Gasabo:I Ndera haravugwa umukobwa bikekwa ko ari kuroga abasore bose bamubenze

Amakuru   Yanditswe na: Martin Munezero 29 January 2020 Yasuwe: 3024

Abaturage bo mu Murenge wa Ndera,Akarere ka Gasabo, bavuga ko batewe ubwoba cyane n’umukobwa bikekwa ko ari kuroga abasore bose bamubenze bagahita bapfa.



Ibi babitangaje nyuma y’aho muri aka gace hamaze gupfa abantu barindwi barimo n’umugore umwe kandi mu byumweru bibiri gusa.

Abatuye muri aka Kagari ka Rugashya,bavuga ko uwo mukobwa yahize kuzaroga abasore bose bamubenze ndetse afite urutonde rw’abo ashaka kuzica.

Aba baturage babwiye Radio 1, ko hari abantu bane barimo n’umukobwa baherutse gupfa mu buryo bumwe kandi bose bakaba bari basangiye inkoko.

Bahamya ko uyu mukobwa ngo afite urutonde rw’abasore barindwi agomba kuzica ku buryo hari n’abo imiryango yabo yatangiye guhungisha.

Hari uwagize ati ‘Ikigaragara n’uko baba barozwe kuko ni abantu basangiye inkoko bakayirya ari bane kandi bagapfa ari bane.”

Undi yagize ati “Bahereye ku wa Gatanu bashyingura, ni abasore batanu n’umugore umwe bapfuye mu byumweru bibiri.”

Umusaza ufite umusore uri ku rutonde rw’abo uwo mukobwa ashaka kuzica, na we yemeza ko byabateye ubwoba

Ati “ Yaraje noneho arambwira ngo umuhungu wanjye yaramwanze ndamubwira nti ese ibyo urabwimbirira iki, nti wenda muzongera mukundane. Mfite ubwoba ko azapfa. Telefone iramuhamagara tukagira ubwoba ngo arapfa.”

Umunyamabanga Nshingwabikorwa w’Umurenge wa Ndera , Kayihura Felix, yavuze ko ayo makuru bayumvise.

Ati “ Iyo nkuru twarayumvise ngo acuruza ku mu kabari ahantu. Turi kubiteganya kujyayo n’inzego z’umutekano kubikurikirana.”

Ntabwo haramenyakana ukuri kw’ibivugwa, niba koko abapfuye bararozwe dore ko nta raporo ya muganga irabigaragaza, cyangwa niba barapfuye mu buryo busanzwe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burera:Umunyeshuri yakuwe mu Kiyaga yapfuye nyuma yo gutoroka ikigo...

Umunyeshuri witwa Niyonizeye Pacifique wigaga mu ishuri rya E.S Kidaho riri...
18 February 2020 Yasuwe: 5895 0

RIB yatangaje icyo Kizito Mihigo yakoresheje yiyahurira muri kasho yari...

Urwego rw’igihugu rw’Ubugenzacyaha [RIB] rwatangaje ko umuhanzi Kizito Mihigo...
17 February 2020 Yasuwe: 19176 2

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 4454 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 26042 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 13228 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4141 0