Abakozi bashya bo mu ntara y’Iburasirazuba bagomba gusinyira ko batazasambanya abana- Guverineri Mufulukye

Amakuru   Yanditswe na: Dusingizimana Remy 25 November 2019 Yasuwe: 893

Ikibazo cy’bagabo bakuze bakomeje gusambanya abana gikomeje gufatirwa ingamba zihariye aho Guverineri w’intara y’Iburasirazuba,Mufulukye Fred yemeje ko buri mukozi w’iyi ntara mushya agiye kuzajya asinyira ko atazigera asambanya abana.



Ubwo yari mu nama y’Umuryango Imbuto Foundation yabereye i Nyagatare kuwa 20 Ugushyingo,Guverineri Mufulukye yavuze ko buri mukozi mushya w’iyi ntara agomba gusinyira kudasambanya abana.

Ati “Usanga abantu bamwe babona akazi hano, aho kugira ngo ayo binjize bayakoreshe biteza imbere, bakayashora mu gushuka abana babashora mu mibonano mpuzabitsina.”

KT Press yatangaje ko Guverineri Mufulukye asanga “ari ngombwa gufata ingamba, abakora muri iyi ntara bakazajya bandika urupapuro biyemeza ko batazashuka abana.”

In tary’Iburasirazuba niyo iza imbere mu kugira umubare munini w’abangavu baterwa inda. Mu myaka ibiri ishize abakobwa 55,048 batewe inda, 19,838 bakomoka mu Ntara y’Iburasirazuba.

Guverineri Mufulukye yasabye buri wese kugira uruhare mu kwigisha ubuzima bw’imyororokere no kuboneza urubyaro ndetse no gukemura ikibazo cy’abana baterwa inda kimwe n’abafatwa ku ngufu hagamijwe kubaka umuryango ubayeho neza n’abawugize bameze neza.

Yavuze ko bireba na za ONG kuko ngo zitagomba guteza ikibazo kuri iyi ngingo.
Gusa Mufulukye ntiyavuze ibihano bireba uzaba yakoze ibinyuranye n’ibyo azaba yanditse yiyemeza, cyangwa se ibizaba bigize ubutumwa bukubiye mu rwandiko.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abadakoresha ubutaka bwabo uko bikwiye bazabwamburwa

N’ubwo ubutaka mu Mujyi wa Kigali ari ubw’abaturage kandi bagomba kubukoresha...
24 January 2020 Yasuwe: 3658 0

Mutuyisugi Bernard yashikuje igikapu umuzungu wo muri Amerika cyari kirimo...

Ku manywa yo ku wa 22 Mutarama 2020 Mutuyisugi Bernard ufite imyaka 28...
24 January 2020 Yasuwe: 6699 0

Hasobanuwe impungenge zo gutanga Bourse hatitawe ku byiciro by’ubudehe

Umuyobozi wungirije ushinzwe iterambere muri Kaminuza y’u Rwanda, Dr Charles...
23 January 2020 Yasuwe: 1457 2

Ahahoze Gereza ya 1930 hagiye kubakwa Katederali igezweho

Kiliziya Gatolika igiye kubaka Katederali igezweho ya Arkidiyosezi ya...
23 January 2020 Yasuwe: 3327 2

Umubyeyi wa wa munyeshuri baraje hanze nyuma yo kubura amafaranga y’Ishuri...

Nyirangendahimana Leonia umubyeyi wa Diane Uwineza umunyeshuli wari wangiwe...
23 January 2020 Yasuwe: 5876 3

Musanze: Umugabo uvugwaho uburwayi bwo mu mutwe yatemye abantu 7 umwe...

Umugabo witwa Nsabiyera Emmanuel bivugwa ko afite uburwayi bwo mu mutwe wo...
22 January 2020 Yasuwe: 4825 0