skol
startimes

Aimable Karasira umwarimu muri Kaminuza y’u Rwanda uherutse kwirukanwa arasaba abamushutse ubufasha

Amakuru   Yanditswe na: Martin Munezero 17 August 2020 Yasuwe: 6052

Aimable Karasira a.k.a Professor Nigga, umwarimu muri Kaminuza y’u Rwanda uherutse kwirukanwa, arasaba abo mu mahanga bamushutse kumushyigikira muri ibi bihe bimukomereye by’ubushomeri.


Tariki ya 14 Kanama 2020, Kaminuza y’u Rwanda yashyize hanze ibaruwa yirukana Karasira Aimable , yashyizweho umukono n’umuyobozi wayo, Prof. Philip Cotton bitewe n’amakosa ane yagiye akora mu bihe bitandukanye.

Mu byo uyu mwarimu yazize byamenyekanye cyane harimo ubutumwa yagiye atambutsa ku rubuga rwa YouTube rwitwa Ukuri Mbona, aho yagiye agaragaza ko adashyigikiye Guverinoma y’u Rwanda na politiki yayo, ndetse akanatuka bamwe mu bayobozi b’iki gihugu.

Ibi byose bigaragara mu ibaruwa Kaminuza y’u Rwanda ishami rya Nyarugenge (UR-CST) yandikiye Karasira tariki ya 26 Nyakanga 2020, imusaba gusobanura iby’aya makossa. Ibi kandi bigaragara no mu ibaruwa imwirukana.

Karasira Aimable mu kiganiro yagiranye n’umunyamakuru Etienne Gatanazi, cyasohotse kuri Ukuri Mbona, yasobanuye ko mu byo yatangazaga byose, yaterwaga agatege n’abo hanze, abo bakaba baragendaga bamwereka ingingo z’amategeko y’u Rwanda zemerera umuntu kuvuga ikimuri ku mutima nk’iya 38.

Abajijwe niba yicuza kuba yarirukanwe azize amakosa ane nk’uko Kaminuza y’u Rwanda yabivuze, ati:

Ntacyo umutima wanjye unshinja rwose! Uretse ko hari abansazaga, ugasanga abo hanze barambwira bati vuga gutya, cyangwa nakora ibintu bikamera nka bya bindi ngo umuheto ushuka umwambi.

Abo bo hanze ni bande? Karasira ati :

Hari ibiganiro najyaga mbamo umutumirwa by’amaradiyo na televiziyo yo hanze, benshi barwanya leta. Akenshi rero babona cyane cyane ibibi kuruta ibyiza. Wenda uwo mutego nawugwagamo kuko nari pessimist, hari ibibi nabonaga, nkabona ibibi cyane kuruta ibyiza.

Nyuma yo kwirukanwa na Kaminuza y’ u Rwanda, Karasira abona ko igihe kigeze ngo abamubwiraga ko bamushyigikiye, bamushyigikire no muri ibi bihe bitamworoheye. Ati :

Ubu mu byago ni ho nzabonera inshuti noneho. Ariko abo hanze ndi kuvuga, benshi no mu mamessages bampa, baba bampa morale. Ati: Aha rero igihe ni iki. Nibanyereke ko koko bamfashije, ntabwo nkibona umushahara wanjye nabonaga wa buri kwezi, nibishyire hamwe bamfashe, niba koko baranakunze ibintu byanje, niba koko atari bya bindi bya wa muheto ushuka umwambi bitari bugeraneyo icya rimwe.

Karasira Aimable abona ko Kaminuza y’u Rwanda yafashe umwanzuro wo kumwirukana yihuse cyane. Kuri we, ngo ibi yari kumuganiriza, aho kumwirukana. Ati: “Ibyo ariko ntabwo kaminuza bari kubimpora, ngira ngo bari kunganiriza.” Yavuze ko afite gahunda yo kwitabaza ubutabera kugira ngo bumurenganure, asubizwe akazi ke.

Aimable Karasira yigishije isomo ry’ikoranabuhanga muri Kaminuza y’u Rwanda, ishami ry’ubumenyi n’ikoranabuhanga (UR-CST) riherereye mu Karere ka Nyarugenge, kuva mu 2008. Yigishaga nk’umwarimu ufasha abandi (assistant lecturer), afite impamyabumenyi y’icyiciro gihanitse izwi nka ‘masters’. Umushahara uhabwa abarimu bari muri iki cyiciro muri iyi kaminuza, ungana n’amafaranga y’u Rwanda 800,000 (800,000 Rwf) ku kwezi.

Amakuru agera kuri Bwiza dukesha iyi nkuru avuga ko Aimable Karasira yatangiye gukusanyirizwa inkunga y’amafaranga yo kumuha nk’impozamarira nyuma yo kwirukanwa na kaminuza y’u Rwanda. Iyi gahunda yatangijwe n’uwitwa Peter Mutabaruka, intego afite ikaba ari ugukusanya ibihumbi 4 by’amapawundi (£4,000), amaze gukusanywa akaba agera ku mayero 2,751 (£2751).

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabire Marie Immaculée yavuze uburyo ngo bititondewe RURA ishobora...

Ingabire Marie Immaculée, umuyobozi uhagarariye Umuryango Mpuzamahanga...
19 October 2020 Yasuwe: 6392 4

FXB Rwanda ku bufatanye na UNIBRA/Skol Rwanda bacukije imiryango itishoboye...

Umushinga FXB Rwanda ku bufatanye na UNIBRA/ SKOL Rwanda bacukije ikiciro...
17 October 2020 Yasuwe: 574 0

Gisagara: Umugabo yahawe ibihumbi 2000 FRW ngo akure ingurube mu musarani...

Umugabo wo mu kagari ka Bweya mu murenge wa Ndora mu karere ka Gisagara...
15 October 2020 Yasuwe: 1921 0

Nzabarushimana Eric wari Agronome w’umurenge yari kuri moto agongana n’igare...

Nzabarushimana Eric wari ushinzwe ubuhinzi “agronome” w’Umurenge wa Mukarange...
13 October 2020 Yasuwe: 3711 0

Rusizi: Urubura rudasanzwe rwangije byinshi rusiga na bamwe mu baturage...

Nyuma y’igihe abaturage b’umurenge wa Nyakarenzo mu karere ka Rusizi...
8 October 2020 Yasuwe: 1691 0

Mujawamariya Jeanne D’Arc abona ko abataragezwaho ibikorwaremezo...

Ubwo Minisitiri w’Ibidukikije Dr Mujawamariya Jeanne D’Arc yari yitabye...
8 October 2020 Yasuwe: 833 0