addresiya
startimes

Abantu bava gufasha muri ibi bihe bya Coronavirus hanyuma bakifotora bakebuwe

Amakuru   Yanditswe na: Martin Munezero 11 April 2020 Yasuwe: 3441

Minisitiri w’Ubutabera akaba n’Intumwa Nkuru ya Leta, Johnston Busingye, yatangaje ko nta bikorwa byo kwiyamamaza bihari byatuma ufashije abagizweho ingaruka na Covid-19 abishakiraho kwamamara abinyujije mu kwifotozanya nabo ndetse n’ibyo yabahaye kugira ngo akunde yiyerekane.



Busingye avuze ibi mu gihe hashize iminsi mike abakoresha imbuga nkoranyambaga, bagaragaza ko batishimiye kuba hari abatanga ibiribwa n’ibikoresho by’isuku ku batishoboye muri iki gihe bakabyuririraho bakifotozanya nabo maze amafoto bakayakwiza ku mbuga nkoranyambaga zabo ari nako bandikaho amagambo asize umunyu.

Kuva Leta yafata ingamba z’uko abantu bose baguma mu ngo mu rwego rwo kwirinda ikwirakwira ry’icyorezo Covid-19 giterwa na Coronavirus, hari abagizweho ingaruka n’izi ngamba ariko Leta yiyemeza kubafasha.

Imiryango itandukanye, ibigo by’ubucuruzi, kompanyi zitandukanye n’abandi biyemeje kunganira Leta muri iki gikorwa batanga ibiribwa ndetse n’ibikoresho by’isuku bitandukanye.

Ni igikorwa cyashimwe na benshi, abandi bagaragaza ko bidahesha Imana icyubahiro kuba uwafashije yifotozanya n’abo yafashishije, amafoto agasakazwa mu binyamakuru no ku mbuga nkoranyambaga.

Ijwi rya benshi ryavuze ko abari gufashwa atari uko bari bakenye mu buzima busanzwe ahubwo ko byaturutse ku kuba ntacyo bari gukora muri iki gihe. Hari n’abisunze Bibiliya bavuga ko iyo ukuboko kw’iburyo gutanze ukw’ibumuso kudakwiye kubimenya.

Minisitiri Johnston Busingye, yabwiye Televiziyo y’u Rwanda ko hari abuririye kuri gahunda ya Leta yo gufasha bakabikora nta rwego na rumwe bamenyesheje biteza akavuyo.

Yavuze ko igikorwa cyo gufasha ari cyiza ariko ko gikwiye gukorwa mu buryo bunoze kandi inzego zibizi. Busingye avuga ko nta gikorwa cyo kwiyamamaza gihari ku buryo ugiye gufasha we yanifotozanya n’abo yagiye gufasha.

Ati “……Ntabwo turi mu gikorwa cyo kwiyamamaza. Turi mu gikorwa cyo kurwanya iki cyorezo. Niba ufite ibyo ushaka gufasha abaturage b’aha n’aha, jya kuri uwo Mudugudu, jya kuri uwo Murenge, jya kuri ako Kagari ubabwire ibyo ufite babishyire muri gahunda babitange.”

Yavuze ko niba uwafashije yifuza kuvugwa ngo ubuyobozi bw’Akarere, Umurenge n’Akagari bwabimufashamo.

Ati “Niba ushaka ko bavuga ko ari nawe wabizanye umuyobozi ku Karere ku Murenge ku Kagari barabigufashamo.”

Minisitiri Busingye yavuze ko gufasha bitabujijwe ahubwo ko ufasha akwiye kubahiriza amabwiriza yashyizweho na Minisiteri y’Ubutegetsi bw’Igihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble TEDDY

    Iyo ufashije umuntu ubabaye uba wiyamamaje .ubwo ingororano yawe iba ibaye iyo.Ariko iyo bimenywe n’Imana yonyine icyo gihe irakwitura.Ikindi kandi numva ko niba ufashije umuntu ugomba no kumwubaha ntiwirirwe umutaranga werekana ko atishoboye umukoza isoni..

    1 month ago

Inzindi nkuru

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6691 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2134 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 826 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20880 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1041 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1921 0