startimes

Karongi:Basabose Pierre yakubise ishoka Gitifu mu mutwe

Amakuru   Yanditswe na: Martin Munezero 7 December 2019 Yasuwe: 7739

Umuturage witwa Basabose Pierre wo mu mudugudu wa Gafuruguto, Akagari ka Gasura mu Murenge wa Bwishyura arashinjwa gukubita ishoka mu mutwe Umunyamabanga Nshingwabikorwa w’Akagari ka Gasura, Niyongamije Gerald, wari umaze guhosha urugomo rwo gukubita no gukomeretsa uyu muturage yari amaze gukora mu ijoro ryo kuri uyu wa Mbere tariki 2 Ugushyingo 2019.



Umwe mu baturage wari aho ibi byabereye avuga uko byagenze yagize yabwiye Radio Isangano dukesha iyi nkuru uko byagenze.

"ibi byatangiye umugore wa Pierre atukana na nyina wa Niyomugabo(nyirabukwe), nuko Niyomugabo araza acyura nyina maze Domina(umugore wa Pierre) ahita akubita nyirabukwe, Pierre aje aho kugira ngo abaze uko bimeze yadukira Niyomugabo aramukubita, kubera ko njyewe nkorera hano ndaza ndabakiza ariko Pierre ntiyashyirwa akomeza guterana amabuye."

Niyomugabo Fidele, umwe mu bakorewe urugomo, yagize ati “ Nari niyicariye hano mu isanteri maze abantu barambaza ngo wiyicariye aho ngaho mama wawe bari kumukubita? Nuko ndaza mfata mama ndamujyana hashize umwanya byamaze guhosha nuko Pierre araza ,ubwo yari afite inkoni atangira kuyinkubita ngo kuko wifatanyije na mama wawe ndabica (...)."

Umukuru w’umudugudu wa Gafuruguto, Nyanzira Aloysie, wavuga ko uyu muturage asanzwe yarananiranye.

Agira ati ” Uyu mugabo asanzwe ari igihazi anywa ibiyobwabyenge duhora tumushyikiriza inzego za polisi twajya kubona tukabona aragarutse,yigize igihazi asanzwe ari n’umujura. Bigaragare y’uko yari afite umuteguro kuko ako gashoka si agashoka yashishaga inkwi n’agashoka gatoya yari yarabitse ku buryo yakagendanaga."

Gitifu Niyongamije yemeje aya makuru ubwo yari kwa muganga, avuga ko agashoka yakubiswe kafashe umusaya.

Ati " Muri iryo joro nyine yari yakubise murumuna we, atema murumuna we akoresheje umuhoro, abaturage bahamagara inzego z’umutekano i Kigali nabo bahamagara akarere ndetse na polisi ariko byaje kurangira nta rwego ruje gutabara, maze habuze urwego rujya gutabara,"

Twoherejeyo irondo rigezeyo birananirana kuko yari yanyweye urumogi, biba ngombwa ko bongeye kumpamagara mfata moto hari mu masatatu n’igice, mpageze nsaba abaturage kuryama kuko ntakindi nari kumukoraho, twaje kugenda rero tugeze muri kaburimbo ubwo yari afite agashoka gatoya ariko njye sinari nakabonye. Nari ndi kuvugira kuri telefoni antambuka iruhande ahita akankubita ku bw’amahirwe gafata ku itama iruhande rw’umunwa ntikafata mu isura."

Umukozi ushinzwe ibibazo by’abaturage n’irangamimerere mu Murenge wa Bwishyura, Niyigaba Bellarmin, avuga ko uyu muturage agishakishwa.

Yagize ati ”Uwakoze icyaha kugeza ubu ntabwo turamenya aho ari aracyashakishwa. Twari tuzi ko n’ubundi ari umuntu udashobotse ureste ko muri kariya kagari tutabarenganya amakuru bahise bayatubwira gusa umuturage tugumya kumwibeshyaho”.

Iyi nkuru ivuga ko no mu kandi Kagari ka Nyarusazi mu Murenge wa bwishyura mu ijoro rimwe, abaturage bakubise umunyamabanga nshingwabikorwa w’ako kagari.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble gakuba

    IBAZE NGO BAHAMAGAYE.I KIGALI NABO BAHAMAGARA À KARERE NA POLISI ALIKO NTIBAHAGERA !!!IBYO SIBYO KUKO WASANGA IZO NZEGO.ALIZO ZAHAMAGAYE GITIFU ALIKO UMUNTU YIGIRA INDAKOREKA LIMWE À BITEWE NUBUYOBOZI.BUDATANGA AMAKURU CYANGWA BUYATANGA.IZINDI NZEGO ZAMUFATA ZIKAMUREKURA UMUNTU UGENDANA AGASHOKA KANDI BIZWI.!!ALI UMUJURA.BIZWI URUGOMO. BAZWI URUMOGI.BIZWI CYANGWA NUKO GEREZA ZUZUYE.BAKABURA AHO BAMUSHYIRA NYAMARA GITIFU YARAZIZE KUDATABARA BAHAMAGAWE. NIBA ALIBYO *

    December 2019
  • chat_bubble kacel

    uyu ejo tuzunva bavugako yishwe ashaka kurwanya inzego zumutekano, nashaka asige araze.

    December 2019

Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1734 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1589 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1747 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 947 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3542 1