Covid-19:Nta muntu wemerewe kubikuza amafaranga arenzi Miliyoni imwe

Amakuru   Yanditswe na: Martin Munezero 22 March 2020 Yasuwe: 2066

Banki Nkuru y’Igihugu yashishikarije abanyarwanda kurushaho gukoresha uburyo bw’ikoranabuhanga mu guhahirana, itegeka ko nta muntu wemerewe kujya kuri banki ngo asabe ko ahabwa mu ntoki amafaranga arenze miliyoni imwe ku munsi.



Uyu mwanzuro uje nyuma y’uko Minisitiri w’Intebe, Dr Edouard Ngirente, atangaje ko hashingiwe ku ntera icyorezo cya Coronavirus kimaze gufata n’uburyo ibindi bihugu bihangana nacyo, hafashwe ingamba zirimo gufunga imipaka, abantu badafite ibikorwa byihutirwa bakaguma mu ngo mu rwego rwo gukumira ikwirakwira ryacyo.

Minisitiri w’Intebe yavuze ko byagaragaye ko hakwiye kongera imbaraga mu gukumira ikwirakwira ry’icyo cyorezo mu Rwanda, ku buryo ingamba zakajijwe mu gihe cy’ibyumweru bibiri ndetse bishobora kongerwa.

Ni nyuma y’uko umubare w’abarwayi iki cyorezo umaze kugera kuri 17 mu gihe cy’icyumweru kimwe gusa.



Itangazo rya Banki Nkuru y’Igihugu rikurikira ibyatangajwe na Minisitiri w’Intebe, rivuga ko nta mpamvu yo guhangayika kuko Banki n’ibigo by’imari kimwe n’amakoperative biraza gukomeza gutanga serivisi ariko mu masaha atandukanye n’ayari asanzwe kuko bizajya bifungura saa mbili bigafunga saa cyenda z’amanywa.

Iryo tangazo rivuga ko Banki zizongera abakozi ku buryo bakomeza gufasha abakiliya bazo batari bariyandikishije mu buryo bwo gukoresha ikoranabuhanga.

Rikomeza rigira riti “Yongeye kwibutsa abakiliya bose gukoresha imiyoboro y’ikoranabuhanga mu kohererezanya amafaranga cyangwa mu kugura ibicuruzwa na serivisi cyane cyane ko banki zose n’ibigo by’itumanaho rya telefoni bavanyeho ikiguzi icyo aricyo cyose kugira ngo byorohereze rubanda mu gukoresha ubwo buryo”.



Rivuga kandi ko umuntu “uzaba wishyuwe hakoreshejwe sheki ntazemererwa gufata amafaranga kuri “guichet “ ahubwo amafaranga ye azajya ashyirwa kuri konti ye.”

“Mu gihe ariko sheki ari iy’umukiliya wa Banki, akayikoresha agiye kubikuza kuri konti ye, umubare w’amafaranga afatira kuri guichet ntushobora kurenga miliyoni imwe ku munsi.”

BNR yari iherutse gufata ingamba zirimo kwemerera amabanki gusubiramo amasezerano y’inguzanyo kugira ngo azorohereze abayabereyemo imyenda mu gihe cyo kwishyura no gukuraho ibiciro byo guhererekanya amafaranga mu guhangana n’ingaruka za Coronavirus ku bukungu bw’u Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2351 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3703 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1222 1

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3530 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4077 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2088 0