skol
startimes

Minisitiri w’Intebe yafunguye ku mugaragaro ikoreshwa ry’imodoka zikoresha amashanyarazi mu Rwanda

Amakuru   Yanditswe na: Dusingizimana Remy 29 October 2019 Yasuwe: 3015

Kuri uyu wa Kabiri,taliki ya 29 ukwakira 2019,Minisitiri w’Intebe Dr. Edward Ngirente yafunguye ku mugaragaro imodoka zikoresha amashanyarazi zigiye gukora bwa mbere mu Rwanda.


Muri uyu muhango wabereye muri Kigali Convetion Centre,Minisitiri Ngirente yafunguye ku mugaragaro izi modoka z’uruganda rwa Volkswagen zikoresha amashanyarazi.

Mu ijambo rye,Minisitiri w’Intebe Dr. Eduard Ngirente yavuze ko kuba u Rwanda rugiye gukoresha izi modoka zikoresha amashanyarazi bigaragaza intera ikomeye rumaze kugeraho mu kurinda ibidukikije ndetse by’umwihariko mu ikoranabuhanga.

Yagize ati: “Abanyarwanda bose bamaze kumenya ko kurinda ibidukikije ari inshingano yabo ya mbereTwizeye ko gukora ingendo mu binyabiziga bitangiza ibidukikije bizaganya ukwangirika kw’ibidukikije.

Mu izina rya Nyakubahwa perezida Kagame,ndashimira Volkswagen na Siemens kuri uyu mushinga w’indashyikirwa bakoze.Mu minsi ishize perezida Kagame yafunguye uruganda rwa Mara Phones ruzajya rutunganyiriza telefoni za Smartphones mu Rwanda.Ibi biragaragaza ko igihugu gikomeje gutera imbere mu ikoranabuhanga.Turifuza ko ubufatanye bwa Volkswagen na Siemens bwadukorera sitasiyo iha umuriro w’amashanyarazi imodoka.

Izi modoka 4 zikoresha amashanyarazi zatangiye gukoreshwa mu Rwanda kuri uyu wa Kabiri, ziswe e-Golf, zakozwe ku bufatanye bwa Volkswagen n’ikigo cyo mu Budage, Siemens,kizajya gitanga uburyo bwo kongera umuriro w’amashanyarazi mu modoka.

Umuyobozi wa Volkswagen mu Rwanda,Rugwizangoga Michaella yavuze ko e-Golf zitaratangira kugurishwa mu gihugu kubera ko bisaba ko habanza hakanozwa uburyo bwo kuzikanikira mu gihugu zagize ikibazo, kubona abatekinisiye bahagije n’ibindi. Icyakora ngo bishobora gutangira vuba.

U Rwanda rwabaye igihugu cya mbere muri Afurika Volkswagen igeragerejemo imodoka zayo zikoresha amashanyarazi.Iyo iyi modoka yuzuye umuriro ishobora kugenda ibilometero 230 ariko biterwa n’ubutumburuke bw’aho igenda n’ibindi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bugesera:Gitifu yahishuye ko mu bariye imbwa ntawe bazi zaguye...

Mu mudugudu wa Heru, Akagari ka Nyakayenzi mu Murenge wa Ngeruka mu Karere...
23 September 2020 Yasuwe: 1096 0

Musanze:Salongo yahurije hamwe abagore be 8 abaha impano z’uko bamwakiriye...

Umunyamakuru wa BBC dukesha iyi nkuru yasanze iwe abagore be bahahuriye,...
21 September 2020 Yasuwe: 7885 0

Umupfumu Rutangarwamaboko asanga abishe inyamaswa yitiranyijwe n’ingwe mu...

Umupfumu Rutangarwamaboko asanga abishe inyamaswa yitiranyijwe n’ingwe mu...
13 September 2020 Yasuwe: 6087 0

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3879 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2624 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5392 0