muri kasho yo mu gihugu cya Tchad aho byagaragaye ko bahawe uburozi nk’uko bivugwa n’umucamanza mukuru wa Repubulika y’iki gihugu.



Aba barwanyi bari mu ikipe y’abantu 58 bari bafashwe mpiri mu gitero gikomeye ingabo z’igihugu cya Tchad zagabye ku birindiro by’uyu mutwe w’iterabwoba biri mu nkengero z’ikiyaga Tchad.

Iperereza ryatangiye nyuma y’aho ibipimo byo kwa muganga byerekaniye ko baba bariye uburozi ari nabwo bwatumye bapfa.

Minisitiri w’Ubutabera yabwiye ibiro ntaramakuru by’Abafaransa, AFP ko batari bafashwe nabi.

Djimet Arabi yavuze ko amakuru yahawe ari uko izi mfungwa zakoranyirijwe mu cyumba kimwe kandi ko zitagaburirwaga ko nta n’amazi babahaga, nyuma y’aho bimuriwe mu murwa mukuru N’Djamena, ku wa kabiri.

Igisirikare cya Tchad cyagabye icyo gitero nyuma y’aho uyu mutwe wishe abasirikare hafi 100 ba Tchad ku wa 23 z’ukwa gatatu, mu gitero wagabye mu masaha arindwi ku birindiro bya gisirikare biri hafi y’ikiyaga Tchad.

Nicyo gitero cya mbere cyari gikomeye cyakozwe ku ngabo za Tchad kuva uyu mutwe wambutse umupaka wa Nigeria.

Izi mfungwa, zari zifunzwe mu rwego rwo gukora iperereza ku bitero by’iterabwoba, zagaragaye zapfuye mu gitondo cyo ku wa kane.

Mu itangazo yacishije kuri televiziyo y’icyo gihugu ejo ku wa gatandatu, Youssouf Tom, umucamanza mukuru wa Repubulika ya Tchad, yagize ati: "

"Mirongo ine muri bo barahambwe, abandi bane nabo bajyanwa kwa muganga kugira basuzumwe harebwe icyabishe, ariko nyuma hasohoka icyegeranyo kivuga ko bari bariye uburozi".

Bwana Arabi yabwiye AFP ko iperereza rikomeje,Ati "Baba bihaye uburozi kugira ngo bose bapfire rimwe? Cyangwa n’ibindi? Turacyashaka ibisubizo".

Minisitiri w’Ubutabera yongeyeho ko umwe muri izo mfungwa yari yatwawe ku bitaro yakize akaba yahise asanga bagenzi be 13 "bakiri bazima kandi bameze neza".

Igisirikare kivuga ko ibitero byamaze iminsi umunani muri gahunda yo kwihimura kuri aba barwanyi aho bari bakambitse mu nkengero z’ikiyaga cya Tchad, byagenze neza.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nigeria: Undi munyeshuri w’umukobwa w’imyaka 18 yafashwe ku ngufu...

Polisi muri Nigeria iri gukora iperereza ku ifatwa ku ngufu n’iyicwa...
4 June 2020 Yasuwe: 1484 0

Donald Trump yasuzuguriwe mu myigaragambyo yo kwamagana urupfu rwa Floyd...

Igitekerezo cya Perezida Trump cyo kohereza ingabo z’igihugu "kwigarurira...
3 June 2020 Yasuwe: 6466 0

Kenya: Hadutse imyigaragambyo yamagana irondaruhu n’urugomo rw’abapolisi

Imyigaragambyo yo kwamagana urugomo n’ubwicanyi bikorwa n’abapolisi ku...
2 June 2020 Yasuwe: 2512 0

Perezida Trump yiyemeje kohereza abasirikare guhashya abigaragambya,ibipimo...

Perezida Donald Trump wa Leta Zunzwe Ubumwe z’Amerika yakangishije kohereza...
2 June 2020 Yasuwe: 3845 0

Perezida Trump yagiye mu bwihisho bwa White House ubwo imyigaragambyo yari...

Perezida Donald Trump wa Amerika yajyanywe mu bwihisho bw’umutamenwa bwa...
1 June 2020 Yasuwe: 8609 0

US:Umushoferi wari utwaye igikamyo yanyuze hagati y’abigaragambya kubera...

Igikamyo cyahoreye kinyura mu muhanda wari wuzuyemo abigaragambya mu mujyi...
1 June 2020 Yasuwe: 4698 0