skol
startimes

Ambasaderi w’ u Rwanda muri Korea y’ Epfo yasobanuye uko umugore yahawe ijambo

Amakuru   Yanditswe na: 19 December 2016 Yasuwe: 1022

Ambasaderi w’u Rwanda muri Koreya y’Epfo , Emma-Francoise Isumbingabo yasobanuye inzira u Rwanda rwanyuzemo kugira ngo rube igihugu gifatwa nk’icyitegererezo mu guteza imbere abagore.

Mu kiganiro yagiranye n’ikinyamakuru Korea Times ari kumwe na Ambasaderi wa Afurika y’Epfo muri Koreya, Nozuko Gloria Bam, bagarutse ku mpamvu zadindizaga abagore bo ku mugabane wa Afurika cyane cyane ubukene.

Umunyamakuru yabajije Isumbingabo igihe u Rwanda ruzagirira umukuru w’igihugu w’umugore, aramusubiza ati “vuba aha rwose birashoboka.”

Ambasaderi Isumbingabo yasobanuye ko nubwo atavukiye mu cyaro, mu bwana bwe umuryango nyarwanda 1% ariwo wari utunze amashanyarazi, yibuka ko yavaga ku ishuri agasubiramo ibyo yize yifashishije itadowa.

Yongeyeho ko akazi afite yagaheshejwe n’ubuyobozi bwiza kuko nyuma ya Jenoside yakorewe Abatutsi, buri wese nta kuvangura yahamagawe ngo afashe kubaka igihugu.

Ati “Abagore twahawe amahirwe atarigeze abaho. Kuri ubu muri guverinoma abagore ni 40%, mu nteko ni 64 % naho abacamanza 43 ni abagore. Kuri ubu umubare w’abahungu n’abakobwa mu gihugu wenda kungana. Bigishwa kubahana kandi bose bahabwa amahirwe angana. Nanjye ndi ambasaderi w’u Rwanda muri Koreya kuko mfite icyo nshoboye no kubera ubuyobozi bwiza.”

Amateka ye ajya gusa n’aya Ambasaderi wa Afurika y’Epfo, Gloria Bam wavuze ko mu gihugu cyabo bahawe amahirwe nyuma ya politiki y’ivangura ya Apartheid, kuko kuri ubu byibuze nta muntu ugipfa kuvangurwa bitewe n’igitsina cyangwa ibara ry’uruhu.

Ati “Nkiri muto umwana w’umuhungu yafatwaga nk’umukuru w’umuryango, ariko kuri ubu n’abakobwa bahabwa agaciro.”

Isumbingabo Emma Francoise wahoze ari umunyamabanga muri Minisiteri y’ibikorwa remezo yagizwe Ambasaderi muri Koreya y’epfo muri Nyakanga 2014.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1540 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 2973 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1089 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2323 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4640 0

Abakora massage mu Rwanda bemerewe gutangira imirimo

Urwego rw’Igihugu rw’Iterambere (RDB) rwatangaje ko ahantu hakorerwa massage...
6 November 2020 Yasuwe: 1329 0