Gicumbi:Hataburuwe umwana wapfuye mu myaka 2 ishize ngo hamenyekane Papa we

Amakuru   Yanditswe na: Martin Munezero 19 December 2019 Yasuwe: 6126

Itsinda ry’abakozi b’Ikigo cy’Igihugu cy’Ibimenyetso bya Gihanga n’abo mu Rwego rw’Ubugenzacyaha bw’igihugu kuwa Mbere berekeje mu Karere ka Gicumbi ahataburuwe umurambo w’umwana w’umukinnyi w’amagare, Bertin Mukarukundo ngo hamenyekane Se umubyara.



Ibi byabereye mu Karere ka Gicumbi ahitwa Nyamiyaga aho uyu mukobwa atuye.

Taarifa wakurikiranye iyi nkuru ivuga ko uyu mwana yapfuye mu myaka ibiri ishize ariko kubera ko ukekwaho kuba Se, Straton Nzabazumutima , byabaye ngombwa ko ubushinjacyaha butangiza iperereza kuri iki kirego kuko ngo uyu mwana yavutse nyina yarafashwe ku ngufu.

Iyi nkuru ivuga ko Mukarukundo wari umwe mu bakobwa bitwara neza mu mukino w’amagare mu ikipe ya Inyemera no mu Rwanda, yaje gufatwa ku ngufu n’uwari umutoza we, Nzabazumutima aterwa inda mu 2016.



Yaje kwibaruka umwana w’umukobwa mu 2017 ariko aza gupfa mu minsi ibiri yakurikiyeho mu buryo budasobanutse. Mukarukundo yavuye mu bitaro ntacyo abwiwe cyishe umwana we.

Uyu mukobwa yaje gusaba ubutabera, Nzabazumutima arafatwa ariko nyuma arekurwa na polisi ndetse ahabwa akandi kazi. Byavuzwe ko nta kimenyetso kimuhama ku byo aregwa na Mukarukundo.

Mukarukundo yakomeje gusaba kurenganurwa n’Ishyirahamwe ry’Umukino w’Amagare mu Rwanda (FERWACY) ariko ntibyagira icyo bitanga.



Iri tabururwa ry’umurambo rije rikurikira ibyatangajwe na Minisitiri w’Ubutabera, Johnston Busingye ku cyumweru tariki 15 Ukuboza aho yatangaje ko Nzabazumutima yongeye gutabwa muri yombi kugira ngo ikirego cy’ifatwa ku ngufu rya Mukarukundo risuzumwe.

Mukarukundo avuga ko ifatwa rye ryo ku ngufu mu 2016 ryatumuye inzozi ze mu mukino w’amagare ziyoyoka. Avuga ko yahabwa ubutabera, agasubizwa icyubahiro cye ndetse akaba yasubira mu mukino w’amagare.

Inzego zivugira abagore mu Rwanda zikomeje kubahamagarira guhaguruka bakarwanira uburenganzira bwabo ntibaceceke ihohoterwa iryo ari ryo ryose bakorerwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3419 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1139 0

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3352 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 3990 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2073 0

Abarwaye Coronavirus mu Rwanda bageze kuri 54

Minisiteri y’Ubuzima yatangaje ko kuri uyu wa Gatanu tariki ya 27 Werurwe...
27 March 2020 Yasuwe: 1245 0