startimes

MINEDUC yafashe umwanzuro ukomeye uzayifasha kuzamura ireme ry’uburezi

Amakuru   Yanditswe na: Dusingizimana Remy 16 October 2019 Yasuwe: 2727

Minisiteri y’Uburezi yafashe ingamba zikomeye mu rwego rwo kuzamura ireme ry’uburezi benshi bavuga ko riri ku rwego rwo hasi aho ishuri rimwe rigiye kuzajya rigira umwarimu urishinzwe n’undi umwe cyangwa babiri bamwunganira,



Minisitiri w’Uburezi,Dr Eugene Mutumura yabwiye abanyamakuru ko mu rwego rwo gukomeza gushakisha ireme ry’uburezi mu mashuri abanza n’ayisumbuye, ko hari gahunda igiye gushyirwa mu mashuri abanza kuva mu mwaka wa mbere kugera mu mwaka wa gatatu, aho ishuri rizajya rigira umwarimu urishinzwe n’undi umwe cyangwa babiri bamwunganira.

Yagize ati “Umubare w’abarimu ugereranyije n’abanyeshuri bigisha mu cyumba ntuhagije, ni yo mpamvu mu mwaka wa mbere kugeza mu wa gatatu, ishuri rimwe rizaba rifite umwarimu urishinzwe n’abandi babiri bo kumwunganira.”

Minisitiri Mutimura yavuze ko hagiye kongerwa umubare w’abarimu kugira ngo iyi gahunda igerweho mu gihugu hose.

Minisitiri yavuze ko icyumba cy’ishuri kirimo abanyeshuli 70 gikwiye kuba gifite abarimu babiri bakajya bunganirana.

MINEDUC ivuga ko iyo umwarimu umwe yigishije abanyeshuli benshi bituma bamwe bacyura ubusa ariyo mpamvu hagiye gushyirwaho abarimu 2 kugira ngo bajye bakurikirana imyigire y’abana ndetse bagire urwego rumwe mu myigire.

Uyu mwanzuro wafatiwe mu nama yahuje Minisiteri y’Uburezi n’abafatanyabikorwa mu rwego rwo kurebera hamwe ibyagezweho mu burezi umwaka ushize n’ibikwiye gushyirwamo imbaraga mu mwaka utaha yabaye kuri uyu wa kabiri, tariki ya 15 Ukwakira 2019.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble [email protected]

    Ntabanga ririmo MINEDUC irahuzagurika, ibyemezo bihindagurika burikanya bituma ntagikorwa m’uburezi kiramba nibyo byica ireme ry’uburezi.
    Gushaka kugenzura byose ukananirwa Gutanga ireme mu mashuli ya Leta ukajya no gusuka amazi mubikorwa n’amashuli y’igenga yageragezaga gufasha ababyeyi kwigisha abana babo uko babishaka ngo aha nakore nk’ibikorwa muri Leta n’ibi ibizingamishije uburezi bw’urwanda. MINEDUC ni mese kamwe ifata amashuli ya Leta iyagire ikitegererezo kubera Program nziza iyafitiye nibona bizamuye ireme, ibona no kujyana izo gahunda zayo mu mashuli y’igenga naho ubundi turajya irudubi

    October 2019

Inzindi nkuru

Ku mupaka w’u Rwanda n’u Burundi habonetse imirambo y’abantu 3

Kuri uyu wa Gatanu, mu kagari ka Nemba, Umurenge wa Rweru mu karere ka...
11 July 2020 Yasuwe: 5981 0

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4675 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2158 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1642 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1771 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 963 0