dnd

Karongi : Inka yari yibwe yasanzwe iziritse ku buriri bwo mu cyumba cya Mbarushimana ukekwaho kuyiba

Amakuru   Yanditswe na: Dusingizimana Remy 4 November 2019 Yasuwe: 3435

Umugabo witwa Mbarushimana Francois utuye mu Mudugudu wa Tariro, Akagali ka Muhororo mu Murenge wa Murambi, mu Karere ka Karongi yemereye abaturage ko ari umujura nyuma yo kumufatana inka yari yabuze iziritse mu cyumba araramo.



Mu ijoro ryo ku wa gatandatu rishyira ku cyumweru taliki ya 3 Ugushyingo 2019, nibwo umuturage witwa Nyiranteziryayo Anataliya yabyutse asanga inka yahawe muri gahunda ya Girinka yibwe atabaza abaturanyi bakurikirana ibirenge by’aho uwayibye yayinyujije biberekeza kwa bwana Mbarushimana Francois.

Umunyamabanga Nshingwabikorwa w’Umurenge wa Murambi, Uwimana Fanuel yabwiye Umuseke dukesha iyi nkuru ko mu ijoro ryo ku wa Gatandatu rishyira ku Cyumweru, ahagana saa sita na mirongo ine (00h40 a.m) z’igicuku, aribwo Nyiranteziryayo yatatse ko abuze inka maze atabaza abaturage.

Ati “Abaturage batabaye ndetse hanabaho isaka, twakurikiye ibinono tugera kwa Mbarushimana tumubajije tuti ibi binono si iby’inka? Na we ati “Ni ibyayo nyine”. Twinjiye mu nzu dusanga iziritse ku buriri.”

Gitifu Uwimana Fanuel yavuze ko umwana w’imyaka 14 w’uriya mugabo yabwiye abaturage n’ubuyobozi ko Se asanzwe azana inka mu rugo (yibye) akamuha amafaranga ngo atabivuga.

Ati “Twashimye cyane uyu mwana wanenze imigirire ya Se umubyara, twishimiye ubufatanye bw’abaturage muri rusange ndetse tunabasaba gukomeza kwirindira umutekano.”

yuma y’iki gikorwa cy’ubujura Umurenge wagiranye inama n’abaturage ubuyobozi bubasaba kurushaho kugira uruhare mu kurinda umutekano.
Mbarushimana wafatanwe inka yajyanwe kuri Station ya RIB ya Gashali.

Mu byumweru bibiri bishize, muri uyu Mudugudu hamaze kwibwa inka eshatu zose zibwe n’uyu Mbarushimana wabyemereye abaturage nyuma yo gushinjwa n’umwana we.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mutuyisugi Bernard yashikuje igikapu umuzungu wo muri Amerika cyari kirimo...

Ku manywa yo ku wa 22 Mutarama 2020 Mutuyisugi Bernard ufite imyaka 28...
24 January 2020 Yasuwe: 4896 0

Hasobanuwe impungenge zo gutanga Bourse hatitawe ku byiciro by’ubudehe

Umuyobozi wungirije ushinzwe iterambere muri Kaminuza y’u Rwanda, Dr Charles...
23 January 2020 Yasuwe: 1284 2

Ahahoze Gereza ya 1930 hagiye kubakwa Katederali igezweho

Kiliziya Gatolika igiye kubaka Katederali igezweho ya Arkidiyosezi ya...
23 January 2020 Yasuwe: 2797 2

Umubyeyi wa wa munyeshuri baraje hanze nyuma yo kubura amafaranga y’Ishuri...

Nyirangendahimana Leonia umubyeyi wa Diane Uwineza umunyeshuli wari wangiwe...
23 January 2020 Yasuwe: 5415 3

Musanze: Umugabo uvugwaho uburwayi bwo mu mutwe yatemye abantu 7 umwe...

Umugabo witwa Nsabiyera Emmanuel bivugwa ko afite uburwayi bwo mu mutwe wo...
22 January 2020 Yasuwe: 4759 0

Uwizeye Flavia witeguraga kurangiza Kaminuza Yitabye Imana azize urupfu...

Uwari umunyeshuri muri Kaminuza yigisha ubukerarugendo, ubukungu...
22 January 2020 Yasuwe: 9201 1