addresiya
startimes

Covid19: Bwa mbere mu Rwanda habonetse umubare munini w’abanduye mu bipimo by’umunsi umwe

Amakuru   Yanditswe na: Dusingizimana Remy 24 April 2020 Yasuwe: 6663

Nibwo bwa mbere mu Rwanda habonetse abanduye Coronavirus barenga 20 mu bipimo by’umunsi umwe nyuma y’aho kuri uyu wa Gatanu tariki ya 24 Mata 2020 Minisante itangarije ko habonetse abantu 22 bashya banduye Coronavirus mu bipimo 1,046 byafashwe. Ibi bipimo kandi akaba atari byo byinshi bipimwe umunsi umwe kuva iyi ndwara yagera mu Rwanda.



Minisiteri y’ubuzima mu Rwanda yavuze ko mu bipimo 1,046 byafashwe uyu munsi hagaragayemo abarwayi 22 bashya.Nta murwayi wakize uyu munsi ndetse nta n’urapfa.

Kuva iki cyorezo cyagera mu Rwanda kuwa 14 Werurwe 2020, abamaze kucyandura ni 176. Umubare w’abakize ntiwahindutse wagumye ari 87. Abakirwaye babaye 89.

MINISANTE yavuze ko ubu bwandu bwiyongereye cyane bwaturutse ku batwara amakamyo yambukiranya imipaka n’abo bakorana aho bivugwa ko muri aba bantu 22 higanjemo abaturutse ku mupaka wa Rusumo.

Abarwayi bose bari kuvurirwa ahabugenewekandi bari koroherwa nkuko byatangajwe na MINISANTE.

Minisiteri y’Ubuzima irasaba abaturarwanda gukurikiza amabwiriza y’ubuzima yashyizweho hitabwaho cyane cyane ku gukaraba intoki kenshi no kuguma mu rugo.
Udupfukamunwa tugomba kwambarwa iyo abantu bavuye mu rugo ndetse niyo bahuye n’abantu benshi,nko mu nsisiro n’ahatuye abantu benshi.

Minisiteri y’Ubuzima ikomeje kwihanangiriza buri wese, isaba kubahiriza amabwiriza yo kwirinda, kudahisha cyangwa kwirinda kwanga gutanga amakuru no guhisha ibimenyetso bya COVID-19, kuko ari ugushyira ubuzima bw’abandi mu kaga ndetse uzafatwa yakoze ibyo azahanwa n’amategeko.

Ibimenyetso by’ingenzi bya Coronavirus birimo Inkorora,guhumeka bigoranye n’umuriro.Umuntu wese ashobora kwipimisha Coronavirus akoresheje telefoni akanda *114#,maze agakurikiza amabwiriza cyangwa agahamagara umujyanama w’ubuzima umwegereye.Telefoni itishyurwa ni 114,Whatsapp +250788202080.Email ni :callcenter@rbc.gov.rw.

Mu mibare yatangajwe ku isi yose kuri uyu wa Gatanu,Leta Zunze Ubumwe za Amerika ikomeje guhura n’akaga mu gupfusha no kugira abenshi bandura. Imibare igaragaza ko muri iki gihugu abantu 886 709 banduye Coronavirus, 50 243 yarabahitanye mu gihe abakize bangana na 85 922.

Mu bindi bihugu bifite abanduye n’abapfuye benshi, ku mwanya wa kabiri hari Espagne ifite abantu 213 024 bamaze kwandura naho 22 157 bamaze gupfa mu gihe u Butaliyani bufite abanduye 189 973 mu gihe 25 549 bamaze gupfa.

Muri Afurika, abantu 28 220 ubu bamaze kwandura Coronavirus, abamaze gupfa bageze ku 1 301 mu gihe abakize bangana na 8 543.

Afurika y’Epfo iri imbere n’abamaze kwandura benshi kuko ari 3 953 mu gihe abamaze gupfa ari 75, ikurikirwa na Misiri ifite abanduye 3 891 abapfuye ho bageze kuri 287.

Algeria niho hamaze gupfa abantu benshi muri Afurika kuko ari 407 mu gihe abamaze kwandura ari 3007.

Muri Afurika y’Iburasirazuba, Kenya niyo ikomeje kugira abanduye benshi kuko ubu bageze kuri 320 mu gihe abamaze gupfa ari 14; mu Rwanda hamaze kuboneka abantu banduye 154 ariko abamaze gukira ni 87, Uganda abanduye ni 74, muri Tanzania hamaze kuboneka abantu 299 hamaze gupfa 10, mu Burundi abanduye ari 11, umwe ari we umaze gupfa naho Sudani y’Epfo ni bane banduye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Twese twari dukwiye kwibaza aho iyi Coronavirus ijyana isi.Aho ntibyaba ari bya bindi Yezu yavuze ko mu minsi ya nyuma abantu bazagira ubwoba bw’ibintu birimo kubera ku isi nkuko tubisoma muli Luka igice cya 21,umurongo wa 26?Nange ndahamya ko turi mu minsi ya nyuma. Rwose nk’umukristu,nange ndahamya ko iki atari igihe cyo kudamarara,ahubwo koko dukwiye gushaka Imana cyane,twitegura imperuka isaha n’isaha. Tuge twibuka ko na mbere y’Umwuzure wo ku gihe cya Nowa,Imana yabanje "kuburira abantu",ikoresheje Nowa.Mwibuke ko abantu bari batuye isi icyo gihe banze kumva ibyo Nowa yababwiraga,kugeza igihe Umwuzure wazaga ukabica bose,hakarokoka abantu 8 gusa.Yesu wavuze iyo nkuru,yahamije ko ariko bizagenda nagaruka ku munsi w’imperuka.Bisome muli Matayo,igice cya 24,imirongo ya 37 kugeza kuli 39.Rwose iyi Coronavirus ni umuburo (warning). Duhaguruke dushake Imana cyane,kugirango tuzarokoke "uwo munsi uteye ubwoba cyane "nkuko bible ivuga muli Yoweli 2,umurongo wa 11.

    1 month ago
  • chat_bubble Edouard

    N’ubwo imibare ari myinshi ariko igishimishije n’uko mbona tuzi aho yatorotse.Mureke twrse tugume mu rugo ahubwo twe guhishira abantu Bose barenga ku mabwiriza.#Dufatanyije tuzatsinda!

    1 month ago

Inzindi nkuru

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1700 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7899 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1238 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21659 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7246 0

Rwanda:Hagiye gukoreshwa ikoranabuhanga mu gusaba uruhushya rwo gusohoka mu...

Nkuko Itangazo rya Polisi y’u Rwanda yashize ku rukuta rwayo rwa Twitter...
26 April 2020 Yasuwe: 2745 3