skol
startimes

Umugore yatabawe amaze umwaka n’igice afungiwe mu bwiherero n’umugabo we

Amakuru   Yanditswe na: Dusingizimana Remy 15 October 2020 Yasuwe: 8316

Umugore w’imyaka 35 wo mu gihugu cy’Ubuhindi yatabawe na polisi yo mu gace atuyemo ka Panipat, mu majyaruguru y’umujyi wa Delhi,yamusanze mu musarani yari amazemo amezi 18 afungiwemo n’umugabo bashakanye.


Umugabo w’uyu mugore witwa Naresh Kumar yatawe muri yombi nyuma y’aho inzego zishinzwe umutekano zari zimaze kumenya ko yari amaze amezi 18 afungiye umugore we mu musarani.

Uyu mubyeyi w’abana 3 yahuye n’ibibazo bikomeye muri uyu musarani yari afungiwemo kuko yahabwaga ibiryo n’amazi rimwe na rimwe.

Abaturage bamenyesheje inzego zishinzwe kurengera abagore ko uyu yaburiwe irengero niko kumenyesha polisi nayo itangira kumushaka hanyuma iza kumusanga aryamye mu musarani.

Umuyobozi wa Polisi mu gace witwa Rajni Gupta yabwiye Hindustan Times ati “Yari afite intege nke ndetse ntiyashoboraga kugenda.Yariye chapatti 8 ubwo twari tumuhaye ibiryo.”

Uyu mugore utavuzwe amazina yari amaze imyaka 17 ashyingiranwe n’uyu mugabo we ndetse bari bafitanye abana 3 bari hagati y’imyaka 11 na 15.

Umugabo w’uyu mugore yireguye avuga ko afite uburwayi bwo mu mutwe ndetse akwiriye kuvuzwa.Asabwe impapuro zibyemeza yazibuze.

Bwana Gupta yavuze ko mu biganiro bagiranye n’uyu mugore bumvaga ari muzima nta kibazo na kimwe afite.

Ati “Byavuzwe ko afite ikibazo cyo mu mutwe ariko twavuganye nawe dusanga nta kibazo na kimwe afite.”

Uyu mugore yahise ajyanwa kwa muganga ndetse ahita atangira kwitabwaho n’abagize umuryango we.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble niyonkuru déogratias

    Isi igeze aho umwasi ashaka pe

    1 month ago

Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 593 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1198 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 994 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2932 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2325 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1274 0