startimes
startimes

Ku mupaka w’u Rwanda n’u Burundi habonetse imirambo y’abantu 3

Amakuru   Yanditswe na: Martin Munezero 11 July 2020 Yasuwe: 6871

Kuri uyu wa Gatanu, mu kagari ka Nemba, Umurenge wa Rweru mu karere ka Bugesera, muri metero eshanu gusa uvuye ku mupaka uhuza u Rwanda n’u Burundi, habonetse imirambo y’abantu batatu batari bamenyekana, bikekwa ko yaba yaturutse mu Burundi.


Sponsored Ad


Iyi mirambo yabonywe n’Inkeragutabara zari ziri gutema ibihuru hafi y’imbibi z’u Rwanda n’u Burundi. Ubuyobozi bw’Umurenge wa Rweru buvuga ko imirambo ari iy’abasore bari mu kigero cyo hagati y’imyaka 25 na 30, bakaba basa nk’abishwe babanje gukomeretswa mu maso.

Umunyamabanga Nshingwabikorwa w’Umurenge wa Rweru, Murwanashyaka Oscar yabwiye itangazamakuru ko ibimenyetso bahasanze bigaragaza ko abishwe biciwe mu Burundi bakaza kujugunywa mu Rwanda. Ati:

Hari ibimenyetso bifatika by’aho imibiri yakuruwe ivanwa ku ruhande rw’u Burundi mbere y’uko ijugunywa muri metero nkeya ku butaka bw’u Rwanda.

Murwanashyaka kandi yakomeje avuga ko bayibonye mu gitondo ahagana saa mbiri zo kuri uyu wa Gatanu tariki 10 Nyakanga. Avuga ko nta kimenyetso na kimwe babonye kiranga iyi mirambo kuko bajugunywe bambaye ubusa buri buri, bityo uwabishe akaba yagerageje guhisha ko hagira ubamenya.

Bamwe mu baturage babashije kugera hariya, bavuze ko imirambo yari itarangirika ku buryo bigaragara ko bishwe mu rukerera, hanyuma uwabishe akabahajugunya mbere y’uko bucya.

Aya makuru kandi yemejwe n’Umuvugizi wa Polisi y’u Rwanda, CP John Bosco Kabera, yavuze ko abashinzwe gukora iperereza bageze hariya byabereye ngo basuzume inzira byanyuzemo ngo iyi mibiri igere mu Rwanda, na ho imibiri y’abishwe ikaba yahise ijyanwa mu bitaro bya Nyamata kugirango ikorerwe isuzuma.

Mu 2014 ni bwo ibikorwa nk’ibi byaherukaga kuba ku mupaka w’u Rwanda n’u Burundi, indi mirambo myinshi yabonywe ireremba mu mazi y’ikiyaga cya Rweru nyuma bikaza kugaragara ko ari Abarundi biciwe mu Burundi n’ubwo u Burundi bwo bwahakanaga buvuga ko ari iy’Abanyarwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwamagana:Impanuka y’imodoka ya Bralirwa yahitanye ubuzima bw’abantu

Mu Karere ka Rwamagana mu Murenge wa Mwulire ahitwa i Ntunga, habereye...
12 August 2020 Yasuwe: 4094 0

Rwanda:Ababereyemo leta imyenda bafatiwe ingamba nshya

Leta y’u Rwanda yafashe ingamba nshya zo kwishyuza abayibereyemo imyenda,...
7 August 2020 Yasuwe: 1783 0

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2728 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 16974 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11699 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12397 0