skol
startimes

Minisitiri Mujawamariya ntiyiyumvisha impamvu ibaruwa yandikiye Minisitiri w’Uburezi amwihanangiriza yageze mu itangazamakuru igahinduka byacitse

Amakuru   Yanditswe na: Martin Munezero 26 August 2020 Yasuwe: 6406

Nyuma y’igihe gito minisitiri w’Ibidukikije, Amb. Jeanne d’Arc Mujamariya asohoye ibaruwa isaba mugenzi we w’Uburezi, Dr. Valentine Uwamariya guhagarika kubaka amashuri mu buryo bwangiza ibidukikije,ngo ntazi impamvu byageze mu itangazamakuru bigahindura ishusho kandi atari agamije guhangana na mugenzi we.


Inkuru dukesha Flash fm/Flash TV yaganiriye na Minisitiri Mujawamariya yumvikanishije ko ibaruwa yandikiye mugenzi we w’uburezi Dr Uwamariya Valentine ngo bitari bigamije ihangana.

Minisitiri w’Ibidukikije, Amb. Jeanne d’Arc Mujamariya

Ati”Mu by’ukuri sinzi impamvu iriya baruwa yajemo byacitse mu binyamakuru. Kwibutsa mugenzi wanjye dukorana ko hari ibintu birigukorwa bibangamiye ibidukikije no kumwibutsa gukangurira abana kubungabunga ibidukikije,gutera ibiti no gutera ibyatsi nta kintu kibi kiri muri iriya baruwa.”

Iyi baruwa yasohotse bwa mbere mu Kinyamakuru Umuryango.rw ivuga ko Minisitiri Mujawamariya yandikiye mugenzi we w’uburezi Dr Uwamariya Valentine kugira ngo amugezeho impungenge aterwa n’uburyo ibyumba by’amashuri biri kubakwa hamwe na hamwe mu buryo bwangiza ibidukikije.

Dr Uwamariya Valentine, Minisitiri ushinzwe uburezi mu Rwanda

Mujawamariya yibukije mugenzi we ko imirimo yo kubaka ibyumba by’amashuri iri gukorwa muri iki gihe itagombye kwangiza ibidukikije kuko aribyo shingiro ry’iterambere rirambye ry’u Rwanda.

Mu ibaruwa ye yanditse ko byagaragaye ko ‘mu mirimo ijyanye n’iyubakwa ry’amashuri hirengagijwe ingamba zisanzwe zo kubungabunga no gukoresha neza umutungo kamere.’

Havugwa ko bimwe muri ibyo bikorwa ari icukurwa ry’ibumba mu bishanga no gutwika amatanura byagaragaye mu igenzura ryakozwe mu turere twa Gisagara, Huye, Ruhango, Nyanza, Gasabo, Kicukiro na Rwamagana.’

Iriya baruwa yanditswe taliki 19, Kanama, 2020 isaba Minisitiri Dr Valentine Uwamariya gukurikirana ibibazo byavuzwe haruguru, amashuri akubakwa mu buryo buboneye.’

Minisitiri Dr Jeanne d’Arc Mujamariya yasabye mugenzi ushinzwe uburezi kuzamuha raporo igaragaza uko ateganya gukemura ibibazo byagaragaye no kubikumira mu yindi mishinga yo kubaka amashuri ndetse no kuyateza imbere.

Iyi baruwa kandi yageneye kopi Minisitiri w’Intebe, Dr.Edouard Ngirente, ayigenera Minisitiri w’Ubutegetsi bw’Igihugu, Prof. Shyaka Anastase, ayigenera Minisitiri w’Ibikorwa Remezo, Amb. Claver Gatete, n’Abayobozi b’Uturere twose tw’u Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Passy

    Nyakubahwa Ministre w’ibidukikije twebwe aho dukorerera abayobozi bacu bakunze kutubwira ngo nituvuga ikibazo gihari tujye tunavuga umuti twatanga;kuko kubitangaza mu binyamakuru mbere yuko mubiganiraho na mugenzi wanyu mudashakira hamwe igisubizo cyabyo simbona ko byaba byiza kuko ndumva ikigendererewe nyamukuru ni uburere bw’abana bacu twirinda covid kuko byagaragaye ko ubucucike ari kimwe mu bikwirakwiza iyo ndwara.

    4 months ago
  • chat_bubble Alias

    Igikomeye cyane si iriya baruwa.Igikomeye ni ukuba bamwe kndi benshi bo mu nzego za Leta batakigira ibanga.Birababaje kuba nta muntu urahanirwa gushyira amabanga ya Leta ku ka rubanda.Hari amabaruwa asigaye ajya hanze abo yagenewe atarabageraho.Bikwiye guhinduka pe.

    5 months ago
  • chat_bubble Banzubaze

    "Umanika agati wicaye, mukukamanura ugahaguruka"

    5 months ago

Inzindi nkuru

Inkingo miliyoni imwe za COVID-19 ziragera i Kigali mu minsi ya vuba...

Mu kiganiro Umuyobozi w’Ikigo cy’Igihugu cy’Ubuzima (RBC) yagiranye...
22 January 2021 Yasuwe: 4666 0

Hakuweho urujijo rw’ahabereye ubwicanyi bwakozwe na Kaneza Christa wishe...

Ku wa Gatatu w’iki Cyumweru, Polisi y’u Burundi yerekanye umugore ukiri muto...
22 January 2021 Yasuwe: 18392 0

Uruganda rwa Filime nyarwanda rwungutse indi yitwa Diru irimo amayeri...

Film zirimo imitecyerereze yo kurwego rwo hejuru zibamo amayeri n’amacenga...
21 January 2021 Yasuwe: 4103 0

Kigali:Ibanga ryafasha ingeri zose kuvuga icyongereza neza mu minsi...

Théoneste Uwayezu uyobora kompanyi yitwa ICT For All in All ikorera i Remera...
18 January 2021 Yasuwe: 4770 3

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5293 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9463 0