Minisitiri Busingye yavuze uburyo abanyarwanda birukanwe muri Uganda imitungo yabo izitabwaho

Amakuru   Yanditswe na: Martin Munezero 18 March 2019 Yasuwe: 1755

Minisitiri w’ubutabera bw’u Rwanda akaba n’intumwa nkuru ya leta, yahumurije Abanyarwanda birukanwe mu gihugu cy’abaturanyi ba Uganda bagatayo ibyabo, abizeza ko ibibazo biri hagati y’u Rwanda na Uganda biri mu nzira zo gukemuka kandi ko imitungo yabo na yo izitabwaho.



Ibi Minisitiri Busingye yabivugiye mu kiganiro Minisiteri y’ubutabera yagiranye n’itangazamakuru kuri uyu wa mbere kivuga ku cyumweru cy’ubutabera cyatangiye kuri uyu wa 18 Werurwe.

Minisitiri Busingye yabajijwe niba hari ubufasha leta y’u Rwanda yaba yarageneye Abanyarwanda birukanwe muri Uganda bakahata imitungo yabo, avuga ko ibibazo byose biri hagati y’ibihugu byombi harimo n’icy’imitungo bizashakirwa ibisubizo.

Ati”Turakomeza kwizera ko ibyo bibazo bizashakirwa ibisubizo byose hamwe muri rusange n’icyo kirimo [imitungo] kubera ko ni ibintu abantu baba bararuhiye, bafitiye uburenganzira. ”

“Ntabwo numva ari ikibazo twatandukanye n’ibindi byose bihari kandi nemeza ko twagifata hamwe n’ibindi n’inzira ihari yo kugerageza kubishakira ibisubizo kuko byose turabifite, biranditse, biri ku rutonde buri muntu ku izina rye aho yari ari, icyo yataye, ibimenyetso byabyo byose biregeranyije. Turatekereza ko mu nzira zo gukemura icyo kibazo muri rusange n’iki kizakemukiramo.”

Ibibazo biri hagati y’u Rwanda na Uganda bishingiye ku bintu bitatu by’ingenzi, birimo ihohoterwa rikorerwa Abanyarwanda muri Uganda aho bamwe batotezwa, bagafungwa, bagakorerwa iyicarubozo abandi bakirukanwa ku butaka bw’iki gihugu ahanini bagatayo imitungo yabo, abana babo ndetse n’imiryango yabo. Minisiteri y’ububanyi n’amahanga y’u Rwanda binyuze muri Dr. Richard Sezibera iherutse gutangaza ko abarenga 900 ari bo bamaze kwirukanwa muri Uganda kuva muri 2017.

Ikindi kibazo gishingiye ku bufasha leta y’i Kampala iha imitwe igambiriye guhungabanya umutekano w’u Rwanda, mu gihe ikibazo cya gatatu kiri hagati y’ibihugu byombi ari icy’ibicuruzwa n’abacuruzi b’Abanyarwanda bahohoterwa muri Uganda nyamara nta mpamvu ifatika ihari.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abasaga ibihumbi bibiri bitabiriye umuhango wo gushyingura Kizito Mihigo...

Umuryango,inshuti n’abavandimwe ndetse n’abafana b’umuhanzi Kizito Mihigo...
22 February 2020 Yasuwe: 30138 2

Gatuna: Hatangajwe igihe abanyarwanda bazasubirira muri Uganda

Kuri uyu wa Gatanu taliki ya 21 Gashyantare 2020 nibwo abakuru b’ibihugu...
21 February 2020 Yasuwe: 15683 0

Rwamagana:Augustin kubera inkeke yahozwagaho n’umugore we byatumye yiyambura...

Kuri uyu wa Kane tariki 20 Gashyantare ahagana saa yine z’amanywa, mu...
21 February 2020 Yasuwe: 3684 1

RIB yasubije abasabye iperereza ryimbitse ku rupfu rwa KIZITO MIHIGO no ku...

Umuryango wo muri Commonwealth urasaba ko uubuyobozi bw’u Rwanda bwizeza ko...
21 February 2020 Yasuwe: 23247 0

harifuzwa itegeko rihana ababeshya dore ko n’abaminisitiri babikora

Urwego rw’Igihugu rw’Ubugenzacyaha (RIB) ruvuga ko Abanyarwanda bakwiye...
21 February 2020 Yasuwe: 1964 1

Impamvu yatumye Perezida Kagame yubaka Kigali Arena yamenyekanye

Perezida w’Ikipe ya Toronto Raptors, Masai Ujiri,wari witabiriye ibirori byo...
21 February 2020 Yasuwe: 6598 2