Gloria Kayitesi umugore wa Lt. Joel Mutabazi uherutse kugumishirizwaho igifungo cya burundu yatakambiye Perezida Kagame

Amakuru   Yanditswe na: Martin Munezero 26 November 2019 Yasuwe: 12637

Gloria Kayitesi umugore wa Lt. Joel Mutabazi uherutse kugumishirizwaho n’urukiko rw’ubujurire gukomeza igifungo cya burundu, yasabye Perezida wa Repubulika y’u Rwanda Paul Kagame guca inkonizamba nk’umubyeyi we nyuma y’uwo mwanzuro.



Ni umwanzuro wafashwe ku wa 22 Ugushyingo 2019, hemezwa ko Lt. Joel Mutabazi afungwa burundu nyuma yo guhamwa n’ibyaha ashinjwa n’ubwo we atabyemera.

Mu kiganiro yagiranye na Radio Ijwi ry’Amerika, Gloria Kayitesi uba muri Finland avuga ko Perezida Kagame ari we mubyeyi wa Joel Mutabazi kubera ko ngo yinjiye mu gisirikare afite imyaka 11 y’amavuko, (mu Bugande yavukiye) icyo gihe yarerwaga na muka se kuko umubyeyi we yari yarapfuye.

“Mutabazi ni umuntu winjiye igisirikare afite imyaka 11 na bwo abitewe na mukase kubera ko Mutabazi yapfushije mama we (nyina) ari umwana muto cyane, bituma yinjira igisirikare.” Kayitesi.



Madamu Kayitesi avuga ko Perezida Kagame ari we mubyeyi rukumbi Mutabazi afite.

“Nta mubyeyi wundi yigeze agira keretse Perezida wa Repubulika, ikindi nasaba Perezida nk’umuntu wabaye umubyeyi wa Mutabazi, babanye ari umwana ni uko badohora, bagakubita inkoni izamba.”

Madamu Kayitesi wagereranyije Mutabazi nk’umwana w’ikirara muri Bibiliya wagarukiye umubyeyi we, akemera kumwakira.



Nk’uko byumvikana muri iki kiganiro, imbabazi Gloria Kayitesi asabira umugabo we ni izo gufungirwa muri gereza yo ku Murindi aho gufungirwa mu ya Kanombe (iyo Mutabazi yigezwe kwita mu Kuzimu) kuko ngo ari yo irimo ubwisanzure.

Umunsi w’isomwa ry’urubanza rwa Mutabazi mu bujurire, BBC yakoze inkuru iha urubuga abasomyi icyo batekereza ko Mutabazi yazahabwa. Ibitekerezo byari bitandukanye ariko muri ubu buryo: abashyigikiraga ko igihano cya burundu cyakomeza, abandi ko yagabanyirizwa igihano, abandi ko yagirwa umwere agakurirwaho igihano. Hari n’abatanze igitekerezo cy’uko yahabwa imbabazi na Perezida wa Repubulika nk’umuntu bakoranye ashinzwe kumurinda akaba yaca inkoni izamba.

Bivugwa ko Joel Mutabazi yahungiye muri Uganda mu 2011 ubwo yari ayoboye umutwe w’ingabo zirinda Perezida Kagame, ariko nyir’ubwite we atangira urubanza yavuze ko icyo gihe yashimuswe. Iby’ishimutwa rye kandi bivugirwa muri Uganda kuko hari urubanza rw’abashinjwa gushimuta no kohereza Mutabazi wamaze kwamburwa impeta za gisirikare.

Ibi bishobora kuba biri muri bimwe biteza umwuka mubi mu mubano w’u Rwanda na Uganda, aho Uganda ivuga ko u Rwanda rwamushimuse naho u Rwanda rukavuga ko byakozwe biciye muri polisi mpuzamahanga (Interpol). Ibirego byo gushimuta impunzi z’Abanyarwanda bikaba ari byo byakoze kuri Gen. Kale Kayihura, bituma akurwa ku kuyobora polisi ya Uganda nyuma yo gukurikiranwa mu nkiko.

Amahanga amwe n’amwe na yo akaba yaragiye yinginga u Rwanda asaba ko Mutabazi yarekurwa ariko u Rwanda rukavuga ko ubutabera bwarwo bwigenga kandi ko amategeko akwiriye kubahirizwa.

Mutabazi yafatiwe muri Uganda mu 2013 ari na bwo yoherejwe mu Rwanda. Mu 2014 yakatiwe igifungo cya burundu amaze guhamwa n’ibyaha byo gutoroka igisirikare,ubugambanyi, kugambirira kugirira nabi Umukuru w’Igihugu no gukwiza impuha zigamije kwangisha ubutegetsi bw’u Rwanda igihe yari mu mahanga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Tugirimana philbert

    Mwaramutse basomyi n’abanditsi b’ikinyamakuru umuryango .RW, bye nemerako gusaba imbabazi Ari uburwnganzira bwaburi wese,yewe biri no muburere bwiza mumuco nyarwanda twakuze dutozwa gusaba imbabazi mugihe cyose tuguye mumakosa. Ariko ndagaruka muburyo madam Lt mutabazi asabira umugabowe imbabazi,umu ntu asabimbabazi iyo agwiriwe nishyano akagwa mumakosa atateguye,ndashaka kuvugako Lt mutabazi ajya ibugande kwifatanya na RNC ntabwo byamugwiririye yarabiteguye ahubwo biza kumupfana , ndabaza madame Lt mutabazi nkumufasha we wamugiriye namaki mugihe yarari Ibugande yarabaye umwana w’ikirara nkuko ubivuga, byongeye mutabazi ntabwo yigeze yorohereza ubutabera, byaba byiza abadame bagiye babahafi yabo bashakanye bakabagira imana nziza zibubaka ntihazabeho kwibuka ibitereko bashes he.

    4 months ago

Inzindi nkuru

Abakorera Siporo hanze y’ingo zabo bagiriwe inama na Polisi

Polisi y’u Rwanda iributsa abaturarwanda ko nta muntu wemerewe gusohoka mu...
3 April 2020 Yasuwe: 1725 0

Covid-19:Rimenyande yatawe muri yombi n’abamufashaga kwakira abamutwerereye...

Tariki ya 29 Werurwe nibwo Polisi y’u Rwanda yafashe uwitwa Rimenyande Jean...
3 April 2020 Yasuwe: 2691 1

Kayonza:Icyuzi cya Ruramira kiri hafi gukamishwa kugira ngo hashakishwe...

Icyuzi cya Ruramira giherereye mu murenge wa Ruramira mu Karere ka...
31 March 2020 Yasuwe: 4261 0

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2596 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 4045 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1412 1