skol
fortebet

Umurundi ukorera Televiziyo y’ Abadage wari wafatiwe muri Congo yarekure

Yanditswe: Tuesday 23, May 2017

Sponsored Ad

Radio Televiziyo y’Abadage, Deutsche Welle, yatangaje kuri uyu wa Mbere irekurwa ry’umunyamakuru wayo ukomoka mu Burundi wari wafatiwe muri Repubulika iharanira Demokarasi ya Congo mu minsi ishize afatiwe aho yari yagiye gukora inkuru mu nkambi y’impunzi.
Umuvugizi wa Deutsche Welle, Christoph Jumpelt, ariko ku rundi ruhande kuri uyu wa Mbere akaba yari yagaragaje impungenge z’uko abayobozi b’u Burundi batamuretse ngo ajye kubonana n’umuryango we.
Ubuyobozi bw’iyi radio ku rubuga rwayo rwa (...)

Sponsored Ad

Radio Televiziyo y’Abadage, Deutsche Welle, yatangaje kuri uyu wa Mbere irekurwa ry’umunyamakuru wayo ukomoka mu Burundi wari wafatiwe muri Repubulika iharanira Demokarasi ya Congo mu minsi ishize afatiwe aho yari yagiye gukora inkuru mu nkambi y’impunzi.

Umuvugizi wa Deutsche Welle, Christoph Jumpelt, ariko ku rundi ruhande kuri uyu wa Mbere akaba yari yagaragaje impungenge z’uko abayobozi b’u Burundi batamuretse ngo ajye kubonana n’umuryango we.

Ubuyobozi bw’iyi radio ku rubuga rwayo rwa internet bwari bwatangaje ko bibabaje kubona avuye mu karengane yagiriwe muri Congo yagera iwabo naho igipolisi kigahita kimuta muri yombi.

Amakuru aturuka mu Burundi kuri uyu wa kabiri ariko aravuga ko uyu na none yarekuwe akaba yabashije kubonana n’umuryango we, aho yahise atangaza ko yishimye ndetse ashimira abagize uruhare mu irekurwa rye.

Uyu munyamakuru witwa Antéditeste Niragira, yari yatawe muri yombi ashinjwa ubutasi kuwa 17 Gicurasi n’inzego z’ubutasi za Repubulika iharanira Demokarasi ya Congo ubwo zari zimusanze mu nkambi ya Kavinvira icumbikiye impunzi z’Abarundi, iherereye hafi y’umupaka w’u Burundi.

Umuryango w’uyu munyamakuru ugizwe n’umugore n’abana babiri ndetse ukaba unitegura kwakira umwana wa gatatu, wari wabuze irengero rye mbere yo kumenya ko yatawe muri yombi nyuma y’iminsi 2 abuze.

Ibibazo byo mu Burundi byatangiye mu 2015 byaguyemo abantu bari hagati ya 500 na 2,000 ndetse bituma abasaga 400,000 bahunga igihugu. Muri izi mpunzi, abasaga 36,000 bahungiye muri Repubulika iharanira Demokarasi ya Congo aho inyinshi muri zo zicumbikiwe mu Nkambi ya Lusenda, abandi bakaba bari mu nkambi babanza gucamo hirya no hino.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa