Umukobwa wagaragaye ari kumwe na Bobi Wine mu ndege yaketsweho kuba maneko [AMAFOTO]

Amakuru   Yanditswe na: Nsanzimana Ernest 21 September 2018 Yasuwe: 12469

Umupolisikazi Pamela Kentaro, wo mu ishami rishinzwe kurwanya iterabwoba yamaganiye kure amakuru amushinja ko arimo kwiyegereza umuhanzi akaba n’ umudepite muri Uganda Kyagulanyi uzwi nka Bobi Wine ngo amuneke avuga ko bamaze imyaka myinshi ari inshuti.



Umugenzi wari mu ndege ya Kenya Airways kuri uyu wa Kane yafotoye ifoto ya Kentaro ahagaze iruhande rwa Bobi Wine bari mu ndege berekeza ku kibuga cy’ indege Entebbe International Airport.

Iyi foto ikimara kugera ku mbugankoranyambaga inkuru yahise iba kimomo ko Kentaro arimo kuneka uyu mudepite utavugarumwe n’ ubutegetsi bwa Uganda bitekerezwa ko afite imigambi kuri Perezida Museveni.

Mu itangazo rigufi uyu mupolisikazi Kentaro yashyize ahagaragara yamaganye ibyo akekwaho avuga ko ntaho bishingiye.
Yagize ati “Ntibishyize mu gaciro namba ibyakwirakwiye ko njyewe noherejwe kuneka Kyagulanyi. Bobi nanjye turi inshuti kuva kera kandi arabizi ko ndi umupolisikazi”

Kuri uyu wa Kane tariki 20 Nzeli nibwo Depite Bobi Wine yageze muri Uganda avuye kwivuriza muri Leta zunze ubumwe za Amerika uburwayi yatewe n’ icyo yita iyicarubozo yakorewe ubwo yari mu maboko y’ igisirikare akurikiranyweho gushaka kugirira nabi Perezida Museveni.



Kentaro avuga ko yari yagiye I Mombasa , Bobi Wine avuye muri Amerika bagahurira ku kibuga cy’ indege Jomo Kenyatta International Airport. Uyu mu polisikazi yaherewe imyitozo muri Leta zunze Ubumwe za Amerika yo kurwanya iterabwoba.

Yavuze ko Bobi Wine ariwe wamusabye ko basagira agakawa ati “Twaganiriye nk’ amasaha abiri dutegereje kwerekeza Entebbe”

Mu ndege Bobi Wine yari yicaranye n’ umugore wa Kizza Besigye, Winnie Kizza Bobi Wine ansaba ko mbegera”





Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Burundi: Umudepite yatangaje ko azamena imitwe abanyamakuru b’Ikinyamakuru...

Ikinyamakuru Iwacu cyo mu gihugu cy’u Burundi cyanditse ibaruwa yo...
30 March 2020 Yasuwe: 3690 0

Cameroon: Abaturage bakomeje guhohotera abanyamahanga babashinja kubazanira...

Ubutegetsi bwo muri Kameruni burasaba abaturage b’icyo gihugu guhagarika...
23 March 2020 Yasuwe: 3110 2

Mozambike: Inyeshyamba ziyitirira idini rya Islam zafashe umujyi...

Inyeshyamba ziyitirira idini ya Islam zivuga ko zirwana intambara...
23 March 2020 Yasuwe: 4329 0

Ingabo za US zarashe ku birindiro 5 by’abarwanyi ba Kataib Hezbollah...

Indege z’intambara za Leta zunze ubumwe z’Amerika zateye ibirindiro...
13 March 2020 Yasuwe: 1703 1

Umuhungu wa Perezida Nkurunziza yaciye ibintu kubera imyitozo ikaze yakoze...

Umuhungu wa Perezida w’u Burundi Pierre Nkurunziza witwa Nkurunziza Kelly...
11 March 2020 Yasuwe: 11372 1

Turkia yarashe indege ya gatatu y’igisirikare cya Syria

Abasirikare ba Turukiya bahanuye indege ya 3 y’intambara y’ingabo za Siriya...
4 March 2020 Yasuwe: 2659 1