Ku mbuga nkoranyambaga zitandukanye haracicikana amafoto menshi y’umusirikare w’Igihugu cy’u Burundi; witwa ILDEPHONSE NIMUBONA ufunzwe ariko akaba akomeje gukorerwa iyicarubozo.
Nyuma y’igitero cyagabwe ku nkambi ya gisirikare ya Mukoni iri mu ntara ya Muyinga ku wa 24 Mutarama 2017, hakozwe umukwabu wo gufata bamwe mu bakekwagaho kugaba igitero ari nabwo uyu musirikare yafatwaga.
Umuyobozi wa Focode, Pacific Nininahazwe, uhagarariye umwe mu miryango iharanira uburenganzira bwa muntu mu (...)

Sponsored Ad

Ku mbuga nkoranyambaga zitandukanye haracicikana amafoto menshi y’umusirikare w’Igihugu cy’u Burundi; witwa ILDEPHONSE NIMUBONA ufunzwe ariko akaba akomeje gukorerwa iyicarubozo.

Nyuma y’igitero cyagabwe ku nkambi ya gisirikare ya Mukoni iri mu ntara ya Muyinga ku wa 24 Mutarama 2017, hakozwe umukwabu wo gufata bamwe mu bakekwagaho kugaba igitero ari nabwo uyu musirikare yafatwaga.

Umuyobozi wa Focode, Pacific Nininahazwe, uhagarariye umwe mu miryango iharanira uburenganzira bwa muntu mu Burundi, yanditse ku rukuta rwa Twitter atabariza uyu musirikare ufungiye muri gereza ya Ngozi.

ldephonse Nimubona, wakorewe iyicarubozo

Uyu musirikare nyuma yo gufatwa ngo yakorewe iyica rubozo, arakomeretswa ndetse inyuma ku kibubo cye hapfumuzwa ferabeto (fers à béto) nk’uko byatangajwe n’uwitwa Lambert ku rukuta rwe rwa Twitter. Yanakomerekejwe ku bindi bice by’umubiri, umubiri we ugiye ufite ibisebe.

Pacific avuga ko ivuriro ryo muri gereza ya Ngozi nta bushobozi rifite bwo kwita kuri uyu musirikare bigaragara ko ubuzima bwe ashobora kububura.

“Ikigo nderabuzima cya Ngozi nta bushobozi gifite bwo kuvura Adj-chef Ildephonse Nimubona, ikindi abujijwe gusohokamo”. Ibi ni ibyatangajwe na Pacific Nininahazwe.