Ibigo 4 bifite uruhare mu gutanga buruse y’abanyeshuri byatangaje impamvu itinda kubageraho n’ikigiye gukorwa

Amakuru   Yanditswe na: Dusingizimana Remy 21 January 2020 Yasuwe: 1005

Ibigo birimo kaminuza y’u Rwanda,HEC,BRD na Rwanda Polytechnic byatangaje ko ibibazo byo kutabonera inguzanyo ku gihe kuri bamwe mu banyeshuri byatewe no kudasinyira ku gihe amasezerano yabo na BRD n’ikibazo kigaragara kuri konti zabo.



Mu kiganiro abahagarariye ibi bigo 4 bagiranye n’abanyamakuru kuri uyu wa kabiri, bavuze ko kugeza ubu ibibazo byo kutabonera buruse ku gihe bigaragara ku banyeshuri 511 bangana na 2 %.

Umuyobozi wungirije wa Kaminuza y’u Rwanda ushinzwe Iterambere, Dr Murigande Charles, yavuze ko ikibazo gikunze gutuma aya mafaranga atinda kugera ku munyeshuri, akenshi biterwa n’uko usanga yaratinze kwiyandikisha cyangwa akaba yaratinze gusinya amasezerano.

Yagize ati “Ikindi kibazo kibaho ni uko usanga abanyeshuri benshi by’umwihariko abagitangira mu mwaka wa mbere, nta konti bagira cyane ko baba bakirangije amashuri yisumbuye, bamwe iyo bagiye gutanga konti hari ubwo batangira guhamagara babaza iwabo cyangwa inshuti ngo babatize konti, iyo BRD rero igiye kwishyura isanga wa muntu ugiye kuyahabwa atandukanye na wa wundi w’umunyeshuri bigateza ikibazo.”

Yakomeje agira Ati “Iyo ayo mafaranga atageze kuri baba banyeshuri, BRD ibibwirwa n’uko hari abanyeshuri batangiye kuvuga bati wenda tumaze amezi abiri nta mafaranga duhabwa, ibi bisaba ko itangira kujya gushaka ahari ikibazo kuko yo iba yarayatanze, aha niho ihera ikajya muri Banki Nkuru y’u Rwamda, BNR kubabaza niba koko ya mafaranga yaratanzwe, BNR iyo ibyemeye nibwo ijya muri banki kureba uko byagenze, ibi bigatuma abanyeshuri batinda kuyabona.”

Dr Murigande yasobanuye ko abemerewe guhabwa inguzanyo bisaba ko amazina yabo, HEC iyatanga muri BRD nayo igakurikirana imitangire y’aya mafaranga ndetse n’uko azagaruzwa.

Umuyobozi ushinzwe ishoramari mu burezi muri BRD, Matata Claudine,yatangaje ko ibibazo byo kutabona inguzanyo kugeza ubu bigaragara ku banyeshuri 511 gusa aho benshi muri bo basagai 245 byatewe no kudasinyira amasezerano igihe abandi akababa yaragarutse kubera ikibazo kigaragara kuri konti zabo.

Matata yavuze ko mu banyeshuri ibihumbi 28,446 bahabwa buruse, BRD imaze kwishyura ibihumbi 27,936 (98%) bourse. Mu banyeshuri bashya ibihumbi 9,810, hishyuwe 9,609, kandi mu banyeshuri bakomeje kwiga mu yindi myaka ibihumbi 18,606 hishyuwe 18,327 muri UR na Rwanda Polytechnic (RP).

Kugeza ubu abanyeshuri 511 basigaye batarishyurwa, 389 ni aba UR na 122 ba RP.

Ibi bigo byavuze ko biri gushaka uko abanyeshuri bajya bahabwa amafaranga ya buri kwezi, aho gutegereza amezi atatu nk’uko bikorwa uyu munsi ndetse ngo bagiye kujya barakurikirana umunyeshuri wagize ikibazo bamuhe amafaranga vuba bitaramugiraho ingaruka.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Ngewe.mfite.ikibazo.nkabanyeshuri.basoje.p6.umwaka.ushize.bakaba.barabuze.amikoro.yokujya.kwiga.kdi.amanota.yacinia.yarayatsindiye.mwadufashiki.abashinzwe.ibyuburezi.dukeneye.ubufasha.bwanyupe.kuko.mfite.umwana.wabuze.ukoyiga.kdi.numva.bimbangamiye.cyane.0784905696

    1 month ago

Inzindi nkuru

Abantu bagura ibibanza bikamara imyaka irenga 3 batarabyubakamo akabo...

Minisiteri y’Ibidukikije yatangaje ko igiye gufata mu buryo bukomeye ikibazo...
26 February 2020 Yasuwe: 1341 2

Musanze:Uwatwikiwe abana 2 yavuze uburyo abaturanyi be bigeze kumwita...

Ku mugoroba wo kuwa Gatandatu tariki ya 22 Gashyantare 2020, umuryango...
26 February 2020 Yasuwe: 1536 0

Minisitiri w’Imari n’Igenamigambi Dr. Ndagijimana Uzziel yagaragaje uburyo...

Minisitiri w’Imari n’Igenamigambi Dr. Ndagijimana Uzziel,yagaragejo ko...
25 February 2020 Yasuwe: 383 2

LODA yashyikirije Inteko Ishinga Amategeko ibisubizo by’ibibazo byagaragaye...

Ikigo k’igihugu gishinzwe guteza imbere ibikorwa by’iterambere mu nzego...
23 February 2020 Yasuwe: 1873 0

Abasaga ibihumbi bibiri bitabiriye umuhango wo gushyingura Kizito Mihigo...

Umuryango,inshuti n’abavandimwe ndetse n’abafana b’umuhanzi Kizito Mihigo...
22 February 2020 Yasuwe: 30772 2

Gatuna: Hatangajwe igihe abanyarwanda bazasubirira muri Uganda

Kuri uyu wa Gatanu taliki ya 21 Gashyantare 2020 nibwo abakuru b’ibihugu...
21 February 2020 Yasuwe: 15855 0