addresiya
startimes

Abanyarwanda batuye mu Bubiligi bakiranye ubwuzu Perezida Kagame witabiriye inama muri iki gihugu [AMAFOTO]

Amakuru   Yanditswe na: Dusingizimana Remy 18 June 2019 Yasuwe: 1708

Abanyarwanda benshi batuye mu Bubiligi bakoze urugendo urugendo rugera ku bilometero 10 berekeza ahitwa Tour & Taxis mu Mujyi wa Bruxelles kugira ngo bahe ikaze Perezida Kagame wari witabiriye inama yateguwe n’Umuryango w’Ubumwe bw’u Burayi yiga ku iterambere izwi nka ‘Journée Européenne du développement’.



Iri tsinda rigari ry’abanyarwanda 300 bari mu modoka nini enye ndetse n’abandi bari mu modoka zabo bwite, bakoze uru rugendo bambaye imipira yanditseho ngo “Warakoze Kagame”,abandi banditse ngo “dukunda Kagame mu rwego rwo kumwakira mu Bubiligi.

Nkuko amakuru dukesha IGIHE abitangaza, iyi nama yatangiye kuri uyu wa Kabiri aho izasozwa ku wa Gatatu (tariki 18-19 Kamena 2019) higwa ku ngingo zitandukanye.

Abanyarwanda baba mu Bubiligi bari babukereye bagaragariza urukundo Perezida Kagame wayitanzemo ikiganiro. Abagera kuri 300, bari imbere y’aho yabereye, bitwaje ibyapa birata ibikorwa Perezida Kagame amaze kugeza ku Rwanda ndetse n’amabendera y’igihugu.

Nyuma y’iyi iki gikorwa, abanyarwanda baba muri uyu mujyi bahuriye kuri Ambasade y’u Rwanda aho bahawe ubutumwa bwa Perezida Kagame n’Umunyamabanga wa Leta muri Minisiteri y’Ububanyi n’Amahanga, Amb. Olivier Nduhungirehe, wahoze ari na Ambasaderi w’u Rwanda mu Bubiligi.

Ambasaderi Nduhungirehe Olivier yababwiye ko perezida Kagame yashimye ubwitange bwabo mu iterambere ry’u Rwanda ndetse ababwira ko yamutumye ko azashaka umwanya aze kubaganiriza.

Nyakubahwa perezida Kagame yatanze ikiganiro cyagarutse ku nzira y’iterambere umugabane w’Afurika urimo ndetse asaba ko ibihugu byose byafatanya kurwanya ikibazo cy’ubusumbane.

Iyi nama itegurwa n’Umuryango w’Ubumwe bw’u Burayi, yatangijwe mu 2006 na Louis Michel aho ari urubuga rugari rw’u Burayi mu kwigira hamwe uko uyu muryango watera inkunga ibikorwa by’iterambere mpuzamahanga aho ikusanyirizwamo 0.7% by’inkunga y’Ikigega cy’Iterambere, ODA.

Ni inama itangirwamo ibitekerezo n’ubunararibonye bwagira uruhare mu bufatanye bushya bugamije guhanga udushya mu guhangana n’ibibazo Isi ifite. Iy’uyu mwaka iraza kuba irebera hamwe uko ihame ry’uburinganire ryakwimakazwa.





Inkuru dukesha IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Jabo

    Uwakwereka ibipingamizi byari bihari uko bingana byari bikubye 2 abangaba tubona. Kugirira ingendo muri belgique nomuri France nikibazo gikomeye.

    June 2019

Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2101 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 750 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20615 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1035 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1855 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8078 0