skol
startimes

Kicukiro:Umusekirite yafashe imbunda arirasa

Amakuru   Yanditswe na: Martin Munezero 10 February 2020 Yasuwe: 3572

Umusekirite wa ISCO warindaga inyubako yahoze ikoreramo Banki ya Kigali mu karere ka Kicukiro ahazwi nka Kicukiro Centre biravugwa ko yirashe arapfa ubwo yari mu kazi mu gitondo cyo kuri uyu wa Mbere ubwo yari mu kazi ku Kicukiro ahagana saa mbili.


Uyu musekirite witwa Ntatinya Audace uri mu kigero cy’imyaka 30 yirasiye mu kazu gato bahinduriragamo imyambaro nyuma y’aho yakagezemo agiye kwambara imyenda y’akazi ngo asimbure mugenzi we wari wakoze ijoro.

Umwe mu bari aho uyu musekirite yirasiye yatangarije TV1 dukesha iyi nkuru ati “Uwo yasimbuye yamuhaye imbunda arangije aranyonyomba ahita ajya muri kariya kazu twumva isasu riraturitse.Yatunze umunwa w’imbunda munsi y’akananwa isasu rica mu mutwe.

Undi ati “Twaje kureba dusanga inkweto zirambitse hariya,imbunda hariya,isasu ryamunyuze munsi y’umunwa rirazamuka mu mutwe.”

Aba baturage bavuze ko atirashe by’impanuka ahubwo ngo yabikoze abigambiriye abitewe n’ibibazo yari yifitiye.

Umwe yagize ati “Yabikoze abishaka.Nta muntu bigeze bavugana.Nta mpanuka y’isasu ibaho kereka riturutse mu kirere rikamugwa mu gihorihori.”

Aba baturage bavuze ko ikibazo yari afite gishobora kuba kizwi n’abo bakorana cyangwa kompanyi akorera gusa bemeje ko yirashe abigambiriye kuko ngo yanabanje gufunga akakazu.

Umuvugizi wa RIB,Madamu Marie Michelle Umuhoza yabwiye abanyamakuru ko kuba uyu musekirite yaba yirashe abigambiriye cyangwa ari impanuka bizagaragazwa n’ibizava mu iperereza batangiye.

Nyakwigendera bivugwa ko akomoka mu Karere ka Gicumbi. Y

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble sezikeye

    Kwiyahura ahanini biterwa n’ibibazo byuzuye muli iyi si:Ubukene,kutumvikana kw’abashakanye,ubuhemu,ubusambanyi,depression,etc…Ibibera muli iyi si biteye agahinda.
    Mu byukuri,abantu bishimye ni bake cyane.Abakire n’abantu bakomeye,nabo bagira ibibazo byinshi.Urugero,benshi ntabwo babanye neza n’abo bashakanye.Abenshi bacana inyuma.Abantu bishima nyakuri,ni abantu bashaka Imana bashyizeho umwete,bakabifatanya n’akazi gasanzwe.Impamvu bishima,nuko baba bafite ikizere cyo kuzabona ubuzima bw’iteka muli paradizo,Imana ibanje kubazura ku munsi wa nyuma nkuko Yezu yavuze.

    10 February

Inzindi nkuru

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1552 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 2995 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1090 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2327 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4642 0

Abakora massage mu Rwanda bemerewe gutangira imirimo

Urwego rw’Igihugu rw’Iterambere (RDB) rwatangaje ko ahantu hakorerwa massage...
6 November 2020 Yasuwe: 1331 0