‘U Burundi ntibwatewe n’igisirikare c’u Rwanda rwatewe n’igihugu c’u Rwanda’-Perezida Nkurunziza

Amakuru   Yanditswe na: Dusingizimana Remy 26 December 2019 Yasuwe: 6627


Perezida Petero Nkurunziza yongeye gushimangira ko igihugu cy’u Rwanda aricyo cyateye u Burundi mu gitero cyagabwe ku birindiro bya gisirikare muri komine Mabayi mu ntara ya Cibitoke.

Mu kiganiro yagiranye n’abanyamakuru n’abenegihugu i Gitega kuri uyu wa Kane,Nkurunziza yabajijwe ibibazo bitandukanye birimo n’icyerekeye umubano n’u Rwanda.

Muri icyo kiganiro, Perezida Petero Nkurunziza yavuze ko atari ubwa mbere u Rwanda rutera u Burundi, yemeza ko ibimenyetso byose bihari.



Leta y’u Rwanda yahakanye ibyo ishinjwa n’u Burundi ahubwo ibushinja gucumbikira imwe mu mitwe irurwanya cyane ko FLN yateye I Nyamagabe iturutse I Burundi.

Perezida Nkurunziza yavuze ko Leta y’u Burundi ifite ibyemezo nyabyo byerekana ko igitero cyabaye ku wa 17 Ugushyingo uyu mwaka, muri komine Mabayi cyakozwe n’abasirikare b’igihugu cy’u Rwanda.

Ati: "Aha rero nashaka gukebura Abarundi (…)mumenye neza y’uko atari abasoda bo mu Rwanda bateye u Burundi, ni igihugu c’u Rwanda cateye u Burundi.
Kuko uteye abasirikare b’ikindi gihugu bacungera imbibe uba uteye igihugu. Ntabwo bateye ikirindiro c’abasirikare b’u Burundi, bateye igihugu c’u Burundi".

Mu ntango za kuno kwezi, Inama mpuzamakungu ishinzwe akarere k’ibiyaga bigari (CIRGL/ICGLR) iherutse gushinga ikipe yo gukora amaperereza kuri icyo gitero; kugeza ubu nta cyegeranyo cyawo kiraboneka.



Ku birego by’ u Rwanda rushinja u Burundi ko rucumbikiye abashaka kwangiza umutekano warwo,Perezida Nkurunziza yabyamaganiye kure.

Ati: "Twarababwiye ko twebwe mu mateka y’u Burundi tutigeze tubika inkozi z’ikibi, nta munsi n’umwe igihugu c’u Burundi cateje ingorane ikindi gihugu tubana muri kano karere".

Avuga ko u Rwanda rwari rwaranze ikipe mpuzamahanga yo gukora iperereza kuri ibi birego ibihugu byombi bishinjanya.

"Tuvuze tuti abadutera baturuka mu Rwanda, abaza guhinyuza baraje mu Burundi barabona ko ivyo u Rwanda rwagiriza u Burundi atari vyo, hama natwe dusaba ko bogenda mu Rwanda kuturabira ko ivyo tuvuga atari vyo, ariko u Rwanda rwaranse".

Mu gusoza iki kiganiro,Nkurunziza yavuze ko atari icya nyuma agiranye n’itangazamakuru aho yavuze ko na mbere y’uko ahererekanya ububasha na perezida uzatorwa muri 2020 azabwira Abarundi ibyo yagezeho ndetse agenera inama uzamusimbura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Frank

    Ariko nkuyumuyobozi ushinja urwanda ko atavuga ibyobimenyetso?ariyibagiza interahamwe ziri muburundi zaje zikatwicira abantu zigasubira iburundi gusa ntakaduteranye nabaturage buburundi kuko ntacyo dupfa turi abavandimwe dufite byinshi duhuriyeho nagende rwiza rwose yokwanduranya

    3 months ago
  • chat_bubble CYIZA

    Imana yonyine ni yo iz ukuri kand izagushyir ahagaragara. Abarundi n Abanyarwanda turi impanga, twagakwiriye kumvikana mu byo tubona ko tutari guhuza.

    3 months ago

Inzindi nkuru

Cameroon: Abaturage bakomeje guhohotera abanyamahanga babashinja kubazanira...

Ubutegetsi bwo muri Kameruni burasaba abaturage b’icyo gihugu guhagarika...
23 March 2020 Yasuwe: 3093 2

Mozambike: Inyeshyamba ziyitirira idini rya Islam zafashe umujyi...

Inyeshyamba ziyitirira idini ya Islam zivuga ko zirwana intambara...
23 March 2020 Yasuwe: 4303 0

Ingabo za US zarashe ku birindiro 5 by’abarwanyi ba Kataib Hezbollah...

Indege z’intambara za Leta zunze ubumwe z’Amerika zateye ibirindiro...
13 March 2020 Yasuwe: 1689 1

Umuhungu wa Perezida Nkurunziza yaciye ibintu kubera imyitozo ikaze yakoze...

Umuhungu wa Perezida w’u Burundi Pierre Nkurunziza witwa Nkurunziza Kelly...
11 March 2020 Yasuwe: 11342 1

Turkia yarashe indege ya gatatu y’igisirikare cya Syria

Abasirikare ba Turukiya bahanuye indege ya 3 y’intambara y’ingabo za Siriya...
4 March 2020 Yasuwe: 2657 1

RDC: Col.Masamba Marc wari ukomeye muri FLN yafashwe mpiri na FARDC...

Umuvugizi wa FARDC,yatangaje ko Col.Masamba Marc wari umwe mu bayobozi ba...
2 March 2020 Yasuwe: 4170 1