skol
startimes

Abasize ibikoresho byabo mu gishanga cya Gikondo bahawe iminsi 7 kuba babikuyemo mbere y’uko bitezwa cyamunara

Amakuru   Yanditswe na: 19 June 2020 Yasuwe: 995

Abahoze mu gace k’inganda ka Gikondo bategetswe gukuramo ibikoresho byabo birimo imashini, imodoka zishaje, ibyuma biremereye n’ibindi bikoresho bisigaye muri iki gishanga mu minsi irindwi bitaba ibyo bakabitakaza.


Ushinzwe imicungire y’Umujyi wa Kigali, Julian Rugaza, yavuze ko ba nyir’ubwite babonye igihe ntarengwa cyo kugeza ku itariki ya 9 Werurwe 2020, ariko bakaba ntacyo bakoze. Yagize ati:

Kugira ngo twubahe kandi dushyire mu bikorwa amabwiriza ajyanye no kubungabunga ibishanga, cyane cyane ibyatereranywe n’abahoze bahatuye, turabibutsa kuvana ibikoresho byose byasigaye inyuma nk’imashini, imodoka zishaje, ibyuma bishaje n’ibindi mu gace k’inganda ka Gikondo mu minsi irindwi.

Niba ba nyirubwite batabyubahirije, Umujyi wa Kigali uzateza cyamunara uwo mutungo nk’uko Rugaza abyemeza, yongeraho ko usibye ibishanga bya Gikondo, n’ibindi bishanga na byo ababirimo bagomba kubivamo. Ati:

Ibikoresho bitakuwe mu bishanga mu gihe cyagenwe bizatezwa cyamunara.

Umujyi wa Kigali urimo gutegura umushinga wa miliyoni 600 rwf muri parike y’inganda ya Gikondo, urimo no gukora ubusitani bufite ibyatsi bibisi, ubwoko bw’ibiti kavukire ndetse n’ahantu ho gufatira akayaga.

Ubwoko butandukanye bw’ibiti kavukire nka sycamores, acacia byaratewe kimwe n’ibidendezi bito bifite inzira zagenewe abanyamaguru baza mu bukerarugendo.

Juliet Kabera, Umuyobozi Mukuru w’Ikigo gishinzwe imicungire y’ibidukikije mu Rwanda (REMA), yasobanuye ko igishanga cya Gikondo kiri mu bindi bishanga bigenewe imyidagaduro, yongeraho ko hakomeje gukorwa ubushakashatsi kugira ngo hamenyekane uko hagarurwa ibishanga byangiritse. Ati:

Mu rwego rwo kugarura ibishanga byangiritse, hari ubushakashatsi bwatewe inkunga na Banki y’isi buzagaragaza uko buri gishanga kizagarurwa, harimo na Gikondo.

Nk’uko ubushakashatsi bubyerekana, ubwinshi bw’ibishanga muri Kigali bwavuye kuri kilometero kare 100 bugera kuri kilometero kare 77.

REMA ivuga ko inkunga ituruka ku kigo cyita ku bidukikije ku isi (GEF) binyuze muri Banki y’Isi izafasha kugarura ibishanga byangiritse mu Mujyi wa Kigali, bikaba biiteganijwe ko u Rwanda ruzahabwa miliyoni 7 z’amadolari y’uyu mushinga nk’uko The New Times yabitangaje.

Kabera akomeza yemeza ko imirimo yo kugarura ibindi bishanga izakomeza, avuga kandi ko imirimo yo gukora kuri pariki ya ’Nyandungu Urban Ecotourism Park’, yahagaritswe kubera Covid-19 n’imvura nyinshi yaguye bizasubukurwa.

Ibishanga bigomba kuvugururwa mu mujyi wa Kigali biri kuri kilometero kare 15, bingana na 20%, ibishanga bisabwa gukoreshwa mu buryo burambye bingana na 29%, ibishanga byo kubungabunga 38% naho ibindi bikazashyirwamo ibikorwa by’imyidagaduro.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bugesera:Gitifu yahishuye ko mu bariye imbwa ntawe bazi zaguye...

Mu mudugudu wa Heru, Akagari ka Nyakayenzi mu Murenge wa Ngeruka mu Karere...
23 September 2020 Yasuwe: 1043 0

Musanze:Salongo yahurije hamwe abagore be 8 abaha impano z’uko bamwakiriye...

Umunyamakuru wa BBC dukesha iyi nkuru yasanze iwe abagore be bahahuriye,...
21 September 2020 Yasuwe: 7805 0

Umupfumu Rutangarwamaboko asanga abishe inyamaswa yitiranyijwe n’ingwe mu...

Umupfumu Rutangarwamaboko asanga abishe inyamaswa yitiranyijwe n’ingwe mu...
13 September 2020 Yasuwe: 6066 0

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3845 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2618 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5383 0