addresiya
startimes

Abadepite mu Nteko Ishinga Amategeko y’u Rwanda bagiye kwegera abaturage mu tugari twose tw’igihugu

Amakuru   Yanditswe na: Martin Munezero 6 December 2019 Yasuwe: 647

Abadepite mu Nteko Ishinga Amategeko y’u Rwanda bagiye kwegera abaturage mu tugari twose tw’igihugu aho bazaba bareba iterambere ry’ibikorwaremezo by’ibanze n’ibijyanye n’ikoranabuhanga.



Nyuma y’umunsi umwe basoje igihembwe gisanzwe, abadepite batangaje ko hagati y’Ukuboza 2019 na Mutarama 2020 bazaba bari mu bikorwa byo kureba uko ibikorwaremezo bigezwa ku baturage kuva ku rwego rw’utugari.

Bazasura Umujyi wa Kigali ku matariki ya 5, 7 na 13 Ukuboza 2019 bajye mu Ntara y’Iburasirazuba kuva ku wa 9 kugeza ku wa 13 Ukuboza 2019. Ku wa 7 kugeza ku wa 11 Mutarama 2020 ni mu Majyepfo naho Iburengerazuba ni tariki 13 kugeza ku wa 17 umwaka utaha mu gihe bazasoreza mu Majyaruguru hagati ya tariki ya 20 na 25 Mutarama 2020.

Abadepite bazasura ibikorwaremezo birimo imihanda, amazi, amashanyarazi n’ubundi buryo bwo gucana abaturage bagezwaho banasure ibikorwaremezo by’ikoranabuhanga.

Muri izi ngendo, hateganyijwe ibiganiro abadepite bazagirana n’abaturage ku birebana n’uruhare rwabo mu bibakorerwa, kumenya no kuganira ku buryo abagize umuryango Nyarwanda bita ku bibazo byabo.

Ni ingendo zigamije gukomeza kubaka umuco w’ubufatanye hagati y’abayobozi n’abaturage babatora, kubakangurira kugira uruhare mu bibakorerwa, kumenya no kubahiriza amategeko no gushyira hamwe mu kwishakamo ibisubizo.

Guteza imbere ibikorwaremezo ni imwe mu nkingi z’icyerekezo 2020 u Rwanda ruri kwinjiramo, ikaba n’imwe muri gahunda zizitabwaho mu cyerekezo 2050.

Itegeko Ngenga rigena imikorere y’Umutwe w’Abadepite, riteganya ko Abadepite basura abaturage nibura kabiri mu mwaka, hagamijwe kumenya no kugenzura ibikorwa bya Guverinoma, kugira inama abaturage no kumenya ibibazo bafite.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 626 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 18941 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1010 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1800 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8033 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1266 0