addresiya
startimes

Inteko Ishinga Amategeko y’u Rwanda yahagaritse ku kazi umukozi wayo ushinjwa gufata ku ngufu Umurundikazi

Amakuru   Yanditswe na: Martin Munezero 3 December 2019 Yasuwe: 1979

Inteko Ishinga Amategeko y’u Rwanda yahagaritse ku kazi Umukozi wayo wari ushinzwe Ibaruramari, Mushingwamana Evode, ukurikiranyweho icyaha cyo gufata ku ngufu impunzi y’Umurundikazi.



Mu itangazo yanyujije ku rukuta rwa Twitter, Inteko yatangaje ko uyu mukozi wayo ahagaritswe ariko ntiyavuga igihe yahawe cyane ko ikirego cye cyagejejwe mu rukiko.

Rigira riti “Hashingiwe ku mpamvu zigenwa n’imiterere y’inzego z’ubuyobozi, Mushingwamana Evode yarahagaritswe.’

Mu minsi ishize nibwo inkuru ya Mushingwamana yagarutsweho ubwo uwitwa Juliette Karitanyi yanyuzaga kuri Twitter ubutumwa avuga ko uyu mukozi akiri mu mirimo y’Inteko nyamara hari ibyaha ashinjwa.

Mu gitekerezo cye Karitanyi yandikiye Mutangana Jean Bosco [wari Umushinjacyaha Mukuru] ariko abimenyesha na Perezida wa Repubulika Kagame Paul agaragaza ko hejuru yo kuba uyu mugabo yarafashe ku ngufu ndetse agahohotera umukobwa w’Umurundi akiri mu kazi ke.

Yagize Ati “Nyakubahwa Perezida Kagame Paul hashize igihe umugabo witwa Mushingwamana Evode agikora mu Nteko Ishinga Amategeko kandi ashinjwa gufata ku ngufu, kugerageza kwica, guhatira gukuramo inda ndetse n’icuruza ry’impunzi y’Umurundi. Ikirego kiri mu rukiko.”

Iki kibazo ku ikubitiro cyagaragajwe n’uwitwa Remy Baho aho yagarutse ku makosa y’uyu mugabo ananenga kuba atarakurwa mu mirimo hejuru y’ibyaha yakoze.

Ati “Mushingwamana Evode yashimuse, afata ku ngufu, arakubita ndetse agerageza kwica impunzi y’Umurundikazi y’imyaka 19 ariko yashinjwe gufata ku ngufu gusa. Ntarahagarikwa ku mirimo ye y’Ibaruramari mu Nteko Ishinga Amategeko n’ubwo ibizamini bya DNA byerekanye ko umwana wavutse muri uko gufatwa ku ngufu ari uwe. Ni gute mushobora kureka uyu mugabo agakomeza kwidegembya mu Nteko hejuru y’ibi bikorwa by’ubunyamaswa? Kuba atakwirukanwa igihe hategerejwe ubutabera biragayitse ntibinakwiye.”

Icyo gihe Mutangana yatanze icyizere ko inkiko zizasuzumana ubushishozi icyo kirego ndetse zigatanga ubutabera bukwiye.

Umwanzuro w’urukiko ku kirego cya Mushingwamana ukekwaho gufata ku ngufu Umurundikazi uzatangazwa ku wa 23 Ukuboza 2019.

WhatsAppFacebook MessengerTelegramFacebookTwitterShare

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2115 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 793 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20727 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1037 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1901 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8092 0