startimes

US:Umushoferi wari utwaye igikamyo yanyuze hagati y’abigaragambya kubera urupfu rwa Floyd baramukubita cyane

Amakuru   Yanditswe na: Dusingizimana Remy 1 June 2020 Yasuwe: 4729

Igikamyo cyahoreye kinyura mu muhanda wari wuzuyemo abigaragambya mu mujyi wa Minneapolis muri Minnesota ejo ku cyumweru, abigaragambya bavanyemo uwari ugitwaye baramukubita cyane nk’uko abategetsi n’abari bahari babivuga.



Nta bigaragazako iki gikamyo hari umuntu cyakandagiye kuko benshi bakibonye kiza kandi kivuza ihoni bakizwa n’amaguru mbere y’uko gihagarara nk’uko bigaragazwa n’ibyatangajwe kuri twitter ya Minnesota Department of Public Security (MNDPS).

Polisi yaje ijyana uwari utwaye iyi kamyo kwa muganga kuvurwa ibikomere yatewe bidashobora kumuviramo urupfu nk’uko MNDPS ibivuga.

Guverineri wa leta ya Minnesota yabwiye abanyamakuru ko "iki gikorwa kibaye mu gihe ibintu byifashe nabi hano". Yongeye ko atazi icyateye umushoferi gukora ibi.

Iyi kamyo biboneka ku rubavu rwayo ko ari iya kompanyi yitwa "Kenan Advantage Group" kompanyi y’ubwikorezi yo muri leta ya Ohio.

Iyi kompanyi yatangaje ko yamenyeshejwe ko hari ibyabaye muri Minneapolis byakozwe n’umukozi wabo, ivuga ko yemera gukorana n’abashinzwe iperereza.

MNDPS ntabwo yatangaje umushoferi wari utwaye iyi kamyo gusa ivuga ko iki gikorwa kiri gukurikiranwa nk’icyaha.

Kuwa gatandatu, imodoka ya polisi muri New York nayo yafashwe amashusho igonga abari kwigaragambya bayiteraga ibintu.

Imyigaragambyo n’urugomo bikomeje gukwira

Urugomo rukomeje gukwira henshi mu mujyi yo muri Amerika nyuma y’imisi itandatu hari ibikorwa byo kwamagana urupfu rwa George Floyd wapfuye hashize umwanya afashwe na polisi.

Mu mujyi hafi 40 yo muri Amerika leta zatangaje imikwabu ariko abantu benshi bayirenzeho bakomeza kwigaragambya.

Abigaragambya bahanganye na polisi mu mijyi ya New York, Chicago, Philadelphia na Los Angeles, polisi ibatera imyuka iryana mu maso n’amasasu y’imipira, mu kubatatanya.

Ku cyumweru, abasirikare 5,000 bo mu ngabo ziri mu kiruhuko zifashishwa igihe cya ngombwa, bagaruwe mu kazi muri leta 15 na Washington DC aho abantu babonetse imbere y’ibiro bya perezida wa Amerika batera amabuye abarwanya imyigaragambyo.

Muri Philadelphia, ejo ku cyumweru televiziyo zaho zerekanye abantu bashwanyaguza imodoka ya polisi ndetse banasahura iduka.

Perezida Donald Trump yanditse kuri Twitter ati: "Itegeko n’ituze muri Philadelphia, NONAHA! Bari gusahura amaduka. Muhamagare ingabo zacu".

Imodoka zimwe za polisi zatwitswe amaduka nayo arasahurwa mu mijyi itandukanye.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umusirikare w’u Rwanda yiciwe mu butumwa bw’amahoro muri Centrafrique

Umusirikare w’u Rwanda wari mu butumwa bw’amahoro (MINUSCA) muri Repubulika...
14 July 2020 Yasuwe: 4517 1

Mali:Abigaragambya bateye Radio na TV by’igihugu babibuza gukora

Abigaragambya muri Mali baraye batumye radio na televiziyo by’igihugu...
11 July 2020 Yasuwe: 760 0

Umugabo yatemye abana 2 b’imyaka 6 abaziza guca ibigori mu murima...

Mu gihugu cya Kenya haravugwa inkuru y’abana babiri b’imyaka 6 batemwe...
9 July 2020 Yasuwe: 2610 0

BURUNDI: Hongeye guterwa Gerenade yahitanye umuntu umwe ikomeretsa abasaga...

Umuntu umwe yaraye apfuye, abarenga icumi barakomereka mu gitero cya...
9 July 2020 Yasuwe: 2201 1

Ishusho ya Haile Selassie wabaye umwami w’abami wa Ethiopia yabomowe i...

Ishusho ya Haile Selassie wabaye umwami w’abami (empereur/emperor) wa nyuma...
2 July 2020 Yasuwe: 1265 0

Ethiopia: Abantu 10 bamaze gupfira mu myigaragambyo yamagana ubwicanyi...

Abantu barenga 10 bamaze gupfa abarenga 80 barakomereka kuva ejo kuwa...
1 July 2020 Yasuwe: 943 0