addresiya
startimes

HUYE:Abagabo 2 batekeye umutwe umukobwa baranamusambanya

Amakuru   Yanditswe na: Martin Munezero 9 October 2019 Yasuwe: 9339

Kuri station ya RIB mu murenge wa Rusatira ho mu karere ka Huye hafungiwe abagabo babiri bakurikiranyweho gutekera umukobwa umutwe,bakanamusambanya.



Uyu mukobwa uvuga ko kuwa kabiri tariki ya 08 Ukwakira 2019 yagiye mu isoko aza guhura n’abatekamutwe bamumanukana mu ishyamba,bamubwira ko ari abanyamasengesho kandi bahishuriwe ko hari abamurwanya.

Avuga ko aba bagabo atazi bakomeje kumuganiriza bamubwira ko kugira ngo ibibi bimutegereje bitazamubaho,ari uko azana telephone n’ibihumbi 14 yari afite,ndetse mu rwego rwo kugira ngo azabyare neza namara gushaka,bamubwira ko agomba gushaka umusore baryamana byihuse.

Uyu mukobwa ngo yarabyemeye maze azamukana mu gashyamba n’umwe muri abo bagabo baragenda bakora imibonano mpuzabitsina ariko bagarutse basanga umwe wari wasigaranye amafaranga na telephone yagiye maze na we ngo atangira kugarura ubwenge ni ko gutabaza maze abo bagabo bombi barafatwa.

Mbabazi Modeste uvugira urwego rushinzwe ubugenzacyaha mu Rwanda RIB yabwiye Itangazamakuru ko ikirego cy’uyu mukobwa bacyakiriye kandi ko iperereza rikomeje. Yaboneyeho no gusaba abaturage kwirinda abatekamutwe,no kwirinda ibyo babashukisha byose kuko uyu ngo yabeshywaga gukizwa inyatsi.

Ibi bibaye mu gihe uyu mukobwa kuri uyu wa gatatu tariki ya 09 Ukwakira 2019 ngo yari afite gahunda yo gusanga umugabo bakabana mu buryo bunyuranyije n’amategeko kuko ayo mafaranga yambuwe ngo yari ayo kugura bimwe mu bikoresho. Kuri ubu uyu mukobwa aravuga ko afite impungenge ko yaba yaratewe inda n’abo biswe abatekamutwe cyangwa se indwara ya Sida,cyakora ngo yahise yihutira kwa muganga ahabwa imiti,akaba yifuza ubutabera ari na ko agira inama abaturage kwirinda no kubanza gutekereza ku byo babwirwa n’abo bahuye,mu rwego rwo kwirinda abatekamutwe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble toni

    Sha aba batekamutwe bafite imiti bakoresha kuburyo ubwenge butakara bukagaruka ibyo bakora barangije kubikora!abantu bose bahuye n’abatekamutwe bavuga ko bagarura ubwenge nyuma

    October 2019
  • chat_bubble KEZA

    Ahahahahah Habiyambere uvuze ukuri pe cg se harukuntu babanza gutwara umuntu ubwenge bitabaye ibyo umukobwa yaba
    afite ikibazo gikomeye pe

    October 2019
  • chat_bubble hitimana

    Byatewe n’UBUJIJI bw’uyu mukobwa.Abagore n’abakobwa benshi kubashuka biroroha.Muribuka Pastor uherutse gutera inda abagore n’abakobwa bo mu rusengero rwe,ababwira ko ari Imana yabimutegetse.Ubusambanyi butera ibibazo byinshi bikomeye nubwo bukorwa na millions and millions z’abantu : Inda zitateganyijwe,Gufungwa,Sida,kwica cyangwa kwicwa,kwiyahura,gukuramo inda,guhotora cyangwa kujugunya umwana wabyaye,gusenya ingo ku bashakanye,etc… Ibibazo byinshi isi ifite biterwa nuko abantu batuye isi hafi ya bose basuzugura Imana.Niyo mpamvu nayo yashyizeho umunsi w’imperuka,kugirango izabakure mu isi.Mwibuke ko ku gihe cya Nowa Imana nabwo yarimbuye millions nyinshi z’abantu bose bali batuye isi,hakarokoka gusa abantu 8 bumviraga Imana.Ni Yesu ubwe wahamije iyo nkuru,hanyuma avuga ko ariko bizagenda nagaruka ku munsi w’imperuka.Nabwo hazarokoka abantu bake nkuko byagenze igihe cya Nowa.

    October 2019
  • chat_bubble Habiyambere

    Ariko koko ishyano ryaraguye!!! Hanyuma se nyagutekerwa umutwe we baramupimye basanga ntabumuga bwo m’umutwe afite? Gusenga no kuryamana n’umusore yabihuje ate mumitekerereze ye?!!! Ese yarasanzwe afite idini asengeramo??? Inyatsi se ikizwa no gusambana? Yinjirira se mugitsina??!! Hakorwe iperereza ryimbitse kuko nuwomukobwa niba ntabumuga afite, ashobora nawe kuba arumutekamutwe.

    October 2019

Inzindi nkuru

Moto zitubahirije amabwiriza yo kurwanya Coronavurus zatangiye gupakirwa no...

Mu gitondo cyo kuri uyu wa Gatatu, tariki ya 3 Kamena 2020, ni bwo umunsi...
4 June 2020 Yasuwe: 1855 0

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6853 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2158 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 879 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20994 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1049 0