skol
startimes

Ibigo birimo HEC, RALC, WDA na NCC byasheshwe

Amakuru   Yanditswe na: Martin Munezero 6 September 2020 Yasuwe: 3307

Kuri uyu wa Gatanu taliki ya 4 Nzeri 2020, mu igazeti ya Repubulika y’u Rwanda, hasohotsemo iteka rya Perezida wa Repubulika rihuza, rikanasimbuza ibigo bya leta byari bisanzweho nka HEC, RALC, WDA na NCC, mu gihe ibindi bizakomeza inshingano zabyo.


Ni mu rwego rwo kunoza imikorere y’ibigo bya Leta hagamijwe gukoresha neza umutungo wayo, Guverinoma y’u Rwanda yakoze ayo mavugurura, igahuza ibigo byari bisanzwe biriho ibindi bigakurwaho.

Iri teka rigena ko Inteko Nyarwanda y’Ururimi n’Umuco (RALC), Ikigo cy’Ingoro z’Igihugu z’Umurage w’u Rwanda (INMR) ndetse n’Ikigo cyari gishinzwe Inkoranyabitabo na Serivisi z’Ishyinguranyandiko byose biseswa, bigasimbuzwa ikigo gishya kizakomatanya inshingano zabyo. Ni ikigo cyahawe izina ry’”Inteko y’Umuco”.

Ibigo birimo Komisiyo y’Igihugu Ishinzwe Abana (NCC) na Gahunda y’Igihugu y’Imbonezamikurire y’Abana bato (NECDP) byasheshwe, bisimbuzwa ‘Ikigo cy’Igihugu Gishinzwe Imikurire no Kurengera Umwana’ (NCD).

Ibyari Inama Nkuru y’Amashuri Makuru (HEC) n’Ikigo cy’Igihugu gishinzwe guteza imbere Imyuga n’Ubumenyingiro (WDA), byasheshwe, inshingano zabyo zihurizwa mu cyiswe ‘Ikigo Gishinzwe Amashuri Makuru’.

Ni impinduka zemejwe nyuma y’uko ku wa 3 Kanama 2020 zari zemejwe n’Inteko Ishinga amategeko y’u Rwanda. Iri teka rigena ko abari abakozi b’ibigo byasheshwe, bashyikirizwa Minisiteri ifite abakozi ba Leta mu nshingano zayi bagacungwa hakurikijwe amategeko abigenga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nabonibo Albert umunyarwanda uryamana nabo bahuje igitsina yahamije ko Papa...

Ibyatangajwe na Papa Francis mu mashusho mbarankuru (documentary)...
23 October 2020 Yasuwe: 4295 3

Ingabire Marie Immaculée yavuze uburyo ngo bititondewe RURA ishobora...

Ingabire Marie Immaculée, umuyobozi uhagarariye Umuryango Mpuzamahanga...
19 October 2020 Yasuwe: 6635 4

FXB Rwanda ku bufatanye na UNIBRA/Skol Rwanda bacukije imiryango itishoboye...

Umushinga FXB Rwanda ku bufatanye na UNIBRA/ SKOL Rwanda bacukije ikiciro...
17 October 2020 Yasuwe: 605 0

Gisagara: Umugabo yahawe ibihumbi 2000 FRW ngo akure ingurube mu musarani...

Umugabo wo mu kagari ka Bweya mu murenge wa Ndora mu karere ka Gisagara...
15 October 2020 Yasuwe: 2050 0

Nzabarushimana Eric wari Agronome w’umurenge yari kuri moto agongana n’igare...

Nzabarushimana Eric wari ushinzwe ubuhinzi “agronome” w’Umurenge wa Mukarange...
13 October 2020 Yasuwe: 3828 0

Rusizi: Urubura rudasanzwe rwangije byinshi rusiga na bamwe mu baturage...

Nyuma y’igihe abaturage b’umurenge wa Nyakarenzo mu karere ka Rusizi...
8 October 2020 Yasuwe: 1711 0