Gasabo: Niyihaba wakekwagaho gukora amafaranga y’amiganano yarashwe na polisi arapfa ubwo yabakangishaka inzoka ngo atoroke

Amakuru   Yanditswe na: Dusingizimana Remy 27 October 2019 Yasuwe: 9551

Umugabo witwa Niyihaba Shada w’imyaka 37 wakekwagaho gukora amafaranga y’amiganano,yarashwe n’abapolisi ubwo bamufataga akabakangisha inzoka kugira ngo abone uko atoroka.



Uyu Niyihaba wari utuye mu Murenge wa Gatsata mu Karere ka Gasabo, yarashwe kuri uyu wa Gatandatu tariki ya 26 Ukwakira ahagana saa sita n’igice z’amanywa ahita apfa, nyuma y’uko yakangishaga abapolisi inzoka agamije gutoroka ubwo bamukekagaho gukora amafaranga y’amiganano.

Niyihaba washinjwaga gukora amafaranga y’amiganano wari unatunze inzoka nini, yarasiwe mu gishanga cya Kanyonyomba mu Gatsata n’abapolisi bari bamujyanye iwe kwerekana ibikoresho yifashishaga akora aya mafaranga, ahageze ashaka gutoroka inzego z’umutekano azikangishije inzoka.

Umunyamabanga Nshingwabikorwa w’Umurenge wa Gatsata Iyamuremye Francois, yabwiye IGIHE dukesha iyi nkuru ko uyu mugabo yarashwe nyuma y’aho yari ashatse gutoroka inzego z’umutekano.

Yagize ati “Yari yafatiwe icyaha cyo gukora amafaranga mpimbano afunzwe hanyuma bamusubije iwe kugira ngo yerekane ibindi bimenyetso, nibwo basanze afite inzoka ayikangisha inzego z’umutekano arazirukana anashaka kuzirwanya niko kwirukanka kugera hariya hepfo bamurasiye.”

Uyu mugabo ubwo yamaraga kuraswa, inzoka ye yahise imwihisha mu maguru nayo polisi ihita iyirasa.

Iyamuremye yashimangiye ko uyu mugabo yakoraga amafaranga mpimbano ndetse akajya akangisha abaturage iyo nzoka gusa asaba abaturage kujya batangira amakuru ku gihe ku bakora ibikorwa by’ubutekamutwe n’abahungabanya umutekano.


Inzoka Niyihaba yakangishije abaturage nayo yarashwe

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze:Uwatwikiwe abana 2 yavuze uburyo abaturanyi be bigeze kumwita...

Ku mugoroba wo kuwa Gatandatu tariki ya 22 Gashyantare 2020, umuryango...
26 February 2020 Yasuwe: 784 0

Minisitiri w’Imari n’Igenamigambi Dr. Ndagijimana Uzziel yagaragaje uburyo...

Minisitiri w’Imari n’Igenamigambi Dr. Ndagijimana Uzziel,yagaragejo ko...
25 February 2020 Yasuwe: 352 2

LODA yashyikirije Inteko Ishinga Amategeko ibisubizo by’ibibazo byagaragaye...

Ikigo k’igihugu gishinzwe guteza imbere ibikorwa by’iterambere mu nzego...
23 February 2020 Yasuwe: 1803 0

Abasaga ibihumbi bibiri bitabiriye umuhango wo gushyingura Kizito Mihigo...

Umuryango,inshuti n’abavandimwe ndetse n’abafana b’umuhanzi Kizito Mihigo...
22 February 2020 Yasuwe: 30650 2

Gatuna: Hatangajwe igihe abanyarwanda bazasubirira muri Uganda

Kuri uyu wa Gatanu taliki ya 21 Gashyantare 2020 nibwo abakuru b’ibihugu...
21 February 2020 Yasuwe: 15826 0

Rwamagana:Augustin kubera inkeke yahozwagaho n’umugore we byatumye yiyambura...

Kuri uyu wa Kane tariki 20 Gashyantare ahagana saa yine z’amanywa, mu...
21 February 2020 Yasuwe: 3769 1