Kigali: Ibihumbi by’abitabiriye inama babwirwa ko barayisaruramo amadolari 197 batashye amara masa

Amakuru   Yanditswe na: Dusingizimana Remy 25 June 2019 Yasuwe: 4705

Abantu babarirwa mu bihumbi bazindukiye kuri Kigali Convention Center bagiye mu nama yiswe Money Wealth and Business Conference, bari babwiwe ko izabafasha gusarura akayabo k’amadolari ya Amerika 197 ariko batunguwe no gusanga ibyo babwiwe ari baringa.



Aba bantu bakoze igisa n’imyigaragambyo kuri Kigali Convention Center nyuma yo guhamagarwa n’aba bise ko ari abatekamutwe babasezeranyije kubaha amafaranga y’insimburamubyizi mu cyiswe" Wealth Fitness Event" birangira Polisi ihagobotse.

Icyumba cyagombaga kuberamo iyi nama cyakubise kiruzura kubera abantu baturutse hirya no hino mu Rwanda baje gushaka aya madolari,bitera ubwoba abayobozi ba Kigali Convention Center niko kwitabaza inzego z’umutekano zirahagoboka.

Minisitiri w’urubyiruko, Rose Mary Mbabazi, n’Umuyobozi urwego rw’Igihugu rw’Ubugenzacyaha, RIB, Col.Jeannot Ruhunga ni bamwe mu bayobozi bageze kuri KCC basanga huzuye niko gusaba ko iyi nama ihagarikwa cyane ko n’uwayitumije atari azi neza umubare w’abantu yatumije.

Minisitiri Mbabazi yabwiye abantu bari bitabiriye iyi nama ati "Tugiye kubikurikirana.Ntabwo igihugu cyacu cyakwihanganira abatekamutwe baza kubakuraho na duke mwari mufite."

Umuyobozi wa RIB yabwiye abari bitabiriye iyi nama baje gushaka amadolari 197 ko nubwo imbuga nkoranyambaga zazanye ibintu byiza byinshi ariko abantu bakwiriye kuzitondera ndetse ko inama batabonye yamamazwa ku maradiyo,TV,ku byapa n’ahandi bagomba kuyigiraho amakenga.

Col Jeannot Ruhunga yabwiye abari kuri KCC bose ko bagiye gukora iperereza ryimbitse kuri buri wese uri mu bateguye iyi nama.

Yagize ati "Ubu ni ubujura bwabaye.Turi gushaka igisubizo cy’ikibazo cyabaye,ntabwo uwatumije iyi nama aratubwira ngo byari ku mbuga nkoranyambaga.Nibyo Ikoranabuhanga ryazanye ibyiza byinshi ariko hari byinshi bibi birikorerwaho.

Ntabwo muri imburamukoro natwe ntabwo turi imburamukoro.Icyaha cyakozwe uwakigizemo uruhare wese yaba uwateguye inama,uwakusanyije amafranga bose turabafite tugiye kubakoraho iperereza.Mutuze musubire mu rugo turabikurikirana."

Iyi nama yahagaritswe abantu bari bamaze kwinjira mu cyumba yagombaga kuberamo bakubwe inshuro zisaga 10 n’abari hanze.Kwinjira byari ibihumbi 5000.

Nkuko amakuru agera ku umuryango abitangaza,abageze kuri Kigali Convention Center babwiwe ko bagomba kwishyura amafaranga kugira ngo binjire muri iyi nama bituma abayiteguye bakusanya akayabo ka miliyoni 120 FRW,gusa nyuma bategetswe kuyasubiza abayatanze.Andi makuru aravuga ko RIB yamaze guta muri yombi uwateguye iki gikorwa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Gaju

    abateka mutwe bari hanzaha barayatumaramo ndabarahiye. RIB yakoze guta muri yombi abo banyamitwe.

    June 2019

Inzindi nkuru

Burera:Umunyeshuri yakuwe mu Kiyaga yapfuye nyuma yo gutoroka ikigo...

Umunyeshuri witwa Niyonizeye Pacifique wigaga mu ishuri rya E.S Kidaho riri...
18 February 2020 Yasuwe: 5212 0

RIB yatangaje icyo Kizito Mihigo yakoresheje yiyahurira muri kasho yari...

Urwego rw’igihugu rw’Ubugenzacyaha [RIB] rwatangaje ko umuhanzi Kizito Mihigo...
17 February 2020 Yasuwe: 18470 2

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 4325 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 25324 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 13059 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4126 0